َ

و يهـوى عظيـمُ النفس نيلَ العظائـم

[َ @b6ukm]

أهلين للمقفي وأهلين للجاي
ما عاد عندي للعتب ربع ملي

مشغول في دنياي وأحباب دنياي
وأعداي مشغلهم وانا في محلي

[َ @b6ukm]

عارٍ على الحُـر أن يحيا بأقنعةٍ 
وأن يعيش ولو يومٍـا بوجهيـن

[َ @b6ukm]

يمشي ثقيل الهم محد درا بحاله
وان شاف مهمومٍ عطاه من مواسيه

[َ @b6ukm]

أسافر من محطات الخيال لـ وقفة التفكير
واغني باللحون اللي صداها يطرب أسماعي

جناحي ذكرياتي والسما فكرة واحب أطير
كرهت الواقع اللي يحبس أفكاري في قاعي

كثر ما كنت أخاف المفارق صرت اشوفه خير
مثل ما كنت أخاف البحر قبل أطلق شراعي

[َ @b6ukm]

متاهات الحياه اللي مداها ساري المفعول
تغير طبع الناس و ناس ماتقدر تغيرهم

تحك المعدن الخافي محكٍ ماهو بمعقول
وتخفيهم وتظهرهم وتنهيهم وتامرهم

وانا اللي لو يغيبون الاودام عن عيوني حول
ليا جوني .. لقوني كني البارح مسامرهم

[َ @b6ukm]

يسوي المعروف و يسد اللزوم
وأليا شكرته قال ما سويت شي

[َ @b6ukm]

حبوك يوم المشكله مالها حل
وذموك يوم أمست معاك محلوله

جنايزٍ منها السوالف خذ وخل
مدفونه لكن ماهيب مغسوله

مانيب قايل ليه صار الغلا غل
الحسد ما غيّب عن الأرض زوله

محرقهم إنك صاير الكل بالكل
وإنك قدرت تسوي اللي تقوله

[َ @b6ukm]

لولا سموم القيض
ما جاد النخيـل

[َ @b6ukm]

إجتماعي و إن لقيت اللي روابعهم ضعيفة
سجّلوني في سجل المجتمع شخص إنطوائي

[َ @b6ukm]

عطيتك من بشوت الهقاوي ثلاث بشوت
ولا فيه بشتٍ جا مقاسك ولا قدك

احسبك من اللي لا دعيته يرد الصوت
وأثاريك تسمعني و ودك ولا ودك

أنا والله المخطي خطا ما عليه ثبوت
عطيتك سلاحٍ يرتعد في كنف يدك

وذخرتك لو انك ما تنذخر في لعب بلوت
وتقدمت بك حدٍ ماهو والله بحدك

[َ @b6ukm]

كل ما أقلب في شريط الذكريات
تمرني وجيه ما ترجع أبد

اللي خذاه الموت عداني وفات
واللي خذاه الوقت خلاني وصد

ما عاد باقي في حياتي مغريات
لا غربتي توجع ولا فاقد بلد

بلا أمان ولا شعور ولا امنيات
وحيد لكن ما أنتظر رجعة احد

[َ @b6ukm]

اذا راح من ليل السهارى ثلاث ارباع
ما راحت هواجيسٍ تجيني لها مده

غدت مثل قرشٍ مبطي في يد الطماع
إذا امسى به يعده و اذا اصبح به يعده

[َ @b6ukm]

فك شبك المزرعه ويش أنت خاسر
من يحسب المال ما يحسّب حسابه

كان في راسك من الطنخه مكاسر
فـ الكريم يجود لو رزقه هبابه

سو مثل الي يسوون الدواسر
من كرمهم ضيفهم تكرم ركاب

لو يعسر الدوسري فـ الوقت عاسر
مستحيل يصك مشروعه وبابه

[َ @b6ukm]

ايه اوجعتني وانا من جورها ماحكيت
تعال اسمعك في صدري تناهيتها

قم ياهوا البال هذا انا لعينك سريت
رجعي لي ايام بابطي ماتناسيتها

جيتك وانا شفق وازريت الوصل يوم جيت
مدري مراسيل وصلي ليه رديتها

[َ @b6ukm]

أعوذ بك ربي من الخوف ومن الوسواس
ومن حاجةٍ مالي بها قوه ولا حيله

فيك الرجي ما خاب يارب الفلق والناس
ومنك الأمل ما مات لا لحظه ولا ليله

أنت اليقين اللي قطع حبل الجزح واليأس
وأنت الأمان اللي بخوفي دايم أشكي له

[َ @b6ukm]

متضايقٍ والوسيعـة ضاقـة بعيني
من كثر ما شفت خذلان البشر فيني

ما عاد ابي احدٍ يقرب ولا يواسيني
القلب تعب والجروح اليوم تكفيني

علمتني الدنيا إن القرب ما يغنيني
وإن الثقة لا انكسرت الكسر ينهيني

و علمت نفسي اكتم الوجع فيني
ولا أسمح الوقت يعيد الخذل فيني

من هالزمن صرت وحدي وما يعنّيني
غير الكرامه و ترك دروبٍٍ تشقيني

[َ @b6ukm]

شفت لك صورة على عز الشباب
وأبتسمت أول ما لاحظت الشبه

لين راودني سؤال بلا جواب
وقتها كم كان عمرك يايبه

كنت لامني بحثت عن الصواب
عندك انت القى جميع الأجوبه

جعل يشملك العفو يوم الحساب
ياهبه من يعطي الجنّه هبه

[َ @b6ukm]

ما ذبحني غير دمعه جات من عقب ابتسامه
ولا قهرني غير شيٍ شفت عمره ما طرالي

يا هبايب ذعذعي صوبي وغني يا حمامه
الندم ما فاد مخطي والبكى ما رد غالي

[َ @b6ukm]

ليست دارنا ولا ديارنا

كُل مافيها مُتعب
وكل مَن فيها مُتعْب

لا الدنيا لنا وماكنا للدنيا
كلنا لله ، وإنا إليه راجعون

[َ @b6ukm]

بعد ما دارت الدنيا علي وكثروا النقاد
تعمدت أبتعد وأريح أعصابي عن الضجه

مشيت وخطوتي يمكن تشكّل للغريب بلاد
ضجيج الأرض من خلفي وقدام عيوني السجه

ركنت الحلم في رف الأماني بعد كثر أجهاد
أنا اللي ماملك حاجه لو إنه يملك الحجه

شعور الخوف في قلبي نتيجة ظلم وأستبداد
من اللي مننا يرضى يعيش الذل والدجه

وأنا حرٍ خلقه اللّٰه ما يعرف كلمة إستعباد
مابيك تصدق ان قالوا مريض وصابته رجه

عزيزه شجرة الصحراء وهي مافوقها رعاد
لو ان الغيم مايمطر تحب تواجه العجه