أم ريم

[عروس النيل2 💪🇪🇬🇪🇬✌️ @shiren42]

عايزه اقول للراجل الي صور حسبنا الله ونعم الوكيل فيك
راجل غلبان الدنيا جت عليه وعايز يعيش بالحلال لاسرق ولا تعدي عليك ووقفك وبلطج عليك وموضوع لم البلاستيك والخرده ده مش جديد يعني مش سرقة
الحوجه وحشه وكسرة الرجال قدام عيالها وحشه
ومش من حق حد يصور حد ويفضحه خصوصا أنه معلش جريمه

[🇪🇬Sabreen Ragab🇪🇬 @SabrieenR]

ساعدو يونس يرجع لأهله
الطفل احتمال يكون مخطوف واتساب ف القاهره عشان محدش يتعرف عليه
الولد لهجته مش قاهرى وقال بابا مسافر وماما ماتت💔😢
احتمال باباه برا مصر

ساعدونا نلاقى اى خيط يوصلنا لو حد شافه ف قطر او عربيه او طريق يكلمني على الرقم اللى موجود في الفيديو
شير ف الخير...... منقول

[أم ريم @azahussen]

@Alexandria_egy1 طيب مفيش اى محامى يتطوع ويدافع عنه

[🦅🦅Noura Al-Hakim @hkem_el]

الصورة اللي قدامك دي لعامل مصري بيشيل طوب وواخد ابنه في ايده رايح جاي عشام فاقد بصره
وابنه بيعرفه الطريق وبيتعكز عليه وبيشيل علي كتفه وبيطلع سلالام عمارة عشان يوفر لأسرته تمن وجبة غدا او عشا مش لأجل اي حاجة تاني غير كدة
هي دي الضغوط الصعبة في الحياة اللي رجالة كتير بتعاني منها ومع ذلك اغلبهم ساكت ومبيكلمش لأن مفيش فرصة انه يكلم لأنه مش فاضي اصلاً يكلم عشان مستمر في عجلة الحياة الدايرة اللي مبترحمش
هي دي الضغوطات اللى بجد مش بتاعت الاعيبه

[Sherine Mohamed @sherine412]

لو بأيدي أختار أدي جايزة نوبل للكفاح لشخص .. هديها للراجل ده كل مرة!

ممكن بعد إذن السوشيال ميديا .. زي ما أي حاجة، سواء تافهة أو غير تافهة، بتطلع تريند، الراجل الجميل وابنه الراجل الصغير ده يطلعوا ولو ليوم واحد تريند ، يوم واحد بس..

طيب اعرفكم عليه الأول ؟

ده عم مصطفى، راجل مصري بسيط ، متزوج ومخلف ياسين اللي معاه ده، ومحمد

عم مصطفى، برغم إنه كفيف ، لكن ربنا عوضه بأبنه الي بقا عينه الي بيشوف بيها ، عم مصطفي مقعدش في البيت وبقي يشكي حاله ولا مد إيده لحد ، ولا عاش على المعونات برغم أنه حقه تمامآ!

لكنه سلك طريق مختلف شوية ونزل يشتغل بنفسه في المعمار بعرقه وجهده ، وكان بياخد معاه عكازة الحقيقي في الحياة .. أبنه ياسين سنده وضهره ، اللي كان بيروح معاه وياخد بإيده علشان ميخبطش في حاجة ولا يتعور ، ويطلعوا سوا لحد الدور الرابع والخامس ، أكتر من مرة ، وكل يوم على نفس الحال، علشان يلاقي ٢٠٠ ولا ٣٠٠ جنيه بالحلال يستروهم

أبو ياسين، قال إنه كان بيطلب من ياسين ميروحش معاه علشان تعب، وكان بيصحى من وراه بدري علشان يسبقه وينزل من غيره... لكن ياسين كان بيحس بيه ، ويقوم يجري يقوله "مش هسيبك يا بابا." ❤️

