بـعيّـد ..

سنمضي يوماً تاركين خلفنا كل شي ربي اختم حياتنا بعمل صالح نلقاك بہ ..♡♡♡

[بـعيّـد .. @b3eed77]

اللهم احسن خاتمتي وتوفني وانت راضٍ عني ..

[بـعيّـد .. @b3eed77]

طويت صفحات الهوى و التلاقي
وقلت أتسلى واترك الجرح للوقت

وألقاك في قلبي ولا زلت باقي
قمت اتأمل في رسايلك واشتقت

[بـعيّـد .. @b3eed77]

هذي حدودي و هذا موطني للأبد
من شامة الخد لين الشامه الثانيه

أستلحف الليل و أثمَل من رحيق الشهد
و أرسم على الجيد الاتلع قبلةٍ حانية

خلوني أموت من بين النهد و النهد
أول رجل يدفنونه في صدر غانيه

_ سعود مبارك

[بـعيّـد .. @b3eed77]

ملحك يْجيد الدلال وغيّك يْجيد الخطابه
لول ثغرك يشغل الملهوف عن جيدك ولوله

في عيونك من يلوم الصبّ لو يفقد صوابه
انا عاشق جااا يدوّر في عيونك سيف دوله

مُنهك ومالي عن همومي ملااذ ألا كتابه
في روايات الزمن ما اقبل سوا دور البطوله

[بـعيّـد .. @b3eed77]

رجعت أدوّرك بين الرسايل و الصور و أدعيك
و أنا مدري وش اللي من يد النسيان رجّعني

معي كلمة عتاب أكبر من اني فاقدك و أبغيك
ذرفت حروفها أوّل ما عرفت انك ما تسمعني

- حمد الحول

[بـعيّـد .. @b3eed77]

يا صباح الخير يا منتهى السحر المباح
يا نعيمًا يوم اشوفه قطوفه دانيه

والله ان البعد عن شوفتك سمٍ ذحاح
وقربك يداوي شعورٍ عزومه وانيه

تصبح الدنيا و أهلها على شمس الصباح
و أنت شوفك صبح ثاني و شمسٍ ثانيه 🤍

[بـعيّـد .. @b3eed77]

يعيش الحب ويعيش الوله ويموت كل فراق
لنا الله ما انتهينا يـ الغرام وحبنا باقي

صباح الخير من قلبً لحوح وخافقً مشتاق
انا مع كل صبح اقوم واعبر عن اشواقي !

[بـعيّـد .. @b3eed77]

يفتقْدك الصبح و أنسام الصبا و الطيور
و الليلة الشاتيه .. و الغيمة الماطره

والخاطر اللي بعد ما مرّ ذاك ،،، الشعور
"طاحت جميع أمنيات العمر من خاطره"

[بـعيّـد .. @b3eed77]

بين عقل وبين نفس وبين روح
ضيّع الربّان مرسى الباخره

إن لبسنا الزهد عرّانا الطموح
نبغي الدنيا ونبغي الآخره

الله أكبر أيّها النفس الجموح
للقا الأكبر وش أنتي ذاخره

[بـعيّـد .. @b3eed77]

ㅤ
رغم انك المنزوي والممتلي والنحيل
ورغم اني العاقل اللي يوم شافك جهل

ان جيتك انا الثقيييل اللي مجيه ثقيل
و ان رحت مانيب مثل اللي مراحه سهل

[بـعيّـد .. @b3eed77]

اسعد الله صباح اللي مايبدا صباحه
لين يضحي ويشبع نوم ويقومونه

ليتني نومه اللي تو ماطلق صراحه
كان جا العصر وانا عادني في عيونه

[بـعيّـد .. @b3eed77]

من عقب ما راحو اللي يسرّون العيون
كل ما افقد شي اردد فقدت اللي أهم

كل ليل اقول بكره بعد بكره يجون
وكل صبح اقول هذا الحكي كله وهم

فاهمٍ طبع الليالي ومتشبع طعون
بس كيف أفهم القلب عيّا مافهم

[بـعيّـد .. @b3eed77]

صبحٍ أوٌله ﮼إنتِ يازيّنْ ضَيّه🤍

[. @3Z____27]

ماهز جفنك غياب وما ذبحك الحنين
تضحك وأنا كن قلبي فوق جمرة غضى

ريح الصبا لو تحرك غصن قاسي يلين
وشلون ما حركت قلبك على ما مضى

فقدتك وطاح مني دمع مدري سنين
مدري طموح أنتهى مدري مصير أنقضى

محتاج بسمة رضى لله يا عابرين
عزاه كم لي وأنا فاقد شعور الرضى

[. @3Z____27]

العلاقه اللي تخليت عن باقي علاقاتك عشانها هي العلاقة اللي راح تسبب لك اكبر خيبة بحياتك .

مصير الحياه تعلمك والوعد قدام
لادار الزمان ودورة الوقت مضمونه

عن اول بشر يمشي عشانك بحقل الغام
يشوفك خطر ويقوم ويطيح من دونه

ياكم مرر اسمك في قصيده مرور كرام
تعرفينه انتي والعرب مايعرفونه

يعزيني انك ماأنت بالعمر مسك ختام
وانا ماني اول عاشقٍ خابت ظنونه

-بندر الدويش

[. @3Z____27]

الحياة رحبة ، لا تكن عالقًا في مشهد نافذتك القديمة مهما كان بالغ الجمال لا تكن أسيرًا

" كل دربٍ تحسب إن مافيه غيره فيه غيره
لا تعلّقها على شورٍ عطاك الله بداله "

-ناصر مناحي

[. @3Z____27]

اللهم ان أمي مسّها الضُر وأنت أرحم الراحمين ، اللهم أجعله بردًا وسلامًا على جسدها واجمع لها بين الأجر والعافية

[. @3Z____27]

«هناك تفاصيل لا تحكى إلا لله .. أجمل حوار هو الحوار مع الله لأنه هو الذي يسمعك دون أن يقاطعك»

بسولف لك لو أنك عارف اللي صار
وبـ فتح لك يارب .. كفوفي الثنتين

جلست ومن ورا ظهري ، الحياه عصار
ويقيني لا وقفت أن الحياه تزين ):

[بـعيّـد .. @b3eed77]

تشرق الشمس وتجلاّ وانا أحس بظلام
كن شمسي غير عن شمس سكان بلدي

أحتري صبحٍ ليا طل من خلف اللثام
أنطلق شوفي وعوّد بـ روحي لـ جسدي

ان لحظني بالوساع النجل صار الكلام
ياصل ابلغ من وصوفه بـ حرفه الابجدي

[بـعيّـد .. @b3eed77]

شعور الصباح اللي قبل صدفتك ناسيه
بعد صدفتك صرت أربط الصبح بـ مواجه
ِ
صباحٍ يجي قبلك ؟ أشوف الملل كاسيه
وصباحٍ يجي بعدك أشوفه ولا حاجه