هب ريح الطاري اللي كل ماهبت رياحه
قام يسرق قلبي النسناس والليل يغشيني
ودي أعتق كل طيف يمرني وأطلق سراحه
بس أحب أصحابها بعض الطيوف تجود فيني
ماقنعت مْن الغرور إلين لبّسته وشاحه
ولا رويت من القراح العذب لين اعرق جبيني
يا عفيفه لا يزعّلك القسى ولا الصراحه
ما الله بحاديك فـ اشد الظروف تصارحيني
إن بكيتي من فرح حسادي أطلبك السماحه
لك علي افرحك و أحرق مشاعر حاسديني
الهموم تجرد الرجال حتى من سلاحه
قد خذت من ضحكتي ولا خذت من دمع عيني
من بدا مِنْك العتب صار العتب للقلب راحه
كان ودك راحتي عن كل زلّه عاتبيني
دوريني لا بدا الليل يتعرى من صباحه
بين نسمات الهبوب اللي جمعت بينك وبيني
و أحتريني لا بدا الحزن يخفض عندك جناحه
لكن إن بان الحزن في ضحكتك لا تحتريني
خذ لك علئ وجه الزمن عزم و غرور ووسع بال
ترا الحياه .. احيان لذتها تعيش بطيشها
ولا تقيد دمعتك لا حدتك .. شهب الليال ..
بعض الليال نبيع ضحكتنا عشان نعيشها
قالت العرب قديما:
ثلاثة يعذرون في سوء الخلق.
المريض والصائم والمسافر
وثلاثة يفرح بهن الجسد.
الطيب والثوب اللين والعسل
وثلاثة تورث الهُزال .
شرب الماء البارد على الريق
والنوم من غير وطاء
وكثرة الكلام بالصوت العالي
،
الرجـال تقول ما ينصـا عند الظـروف
كـود رجـال يسـد اللـزوم لـمـن نصـاه
ولايفيد النعم ويصير له بالمدح نوف
كـود رجـال يفيد المراجـل من صبـاه
مثل شغموم على خدمة الخوه ولوف
ايتغـانـم شبـة الـنّـار ، قـدام اخـويـاه