عزيز الخنيزان

AI • Tools • Biohacking • Productivity • ADHD systems • Mental clarity • Daily growth 🎥 Sharing the upgrades | Aziz Al khunizan

[عزيز الخنيزان @azizme]

https://t.co/BeVf86q60J

[عزيز الخنيزان @azizme]

🔓 جوجل اعترفت ان نموذجها طلع من بيئة الاختبار ودخل انظمه ٣ شركات حقيقيه، والحادثه صارت بمايو وانكشفت الحين.

• الاختبار كان عند شركة Irregular المستقله
• اسم شركه وهمي طلع دومين شغال على الانترنت
• بحاله وحده خمن كلمات السر لين دخل

النموذج وقف بنفسه يوم عرف انها شركه حقيقه

المصدر: CNN

[عزيز الخنيزان @azizme]

الطلب الواضح يوفر جولة تخمين.

أقترح ترتبه كذا: دور، مهمة، سياق، وصيغة. في البطاقات مثال تعليمي لمتجر عطور، مو نتيجة مولدة ولا أمر من المكتبة. لا تطلب من النموذج يخترع تفاصيل المنتج.

https://t.co/IW2VMcDef1

[عزيز الخنيزان @azizme]

كل النصايح تقول دور شغل تحبه. ورقه نزلت قبل يومين تقول الموضوع مو نوع الشعل، الموضوع هل فيه شي جديد.

الباحثين اخذوا 298 شخص كلهم يشتغلون 20 ساعه بالاسبوع على الاقل، وسالوهم عن رضاهم عن شغلهم وعن طبيعه مهامهم، مثل هل شغلك الحالي يخليك تواجه مهام او مشاكل جديده وغير مالوفه.

النتيجه الاولى: الجده بحد ذاتها ما لها علاقه بالرضا الوظيفي. ولا شي.

النتيجه الثانيه هي اللي تهم. لما فصلوا حسب وجود ADHD، العلاقه طلعت موجبه وواضحه عند اللي عندهم ADHD، وما طلع لها اثر عند غيرهم.

يعني نفس الصفه اللي يعيرونك فيها طول عمرك، انك تمل بسرعه وما تكمل، هي نفسها اللي تتنبا برضاك عن شغلك اذا الشغل عطاك جديد. المشلكه مو في طبعك، المشكله ان طبعك محطوط في مكان ما يحتاجه.

الخلاصه العمليه: قبل ما تغير مجالك كامله، اسال سؤال اصغر. اسبوعك فيه كم مهمه ما سويتها قبل؟ اذا الجواب صفر، الملل اللي تحس فيه مو كسل، هو نقص في تصميم الشغل نفسه. دوارن مهام، مشروع جديد، عميل جديد، مشكله تتغير، كلها تعديلات اصغر بكثير من استقاله.

تنبيه مهم: العنيه من منصه الكترونيه والتشخيص معتمد على قول الشخص نفسه، والدراسه ارتباطيه ما تثبت سببيه، والورقه مقفله فما فيه ارقام منشوره غير الخلاصه.

المصدر: Occupational Health Science 2026، DOI 10.1007/s41542-026-00274-1

#ADHD #Aziz_Al_Khunaizan

[عزيز الخنيزان @azizme]

🩻 نموذج Damo Radar انفتح للجميع بعد ما نشرو نتايجه بمجلة Science، وجربوه على قرابه ٤٠ الف فحص حقيقي.

• متوسط دقته ٠٫٩١٣ عبر ١٤٦ حاله سريريه
• يغطي قرابه ١٥٠ حاله بالبطن منها سرطانات
• التجربه شملت ٤٠ الف فحص اشعه واقعي

الاشعه اول تخصص طبي يحس بالضعط جد

المصدر: SCMP

[عزيز الخنيزان @azizme]

🧪 ثلاثة مصادر يقولون انثروبيك تدرس تنزل نموذج جديد ترد فيه على زخم OpenAI بعد نزول GPT-6 Astra.

