@Alrayapoet صك السحاب بـ ناطحات السحابه
ثم انهمر عذبه على القاع واحياه
في دولةٍ فيــها العــدل والرحابه
كل ما أتأمل جوهـــا اقول ياللّـــه
#شاعر_الراية
……. استروا عوراتكم …….
التعرّي مصطلح معناه كشف العوره
يعني اللي كان سرّي صار ما هو سرّي
ومن حصر مضمونها في الثوب والتنوره
علموه اني من الطرح الغبي متبرّي
عورة الافكار فضّاحه واشد خْطوره
والاوادم فيهم المستور والمتعرّي
فيه اجاويدٍ تعيش عيوبها مستوره
تدفن الجرّه قبل يكشف خبرها المَرّي
وان بلاها الله تحاول ما تجي في الصوره
تِدِّرِق بالصمت يوم اِنِّه ذراه يذَرّي
وفي المقابل ناس بافعال الردى مشهوره
في طرفها اللطخة السودا ما عاد تمَرّي
المجاهر عندهم زاد وتعدَّى طوره
وارتعاه الثور الانْبَط والخروف الحَرّي
وبالتغاضي صاروا اسطوره يدِفّْ اسطوره
والرجال الصاحيه هجت هجيج مجرّي
وكان قولي ما اعجب الدكتور والدكتوره
كلٍّ بدربه وياسعنا الطريق البرّي
@F_BinHithleen@ebrahim34ab بين الشـــداد وبين سيف العداله
ترابـــطٍ يفرض علينــــا الولا فرض
هـــذا لـ تراث اجدادنـــا والاصاله
وهذا لـ آمان الارض واللي على الارض
نعتز بذكرى تأسيس دولتنا المباركة قبل ثلاثة قرون على الأمن والعدل والعقيدة الخالصة، ولازال نهجها راسخاً منذ ذلك الحين، في وطن يتقدم إلى الريادة في مختلف المجالات.
@F_BinHithleen يامروجين اللي محــــرم بالاديان
ومحـــرمٍ بـ عرافنــــا والحكومه
فسادكم يقضي على عقل الانسان
وجرايـــره من كل خيــر معدومه
حنا نحاربكـــم على طول الازمان
وقلوبنـــا ماهي عليكـــم رحومه
الله يحفــظ الشعب ويعز سلمان
اللي بلاده بالكتـــاب محكومه
#الحرب_على_المخدرات