أبو ياسين ، برغم إنه راجل مكافح وكادح ، قال إنه تعب ،لأنه بيمشي بطئ بالشيله التقيلة لحد ماضهره وفقراته اتأثروا ، ومبقاش قادر يشتغل في المعمار، خاصة لما بقى يشوف ابنه بيتعب بالشكل ده عشانه ل، وكل أمنيته إنه يرتاح هو وعياله ويعيشوا حياة كريمة

أبو ياسين ظهر في فيديو مدته ٢٠ ثانية فقط... لكنه حرك قلوب ملايين المصريين، لأن الناس شافت فيه حاجة بقت نادرة جدًا... شافت أب شريف بيجري على لقمة عيشه بالحلال رغم إعاقته، وشافت ابن صغير شايل أبوه بقلبه قبل ما يكون بإيده

من فترة كدا ، بعد رجوع المنتخب ، شفنا رجال أعمال ومستثمرين بيقدموا هدايا وملايين وعربيات وشقق للاعبين... بغض النظر أن الموضوع كان فيه مبالغة شوية بس ده حقهم يكرموا اللي يحبوا يكرموه فلوسهم وهما أحرار فيها

لكن... فيها إيه لو حد فيكم تواصل مع عم مصطفى؟ الراجل اللي بيشقى بجد ، وبيتعب بجد ، وبيحارب كل يوم علشان يجيب لقمة عيشه بالحلال ، فيها ايه لما نريح الطفل الجميل ده ونخليه يروح المدرسة ويتعلم ويعيش طفولتة؟ لو نوفرله فرصة أو شغل يناسب ظروفه ، أو حتى يعيش هو وأولاده بكرامة بعيدًا عن المرمطة والشقا ده

قال الله تعالى:
﴿وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ﴾
[سورة التوبة: 105]

وربنا سبحانه وتعالى لا يضيع أجر من أحسن عملًا

عم مصطفي وياسين.. التريند الحقيقي ❤️

Cp

[Mohamed Fares Taman @mohamedfares07]

تالت الدوري هيلعب مع برشلونة.

تالت الدوري كان منه ٥ لعيبة أساسيين قدام الأرجنتين.

تالت الدوري كان منه ٨ لعيبة في قائمة المنتخب.

تالت الدوري، الاتحاد الأفريقي عنده أزمة مع الرعاة في حالة عدم تواجده في دوري أبطال أفريقيا، بسبب انخفاض قيمة الإعلانات بنسبة ٦٥٪.

تالت الدوري، منظم ومستضيف السوبر المصري عنده أزمة في حالة رفضه المشاركة بالكارت الذهبي، وتدخلات مستمرة لإقناع الأهلي بالمشاركة، حتى لو هيتم دفع مقابل مالي كبير مقابل الموافقة على المشاركة في البطولة.

يا ابني افهم، في فريق قدر يتعامل معاه الجميع إنه بطل، اسمه بطل، قيمته بطل، تاريخه بطل، ولا ينتقص من قيمته موسم على سبيل الاستثناء.

[mohamed salah @SalahAlhayat]

وسائل الإعلام العالمية جمعت مشاهد تؤكد كيف ذُبح منتخب مصر داخل الملعب، وهكذا سُرقت منه المباراة بقرارات الحكم الفرنسي فرانسوا ليتكسييه، وتواطوء رئيس الاتحاد الدولي جياني ارچنتينو، وتخاذل رئيس الاتحاد المصري هاني أبو ريدة ..
لن يغيّر هذا الفيديو النتيجة، لكنه سيبقى وثيقة تذكّر الجميع بأن مصر لم تخسر أمام الأرجنتين وحدها، وسيظل شاهدًا على من ظلم، ومن تواطأ ومن تخاذل ..

[Michael مايكل منير (ن) @MichaelMeunier]

الفيدو دة الفيفا عمال تستخدم حقوق الملكية الفكرية وتمسحة من مواقع التواصل علشان تمحي آثار الجريمة. انشروا الفيديو في كل مكان قبل ما يختفي. خلوه يوصل لكل الناس فيصعب مسحة.