• مستثمرون يعيدون تقييم موقعها كمزود اول للشركات
• الاكتتاب ممكن يتاجل لبعد انتخابات نوفمبر
• امودي كتب قبلها مقال ٣٨٠٠ كلمه يدعو للتبطئه

الدعوه للتبطئه شي والمنافسه شي ثاني

المصدر: Reuters

[عزيز الخنيزان @azizme]

ثلاثة اسابيع تمرين قبل العمليه تخليك مستقل عن الرعايه بعدها بسنه؟ الجواب من ١٣٨٢ مريض الماني: لا.

هذي تجربه اسمها PRAEP GO, عشواييه ومحكمه, والي قاسو نتايجها ما يعرفون مين اخذ التمرين ومين لا.

الي سووه: ١٩ مستشفى في المانيا. ناس عمرهم ٧٠ سنه وفوق, كلهم هشين او على حافة الهشاشه, وكلهم داخلين عمليه مجدوله مو طارئه. نص العمليات تقريبا عظام.

قسموهم نصين بالقرعه. نص ياخذ ثلاثة اسابيع تاهيل قبل العمليه: ٣٠ جلسه, كل جلسه نص ساعه, باشراف مباشر. ومو بس رياضه, فيها تغذيه ودعم نفسي ومراجعة ادويه وحتى تدريب على العكاز. والنص الثاني رعايه عاديه.

والالتزام كان ممتااز, مو مثل عادة الدراسات اللي ينهار فيها نص الناس. المتوسط ٢٩٫٥ جلسه من ٣٠.

بعدها قاسو شي واحد بس, وهو الشي اللي يهم المريض فعلا: بعد سنه كامله من العمليه, وين وصل اعتماده على الرعايه؟ سلم من صفر الى ٥.

النتيجه: ما في فرق. الفرق بين المجموعتيين ٠٫١ بس, ومجال الثقه يعدي الصفر, والقيمه الاحتماليه ٠٫٢٦.

يعني ٣٠ جلسه باشراف, والتزام شبه كامل, وبعد سنه ما تغير مكان المريض في سلم الاستقلاليه.

والامانه تقتضي اقول باقي التفاصيل: التاهيل كان امن, ٣٢ حدث سلامه اغلبها ما له علاقه بالتدخل. وفي تحليل جانبي, الي التزمو اكثر طلعو احسن, بس الباحثين نفسهم قالوا خذوه بحذر لانه استكشاافي مو مخطط له من البدايه. وقبلها بشوي تجربه ثانيه بتاهيل منزلي طلعت نفس النتيجه.

واهم نقطه, وهذي من كلام الباحثين نفسهم: هذا مو معناه ان الرياضه ما تنفع. معناه ان ثلاثة اسابيع قبل العمليه مده قصيره عشان تغير مسار سنه كامله. الحل برامج اطول تغير السلوك نفسه, مو حزمه مستعجله قبل الجراحه بشهر.

المصدر: Lancet Healthy Longevity 2026، DOI 10.1016/j.lanhl.2026.100899

#Longevity #Aziz_Al_Khunaizan

[عزيز الخنيزان @azizme]

🔥 عرض مسرب للمستثمرين يبين ان OpenAI تتوقع تدفق نقدي سالب ٢٧٨ مليار دولار من ٢٠٢٦ لين نهاية ٢٠٣٠.

• الايراد يرتفع من ٣٦ مليار لـ٣٥٠ مليار بـ٢٠٣٠
• الانفاق على الحوسبه يوصل ٨٥٦ مليار دولار
• التوقع تحسن من ٣٠٥ مليار حرق كان متوقع بمايو

كل دولار ايراد مقابله ثلث دولار حرق

المصدر: Financial Times

[عزيز الخنيزان @azizme]

دايم لما نتكلم عن طول العمر نروح على الانسولين. ورقه نزلت امس تقول ان الهرمون المعاكس له هو الي يستاهل النظر.

الي سووه: جمعو خمس طرق مختلفه تمااما تطول عمر الفار. دوائين، اكاربوز وكاناغليفلوزين. وتقييد سعرات. وفارين معدلين وراثيا، سنيل ونقص مستقبل هرمون النمو.

خمسه ما بينهم شي مشترك في الضاهر. دواء سكري، ودواء ثاني، وحميه، وطفرتين وراثيتين.

ومع ذلك الكبد عند الخمسه كلهم يسوي نفس الشي بالظبط.

انزيمات حرق السكر تنزل. وانزيمات تكصير ثلاثة احماض امينيه ترتفع: الالانين والجلوتامين والاسباراجين. وتصب كلها في دورة كربس.

