الفهد🎖️

من تحلى ب الثقه قالوا غرور ومن تواضع للعرب قالوا خفيف ..

[الفهد🎖️ @ayy039]

لك من المحبه ماجعل قلبي المرّتاب
يحس إن أمانه تحت — شلّفاك وحرابك ..

[الفهد🎖️ @ayy039]

ما تعودت أحني الراس بين الصفوف
و لا تعودت أتذرى .. و أدور لي ذرى

إن وردت آرد على العدّ .. والعالم تشوف
وإن وقفت آقف على العز والعالم ترى

وإن طغت سُود الليالي على وجه الظروف
عاد لي شيّمه .. ومبدأ على وجه الثرى .

[الفهد🎖️ @ayy039]

يقول فهد السعيد :

لك على وضح النقا حبن شريف
ياملاك غاب من دون اعتذار

طمن الي خافقه يرجف رجيف
عن الغياب صار قلي كيف صار

ياربيعي والبشر غيرك خريف
ياهناي وبهجتي عطني قرار

[الفهد🎖️ @ayy039]

على البال ،ياللي تحسب اني من السالين
وانا في جميع حبال الأمال ، متجود

على كثر مابيني وبينك ، من الغالين
وشهب السنين ، مدلهة كل متعود

آوقف على باب الرجاء فيك ، لاذالحين
مثل وقفة اللي لاتقدم ولاعود ..

[الفهد🎖️ @ayy039]

ماورى وجهك هموم ولا خساير
كل من شافك بعد ربي توفق ..

[الفهد🎖️ @ayy039]

كل موقف درس والخذلان دايم خيره
لا تكبّر قيمة الاشياء .. و لا تتهقوى

كل درب تزل رجلك فيه دوّر غيره
كلها يومين تتعافى و ترجع أقوى ..

[الفهد🎖️ @ayy039]

البسمه اللي ترحب بي وانا مقبل
ياجعلني ماخلا من وجهه راعيها ..

[الفهد🎖️ @ayy039]

بتلقاني رغم كل الظروف وقسوة الأيام
على يمناك في كل اتجاهاتك .. بتلقاني ..

[الفهد🎖️ @ayy039]

لا انقفل باب ٍمن الرزق حراسه وقوف
فتحت بيبان الارزاق من كل اتجاه ..

[الفهد🎖️ @ayy039]

كنت متشبع محبه ومتنفس غرام
قبل لا يردعك رادع ، ولا يمنعك ظرف

آه يا قدم الرسايل / ويا حلو الكلام
ودي أحضن كل كلمه وأقبّل كل حرف ..

[الفهد🎖️ @ayy039]

يسوقني لك غلا ماجاء على بالك
ويردني عنك شي ما أقدر أقوله ..

[الفهد🎖️ @ayy039]

جميع الكون قدامي و خلق اللّٰه بالاعداد
و انت الثابت بقلبي و باقي الناس دوّاجه !

[الفهد🎖️ @ayy039]

تغانم مابقى لك قبلّ تاخذني الدرّوب بعيد
وأنا مثل العُمر لا رحت —— ماتقدرّ ترجعني ..

[الفهد🎖️ @ayy039]

تمنّيت صوتك يوم شارف شعور الخوف
يراود شجاعٍ صمتك .. أوّل خساراته ..

[الفهد🎖️ @ayy039]

من بغى ياخذ على راحة أعصابه ضمان
أنصحه .. لا عاد يشفق على مستقبله

الأمل بالنّاس بيتٍ عموده .. خيزران
والظروف أقوى من أقوى الرياح المرسله

دايم الصامل من الله على الدنيا معان
والضعيّف طول عمره ضحيّة مرحلة ..

[الفهد🎖️ @ayy039]

أعيشك حلم وأحيّا بك طواري عابره ووصال
وأموت بكل كلمة من شفاهك وأنت ما تدري ..

[الفهد🎖️ @ayy039]

دروب السهر والحب ومطاول العشاق
نصيحه مجرب .. لاتحاول ... تجربها

[الفهد🎖️ @ayy039]

ما يضيـق بالي إلا نشدة المتفرغ
لا نشد من حاجةٍ ماله لزومٍ فيها ..

[الفهد🎖️ @ayy039]

صباح الخير

بعد غيبه😇

[الفهد🎖️ @ayy039]

العيون اللي تراقب من بعيد
ياعساها ماتشوف إلا الهنا

استريح يالغلا مامن جديد
العهد باقي وأنا مازلت أنا ...