ِ

" قدامك الدنيا ، والأفراح واجد " .

[‏᷂عسر٨٨ @Qhta10ni]

رب هذا زمن فتنة و وقت إنقسام
ما ادور إلا الثبات و ما اطلب الا اليقين

أدعي مثل مادعى يوسف عليه السّلام
توفني مسلمًا وألحقني بالصالين

[ِ @b30lll]

حدوني على المقعاد وانا سوات الطير
طليق السبوق الي ماعوّد على الربطه

الا جعل يسقى يومني لا بغيت السير
مايردعني الا دعسة البنص لا اخبطه

واسج الفياح الي بصدري لها تأثير
يوم النفس من كثر المراويح منغبطه

قضا ما مضا والمقبله جعل فيها خير
لو ان الليالي بالصواديف منربطه . .

[ِ @b30lll]

علموه اني احبه محبة والديه
وعلموه اني بحبه صويب مبتلي

في حياتي مابقى حاجتن تغلى عليه
فدوته حالي ومالي وضحكي وزعلي .

[ِ @b30lll]

صباح الخيير ☕️ . .

[ِ @b30lll]

☕️

[ِ @b30lll]

من لا يودك صادق الود لا تودّه
ومن لا يداري خاطرك لا تداريه

القلب يجفل من وجيهٍ مصدّه
وانا اشهد ان القلب دليل راعيه

وسيلٍ جرى عن مدرجه لا تحدّه
جنب وخل السيل يضرب مجاريه

ومافات من دنياك صعبٍ مرده
خذلك من الماضي عبره وتوجيه .

[ِ @b30lll]

ضيدانيات وابوّ حدرية ☕️ . .

[ِ @b30lll]

أنا مالي محل الا على الذكرى وعلى الإعراب
وقصيدٍ لو ضحك نصّه بكى نصه علانيّه

تبي تلقى أحد غيري ولكن ويش جاب لـ جاب
وأنا ضلعي يميل أكثر وداد وعشق وحميّه

[دهَـام @3jm7_]

يالله بـ توبه مثل مزنً لا .. نشا
يحيي هشيم القاع واعروق الشجر

اللي على الطاعة ودين الله نشا !
يلقى .. الغنيمة والمثوبة والأجر

يودّع اهمومه .. ليا صلى " العشا "
ويباشر ارزاقه ليا صلّى " الفجر "

[ِ @b30lll]

اذا ضاقت بك الدنيا وانا حي من الحين
لا تاخذك الظنون اللي رديات هقاويها

حرام اني ماخليه يتولاك الزمان الشين
لو اتلى العهد بك وجعةٍ مانيب ناسيها .

[ِ @b30lll]

الهوا اللي ناطحه راسي قبل راس الهواوي
من مهبه مالقيت الحاجه اللي كنت ابيها

لو نسانيس الهوا الغربي مثل طب المداوي
كان شرعت الضلوع العوج لين يهب فيها . .

[ِ @b30lll]

ياصواديف الحياه اللي مانعلم وش خفاها
احشميني من ظروف الوقت لاتشقر عصاتي

محتسي للوقت مير ايامنا صلفٍ هواها
كل مامديت يمنى الطيب زادت لي شتاتي . .

[ِ @b30lll]

أزعل عليك من الشهر يوم يومين
وأشتاق لك تسعه و عشرين ليله

و أخلق لك الغايات وحده وثنتين
لو ما تبرر كل " غايه " وسيله

إن دارت الدنيا على طبعك الزين
ما همّشت ب الذكريات الجميله

ما عندي الا قلب ما هوب قلبين
لا غاب غالي ما إنتظرت لـ بديله . .

[مسعود آل شعفول @masuod974]

زل الطرب .. و انتهينا .. يالغزال اللعوب
حنا كبرنا على الابيات و لحونها

عاهدت نفسي ما اقربها طريق الذنوب
وانا لا عاهدت نفسي ما اقدر اخونها

ان جابك الشوق .. ولا حركتكْ الهبوب
تخيّري فالقصايد و اخذي عيونها :)

لا طاحت الشمس من كبد السماء للغروب
اضيق وانا من اللي " ما يعبدونها "

يازين سود العيون و زين بيض القلوب
ويا شينها كل ابيها لا انعكس لونها

فرط الوعي في عقول الناس ناره شبوب
ايعيّف قلوبهم فـ اشياء ٍ يحبونها

ماعاد تغريني الدنيا و خضر الدروب
حتى لو ان النسيم يلاعب غصونها

انصفت نفسي بنفسي في كبار الخطوب
و صديت عن زلة الجهال و ظنونها

مانيب ملزوم اصامد كل وجه ٍ شحوب
بعض الوجيه اترك الغاوين يقرونها :)

تصدمك الايام في معرب نسب و مْحسوب
اذا حسبته ورى الهقوه وهو دونها

[ِ @b30lll]

كيف أعرفك وأرتضي من بعد عرفك في بديل
وأنت أغلى من دموع الحق ومياه الوجيه .

[العـاهل @all_3jmii]

- مدغم ابو شيبه لله درّه -

كل فعل .. ينافي العاده هضمت أسبابه
إلا عبّاد الفلاش .. و مسلمين الجمعه

حب لي خشم التشهّد بـ إصبع السبّابه
ماهو بـ حاجة رتوش ولا بـ حاجة لمعه

أنتشي من ضحكة العاقل : على مغتابه
فطنة المتحدثه .. و إصغاية المستمعه

مانصبت إلا .. على ذا العالم " النصّابه "
وماحزنت الا على من غامرو بـ السمعه

صارت الأيام .. في عيني ( جناح ذبابه )
لا عرفت إن العرب تحشر و هي مجتمعه

من تهاب الناس من طيشه مانيب آهابه
أنا آهاب من الضعيف إللي سلاحه دمعه

[ِ @b30lll]

يازين تكفى علم الزين يازين
يروي ضمى بعض الكبود العطاشي

راحت حياتي ببن لحظه وبعدين
ما دمعت عيني لكن ضاق جاشي

منه عرفت شلون حال المحبين
شين الموالف للخشوم الطياشي

يا قلبي ياللي خابرك منت بتلين
غديت نيشان لطلق الكلاشي

اصبر ولو ذقت العنا و الامرين
لابد ما ينزاح عنك الغشاشي .

[ِ @b30lll]

- ابو حدرية 📍 . .

[ِ @b30lll]

ساعه الفرقا تظاهرت وأخفيت الأمر
قمت أكابر فوق جرحي وأنا طعوني وساع
ㅤ
وأن نشدني واحدٍ قلت كان الله امر
دامنا حيين يكتب لنا الرب اجتماع

ولكن الخافي بقلبي تراه ادهى وامر
كنها ترعى خفوقي مغاليق السباع :)