يعني الكبد غير الوقود. من سكر الى احماض امينيه.

وعشان يتاكدون، جربو ترامتينيب، دواء يطول العمر من طريق ثالث غير هذي كلها. نفس النمط طلع.

هنا صار السؤال: مين ينقل الرساله للكبد؟

الجواب الي رجحوه مو الانسولين. هو الجلوكاجون، اخوه المعاكس في البنكرياس. عطو نظير جلوكاجون لحيوانات عاديه، فنزل استهلاق السكر وارتفعت نفس الانزيمات الثلاثه. وفوق هذا لقو ان الفيران بطيئة الشيخوحه تنتج جلوكاجون اكثر، وكل ما زاد زادت النقله الايضيه معه.

والامانه تقتضي اقول القيود: كل هذا في فيران، مو في بشر. وجزء الجلوكاجون الباحتين انفسهم يسمونه فرضيه، والزياده في البنكرياس ارتباط مو سببيه مثبته. ولا تفكر باكاربوز ولا ترامتينيب كمكمل، هذي ادويه لها حسابها.

بس الفكره تستااهل تنقال: خمس طرق ما تشبه بعض، وكلها تنتهي عند نفس الباب.

المصدر: npj Aging 2026، DOI 10.1038/s41514-026-00505-3

#Aging #Aziz_Al_Khunaizan

[عزيز الخنيزان @azizme]

صدمني بحث نزل قبل كم يوم عن التامل.

خذوا ٥٠٤٩ شخص من امريكا وبريطانيا، ووزعوهم عشوائي: ناس تتامل خمس دقايق، وناس تتامل عشر دقايق، وناس بس تتصفح النت زي كل يوم.

اول نتيجه طيبه: اللي تاملوا ما زادت عندهم التجارب المزعجه عن اللي كانوا يتصفحون النت، وبالعكس المزاج السلبي عندهم نزل اقل.

بس اللي وقفني هو الرقم الثاني: اللي تاملوا عشر دقايق احتمال يمرون بتجربه مزعجه كان اعلى ٤٢ بالميه من اللي تاملوا خمس دقايق بس.

يعني الجرعه الاطول ما كانت احسن، كانت اثقل. وبشكل عام ٤ بالميه تقريبا مروا بشي مزعج داخل الجلسه، و٧ بالميه طلعوا بمزاج اسوا من قبل.

خلاصتي: اذا بتبدا تامل لا تبدا بعشر دقايق عشان متحمس. ابدا بخمس وخلها تكبر معك بالتدريج.

المصدر: JMIR Mental Health 2026، DOI 10.2196/95628

#Biohacking #Aziz_Al_Khunaizan

[عزيز الخنيزان @azizme]

📈 شركة بنيه تحتيه للذكاء من لندن قدمت اوراق اكتتاب بامريكا، وايرادها بالنص الاول قفز اكثر من ١٢ ضعف.

• ايراد النص الاول ١٤٠٫٦ مليون دولار لسنة ٢٠٢٦
• الخساره الصافيه ١٫٠٢ مليار بعد ما كانت ٣٦٨٫٩ مليون
• نفس الشركه وقعت مع Figure بـ٣٫٥ مليار دولار

الايراد يطير والخساره تطير معه

المصدر: CNBC

[عزيز الخنيزان @azizme]

عدل شيئا محددا في طلبك وجربه من جديد.

الدرس يشرح الفكرة، والمحادثة مساحة للتطبيق. التدريب مجاني حاليا مع حدود للاستخدام، والشهادة خطوة لاحقة بعد إتمام الدورة.

https://t.co/C301Jc8c0h

[عزيز الخنيزان @azizme]

مدرب هلا يستخدم الذكاء الاصطناعي عبر API للرد على أمرك.

وهو موجه لاقتراح تحسينات على الصياغة عند الحاجة. بعدها دورك تراجع وتقارن، مو تنسخ الرد وخلاص.

[عزيز الخنيزان @azizme]

ابدأ بمهمة صغيرة تعرف تحكم عليها، مثل بريد أو وصف قصير.

اكتب المطلوب والسياق وشكل الإجابة. لا تبدأ بملف فيه بيانات عملاء.

