حروف

ليت العرب في ساعة الضيق حُرث

[حروف @az1ft]

اسهر طوال الليل واعيد ذكراك
ويصبح علي الصباح جفني ماباتي

وشلون بنسى كل ما فات وانساك
وانا افكر فيك حتى بصلاتي

انا ابتعدت وخاطري فيك يبغاك
خسراان من فكر يسوي سوااتي

اصعب مواقف دنيتي يوم فرقاك
ياليت قبل اتركك جاتني وفاتي

[حروف @az1ft]

ابسألك من بعد فرقاي وش جاك
هو انت عشت بخير ولا تحاتي

لا تحسب اني امتريح بفرقاااك
لا والذي سواك شاانت حياتي

ضاقت بي الدنيا على كبر الافلاك
وصار الحزن والضيق اشهر صفاتي

من يوم رحت وداخل الصدر تكاك
وحالي بعد فرقااك صاير شتاتي

[حروف @az1ft]

واقف على ذاك الطريق اللي يودي للكويت
ممنوع من جي الكويت وخاطري شفقن لها

ودي انب "العاشره" وأزور اهلها بيت بيت
من حب راعي البيت حبيت المدينة كلها

احب فيها من خذا مني خفوقي كمبليت
صدري بلاد وناعس الطرفين جا واحتلها

[حروف @az1ft]

المفارق و الليالي و خيبات الحلوم
أمرضتني و اثر مالي سوا قربك دوا

وانا على عهدنا اللي يجدد كل يوم
والله انُ قلبي لغيرك وحبك مانوا ..

[حروف @az1ft]

يالله بحظٍ تساومني عليه الملوك
يقضي على راس فتنة حزني المعنوي

ماهو بحظٍ تراودني عليه الشكوك
متسلّط الله لا يسلّط علينا قوي .

[حروف @az1ft]

يابعد كل الغوالي و يالزين الوحيد
انتي حروف القصايد وكل طروقها

انتي الي كل مااملك من ابيات ورصيد
تندفع لعيونك السود قـبل .. اسوقها

ياشبيه اللي تذيّر من الصوت البعيد
زول ريمٍ وسط نفذ الغضا و عروقها

مايضاهي زينك و يشبهه منتوق جيد
بانت علوم العذارى .. و بان فروقها

[حروف @az1ft]

مزاجها عالي ___ وتفكيرها عالي
من عادها ورع محدٍ حس خاطرها

من طيب جدانها تمشي وتختاليي
تامر ولا فيه من يعصي لأوامرهاا

وفيها الدلع والحلا يضرب به أمثالي
والزين م به ولا بنتٍ تخاشرهااا

[حروف @az1ft]

لبى العيون و رمشها و الحجاجين
و لبى المعنق و النحر و الخدودي

و لبى يدٍ ما حط فيها غدى زين
و لبى النعومه و الدلع و الركودي

لبى الكلام الذرب و اللطف و اللين
و لبى اشقرٍ كده على دهن عودي

لبى اهلك ، لعيونك اليوم غالين
و لبى خوالك كلهم و الجدودي

[حروف @az1ft]

يقولون عندك عنصرية مع الأقراب
و سحابة قصيدك دايم لربعك تسمّي

أنا كيف بحتاج النشاما من الأجناب
و قضّاية كبار اللوازم " بني عمّي " ؟

[حروف @az1ft]

والله ان حبك بـ قلبي ولا اشرك معه
كان ربي مبتليني .. في حبك مبتلي

الضرر وشلون اشوفه وحبك منفعه
والسعاده معكْ ما مثلها وصف وحِلي

انت مقصود الشعر والخلايق تسمعه
«وانت آخر حب وانت الحبيب الأولي»

[حروف @az1ft]

تبون الصراحه والله اني بغيت انهار
ظروف الحياة اقسى مما توقعته .

[حروف @az1ft]

قارنت بين الخميس و ليلة الجمعة
لا فرق لا فرق .. بين اليوم و البارح

الحزن نفس الحزن ، والدمعة الدمعة
و الجرح ما زال ، والجارح هو الجارح

[حروف @az1ft]

ضايق وأحس الضيقة أكبر من بكاي
والضيق يستاهل .. وعيني كريمه

[حروف @az1ft]

لولا خوفي من الدين ورب العالمين.
لخلي حبك سادس اركان الاسلام..!!⏳

[حروف @az1ft]

عشت عمري مصدر إعجاب الكثيرين
وما هزني في رحلة العمّر .. غيرك

[حروف @az1ft]

والله اني فيك هيمان يالشي الكبير
انت ملجئ للسكينه و قلبك مطرحي

انت تقدر تجعل القلب مرتاح الضمير
و انت تقدر تجعل الضيق كله ينمحي

وانت تقدر تجبر القلب و العظم الكسير
وانت تقدر تسعد الروح لو منت بـ وحي.

[حروف @az1ft]

لا تساومني و أنا أدري و أنت تدري
إني أعاف الجفى لكن مـا أخافه

خابرٍ قدرك بصدري ، بس صدري
ما تعود يلحق المقفّي حسافه

[حروف @az1ft]

زعلك ذنب و عسى ماني من المذنبين
و ارضاك واجب على ملة و هدي النبي

🌷

[حروف @az1ft]

حاولت ألبي رغبتك قدر الإمكان
وأسدل ستار آخر فصل في قصصنا

وبديت احب اللي تحبه على شان
اصير اعاف اللي تعاف وخلصنا .

[حروف @az1ft]

مرحبا يالابس الثوب المخور
ياسليل أطهر نسب وأطهر سلاله

جادلٍ في عينها الحور إتحور
يحذف الطيب ليا جاها عقاله .