[💥shams 💥Al Ahly🦅 @Lwlwua555]

محمد هاني اغمي عليه امبارح في بداية الشوط التاني وقام وكمل الماتش ولا حتي طلب تغيير مع انها مخاطرة فيها حياته هو شخصيا !!
محمد هاني ده واحد تاخد منه دروس مش تعمل عليه ايفيهات..
انصافا للحق محمد هاني عمل كاس عالم للتاريخ 💪
♥️🇪🇬🦅

[Mukhtar Derar مختار ضرار @mukhtarderar]

رسالة إلي محمد هاني

[Amro Mostafa @amro_amroz]

ارهابيين بجد خرجو من حبسهم واتصالحو، حرامية سرقو ملايين اتصالحو وطلعو وقتلو واتسجنو واتصالحو وطلعو، ربك ال اكبر من الكل ببغفر ويتوب على عبده لو اخطأ..

رجعو الراجل ال بيعشق البلد دا واللي اثبت مع السنين ان كل كلمة اتقالت عنه كانت باطل وانه فعلاً شخص مخلص جداً لبلده وأهل بلده !

اسمعو قصص اتقالت على لسان اي لاعب زامله في الملعب سواء ناشئ او لاعب كبير!

اسمعو لاعيبة قدامى قاعدة في الاستوديوهات بتقطع في المنتخب وفي حسام وفي اللاعيبة والغل والحقد مالي كل حرف من كلامهم وقارنوهم بفرحة الراجل دا وكلامه الايجابي عن كل الفريق وعن المدرب!
نضيف بشهادة العدو قبل الحبيب

كفاية عليه كدا والله كفاية!
الراجل عينه بتلمع لما بتيجي سيرة مصر قدامه!

[Sherine Mohamed @sherine412]

نحن أمَّةُ السجود

نحن أمَّةٌ واحدة

سر الدعاء و السجده و نيه الإنتصار ❤️❤️❤️❤️🇪🇬🇪🇬🇪🇬🇪🇬🇪🇬

[🦅🦅Noura Al-Hakim @hkem_el]

الشاب ده بيقول إنه خريج إعلام، وبيروح شغله كل يوم بأسكوتر كهربائي، في يوم وهو راجع كان حاسس إنه مخنوق ومضايق شوية، ومكنش عاوز يروح، فبص لقى منطقة رملية اسمها جيشا على ضفة النيل في المعصرة، وقال أنزل أقعد أفك عن نفسي شوية، وكانت أول مرة ينزلها
وهو ماشي بالأسكوتر غرز منه في الرملة، وحاول لفترة طويلة يسحبه ، بس كل محاولاته فشلت والأسكوتر بيغرز أكتر ، بص حواليه لأكتر من ساعة ومكنش فيه حد ، لحد ما ظهروا شابين جايين من بعيد وبيعرضوا عليه المساعدة، لكنه أول ما شاف شكلهم قلق منهم وقالهم لا شكراً، خلاص هتصرف، لكنهم أصروا يساعدوه

وبالفعل ساعدوه وسحبوه معاه ، لكن وهو لسه بيطلع الأسكوتر ولسه هيقولهم شكرآ ، فجأة غدروا بيه، واحد منهم شغّل الأسكوتر وجري بيه، والشاب التاني جري وراه ومعرفش يلحقهم ، بعدها راح عمل محضر في القسم والنيابة، لكن لحد دلوقتي مفيش أي حاجة رجعت له

وبيقول إن الأسكوتر كان فيه موبايله، ومحفظته، وبطاقته، والرخصة، وكروت الدفع وأوراق مهمة خاصة بشغله، وإن كده مستقبله وحياته كلها اتدمرت، وخسر شغله، ومش عارف هيبدأ منين ولا يعمل إيه وأنه ملهوش حد خالص يقدر يساعده ويقف جنبه في محنته