[عزيز الخنيزان @azizme]

تعلم الذكاء الاصطناعي مو قراءة وبس.

في أكاديمية هلا اللي بنيتها، تقدر تقرأ الدرس ثم تجرب صياغتك مع مدرب هلا. هذي طريقة الاستفادة من التجربة:

[عزيز الخنيزان @azizme]

لو جربت علاج نفسي لفرط الحركه وتشتت الانتباه وحسيت انه ما نفع، خذ هذي.

باحثين جمعوا 102 مشارك، كبار عندهم ADHD ومعالجين نفسيين يشتغلون معهم، وسالوهم سؤال واحد: ليش الكبار ينسحبون من العلاج المعرفي السلوكي؟

اكبر سبب طلع مو من المريض، طلع من الطرف الثاني.
44.4% قالوا ان فهم المعالج نفسه للـ ADHD ضعيف.
33.3% قالوا ان المعالج ما يلتفت للاشيا اللي فعلا معطله حياتك.

والاشيا اللي الكبار قالوا هي الاهم في الجلسه: ترتيب المهام والتخطيط، تنظيم المشاعر، الرد على الافكار السوده، ومحاربة التسويف.

وفيها مفارقه توجع: اهم شي طلبه الكبار كان تقليل الخجل وبناء الثقه، وهذا بالضبط الشي اللي المعالجين قالوا انه الاصعب عليهم يقدمونه. وتقييم الاعراض الاسبوعي، اللي يعتبر روتين في العلاج، الطرفين ما حبوه.

تحفظ: هذي اراء 102 مشارك، مو تجربه سريريه تقيس نتايج.

لكن الرساله واضحه: اذا حسيت الجلسات ما تمشي، السؤال الاول مو وش فيك، السؤال الاول هل المعالج يعرف ADHD عند الكبار اصلا.

المصدر: Frontiers in Psychiatry 2026، DOI 10.3389/fpsyt.2026.1824100

#ADHD #Aziz_Al_Khunaizan

[عزيز الخنيزان @azizme]

⚡ ترمب كتب بحسابه انه بيعين مسؤول للذكاء الاصطناعي وبيشكل قوة ذكاء، ورفض دعوات وضع قيود على التطوير.

• اقترح ٣ اسماء بديله وخلاها تصويت لمتابعينه
• وصف مخاوف امان الذكاء بانها مبالغ فيها
• الاعلان جا بعد ايام من دعوة المختبرات للتبطئه

السياسه ماشيه بعكس اتجاه المختبرات

المصدر: TechCrunch

[عزيز الخنيزان @azizme]

📜 اربعه مشتركين دافعين لـChatGPT وكلود وغروك وجيميناي رفعو دعوى جماعيه يقولون الشركات اتفقت تبطئ التطوير بشكل غير قانوني.

• الدعوى مرفوعه بمحكمة شمال كاليفورنيا الفيدراليه
• المدعون يقولون قيمة اشتراكهم نقصت لان التطور وقف
• التنسيق صار يوم ١٢ سبتمبر حسب صحيفة الدعوى

اول مره تصير الدعوى على البطء مب على السرعه

المصدر: CNN

[عزيز الخنيزان @azizme]

ليش الصيام مره يطلع لك نتيجه حلوه ومره يطلع عكسها؟

ورقه نزلت هالاسبووع في Cell Reports تقول ان الجواب مو في عدد ساعات الصيام. الجواب في سؤال ثاني: هل جسمك يدري ان الوجبه جايه، ولا يكتشفها لما تجي؟

الي سووه: قارنو نظامين. الاول تقييد سعرات بوجبه واحده في اليوم. والثاني دوره صيام ثم اكل ثم صيام. وثبتو حاجتين عن قصد: كمية الاكل، وطول مدة الصيام. يعني ما خلو فرق الا في الترتيب نفسه.

وهنا طلع الفرق الي ما كان متوقغ.

في الصيام الحاد، الي يشغل وضع الصيام في الجسم هو تفريغ المعده. يعني الجسم ما بدا البرنامج الا لما المعده خلصت فعليا. اشاره ميكانيكه، رد فعل متاخر.

اما في تقييد السعرات، الاستحابه كانت منظمه ومجدوله. الجسم يتهيا قبل، لان الوجبه لها وقت معروف كل يوم.