وقال إنه وهو رايح الشغل كان دايمًا بيشوف ناس كتير قاعدة في المكان ده، فقال يعمل زيهم ، لكن من سوء حظه اليوم ده مكنش فيه أي حد، وقابل الشابين دول اللي استغلوا أزمته وضيقته وسرقوه
وكانت حالته صعبة وقال إنه ندمان أشد الندم وياريته روح ولا إنه نزل المكان ده ، لأنه بدل ما كان مخنوق ومضايق شوية، بقى دلوقتي مخنوق أكتر، ومش طايق الحياة بعد اللي حصله ، وهو مش طالب حاجة غير إن الناس توصل صوته، ونفسه حاجته ترجع لأنها شقى وتعب سنين. منقول

[أم ريم @azahussen]

@hkem_el ما شاء الله ربنا يبارك فى عمرها ويجعل ابنها بار بيها ويكون العوض والسند

[أم ريم @azahussen]

@hicasamadim ٧٢

[أم ريم @azahussen]

@sherine412 تم القراءة ربنا ييسر امورك وتنولى اللى ببالك

[Heba-0 Sayed @HebaSayed138493]

طلب من اختكم انا مش بحب كدة والله بس للاسف يعني واضح اني دوست علي ديل حد أو كلامي جه علي قرعة حد الحساب كان فيه قيد نشر وقعد ساعتين ودلوقتي تقيل فلو ممكن بس تعليقات وريتويت هنا علشان الحساب يفضل بدل ما يطير وشكرا ليكم جميعا 🙏🌹

[R🅾️NY 🦅 7️⃣4️⃣🇾🇪 @Raniael31123957]

ميعادنا غدا بإغلاق الموبايلات اتمنى من الجميع الاغلاق عندما ندخل لصلاة الجمعه ولا نفتح الا فى نفس توقيت الاغلاق من اليوم التالى وسترى مدى الخسائر فى ال 24 ساعه فقط ستكون بالمليارات صدقتى ..برجاء النشر على صفحاتكم

[Mohamed Nabil @mnabil100]

وجهة نظر قليل اللي يقدر يقولها :
لا خلاف على أن إبراهيم فايق إعلامي مميز، نجح في صناعة برنامج قوي وله تأثير واضح في المشهد الرياضي 👌
لكن في المقابل، هناك موقف يستحق التوقف عنده بجدية.
خروج إبراهيم المنيسي — بصفته رئيس تحرير مجلة الأهلي التاريخية، وأحد الوجوه الأساسية على شاشة قناة النادي — للحديث عن “انفراد” يخص النادي الأهلي عبر قناة أخرى، يطرح علامات استفهام مشروعة حول حدود الأدوار المهنية والالتزام الإعلامي.
المسألة هنا ليست تقليلًا من أي طرف، بل تتعلق بمبدأ واضح:
حين يكون الإعلامي ممثلًا رسميًا لكيان بحجم الأهلي، فإن أي محتوى حصري يخص النادي يفترض أن يُعرض عبر منصاته أولًا، حفاظًا على حقوقه الإعلامية وقيمته المؤسسية.
الأمر لا يتعلق بخبر في حد ذاته، بل بصورة الكيان وانضباط الرسالة الإعلامية الخاصة به.
لذلك، من الطبيعي أن يكون هناك إطار أكثر وضوحًا وحزمًا من داخل إدارة الأهلي لتنظيم مثل هذه المواقف، بما يضمن احترام الأدوار، ويعزز من احترافية المنظومة الإعلامية للنادي.
في النهاية، التقدير قائم للجميع، لكن الحفاظ على قيمة الأهلي وهيبته الإعلامية يجب أن يظل أولوية لا خلاف عليها.

بشوف هنا لازم تدخل من إدارة الأهلي وموقف رسمي لإيقاف مثل هذه المواقف وشكرا للتفهم👌