وقاسو هالشي بالانسولين، وبالاحماض الدهنيه الحره، وباشارات mTOR في الكبد، وبانتاج الكيتون، وبسرعة الهظم، وبالايقاعات اليوميه للايض.

النتيجه: تقييد السعرات قوى الايقاع اليومي وخلى الجينات الايضيه تشتغل متناغمه. ودوره الصيام والاكل سوت العكس، بلبلت الايقاع.

والاهم: تقييد السعرات حسن استهلاك السكر والدهون. والصيام بنمط الدورات ودى لضعف في تحمل السكر وتراكن دهون في الكبد.

والامانه تقتضي اقول الباقي: قريت الملخص بس، النص الكامل مقفك ورا اشتراك وما قدرت افتحه. والملخص ما يذكر هل التجربه على حيوانات ولا على بشر، فلا تاخذها كتوصيه لنظامك انت. وهي مو تجربة تنحيف اصلا.

بس الفكره تستاهل تنقال: جسمك ما يحب المفاجات. الانتظام بروحه نص الفايده.

المصدر: Cell Reports 2026، DOI 10.1016/j.celrep.2026.118022

#Aging #Aziz_Al_Khunaizan

[عزيز الخنيزان @azizme]

قصوا نومهم للنص اربع ليالي ورا بعض، وعطوهم مشروب كيتون. طلعوا ينامون نوم اعمق.

٣٢ شخص سليم، ١٦ منهم بنات. نزلوهم من ٧ ساعات و٥١ دقيقه بالسرير الى ٤ ساعات و١٥ دقيقه، يعني قصوا ٤٦٪ من نومهم اربع ليالي ورا بعض.

كل واحد جرب الحالتين: مره ياخذ ٢٥ جرام كيتون خارجي مرتين باليوم، ومره ياخذ شراب مطابق بالطعم وبنفس عدد السعرات بس بدون ماده فعاله. لا هم يدرون وش ياخذون ولا الي يقيسهم.

الي طلع:

وقت النوم العميق زاد ١٣٪ مع الكيتون مقارنه بالبلاسبو. نفس الساعات القصيره، بس الجسم طلع منها نوم اعمق.

وبمحاكي واقع افتراضي للرمايه: سرعة انجاز اسرع ٧٪، وكفاءه اعلا ٨٪، ودقه اعلى ١٪.

والنقطه الي وقفت عندها: تحسن الرمايه ماجا من النوم الزايد. الباحثين يقولون التاثير كان مستقل عن النوم، الكيتون ساعدهم قبل قلة النوم وبعدها، مسارين مختلفين.

ليش هذا يهم؟ لان احنا نتعامل مع عمق النوم كانه شي ما نتحكم فيه، يجي مع الوقت والظلام وبس. هالتجربه تقول ان الوقود الي يشتغل عليه دماغك بالليل له كلمه بعد.

بس لا تستعجل:

ما يعوض النوم. ثبات السلاح ظل يتدهور مع السهر.

الدقه زادت ١٪ بس، والتصويب واتخاذ القرار ما تحسنو.

٣٢ شخص عدد صغير، والنوم انقاس بساعه تلبس مو بمختبر نوم.

و٢٥ جرام مرتين باليوم شي غالي ومو اكل تلقاه بالبيت.

خلاصتي: عمق النوم فيه مقبض ما كنا ناخذه بالحسبان. بس المقبض الاساسي لين الحين اسمه تنام بدري.

المصدر: Military Medicine 2026، DOI 10.1093/milmed/usag429

#Biohacking #Aziz_Al_Khunaizan

[عزيز الخنيزان @azizme]

⚖️ OpenAI اطلقت Astra for Law مبني على GPT-6، ومعه فهرس بحث قانوني يغطي اكثر من ٢٣٠ مليون رابط امريكي.

• يغطي فوق ٩٩٫٩٪ من السوابق القضائيه المنشوره بامريكا
• نتيجه ٥٤٪ صح على ٢٠٠ سؤال باختبار قانوني
• مطروح اول مره لمكاتب مختاره من Am Law 200

الذكاء دخل مهنه تعيش على الدقه، والمراجعه لازم تبقا

المصدر: OpenAI