بليغ حمدي

تلحين امل مصر ف الموسيقي بليغ حمدي

[Anas Ebrahim @anasebrahim3012]

عبد الناصر اصر ان بعيد عنك هي اللي هتتغني فاحتفالات الثوره مع انها مكنش اتعمل عليها الا بروفه او اتنين وباين ان الفرقه والست لسا مش حافظين لدرجة ان بليغ طلع علي المسرح مع الفرقه وهتلاحظوا ان اللازمه (رد الفرقه)بعد جمله افتكرلي غريب ومش فاللحن اللي نعرفه عشان بليغ غيره بعد كدا

[Anas Ebrahim @anasebrahim3012]

كل كوبليه ف اغنية بعيد عنك انا بحسه اغنيه لوحدها كدا قائمه بذاتها ؛ الاغنيه كلها ليها جو جديد ومسمعتش ولا سمعت حاجه للست شبه قبل كدا سواء فكلام مأمون الشناوي او لحن بليغ حمدي

[Anas Ebrahim @anasebrahim3012]

لقيت الفيديو دا امبارح علي فيسبوك لبليغ وهو بيغني بودعك فجلسه خاصه وواحد من اللي كانو قاعدين صورها ولسا منزلها اول مره تقريبا ؛المهم اني من امبارح مش عارف اطلع من الفيديو

[Anas Ebrahim @anasebrahim3012]

مقدمة اغنية طاير يا هوي من مفضلاتي برغم انها قصيره بس بطريقه عبقريه ما بليغ قدر يصوغ النغمات ويديك احساس الخفه و الطيران واللهفه بس من الموسيقي من قبل ما تسمع حتي كلام الاغنيه

[Anas Ebrahim @anasebrahim3012]

اعظم افتتاحية فيلم فالتاريخ بدون اي منافس او منازع بليغ حمدي ينافس بيها موسيقين عالميين والله وخصوصا ان الكلام اللي ملحنه دا مش شعر مثلا لا دا قصه او كلام نثري صعب جدا يتلحن
انا هفضل طول عمري مدين لبليغ حمدي عشان خلاني احب المزيكا من كتر منا مفتون بيه

[Anas Ebrahim @anasebrahim3012]

الحب كله

[Anas Ebrahim @anasebrahim3012]

ورده لما اتسألت ايه اكتر لحن انتي غنيتيه بتحبيته ردت علطول وقالت "خليك هنا " وعندها حق اللحن دا ملوش مثيل

[Anas Ebrahim @anasebrahim3012]

كل يوم خميس بحب اسمع الاغنيه دي اوي ؛ الاغنيه دي كل ما اسمعها حتي لو فوضح النهار بحس ان النور طفي واني قاعد علي ضي الشموع

[Anas Ebrahim @anasebrahim3012]

حليم هو اكتر حد تحب تشوفه وهو بيغني ؛ بتعابير وشه ولغة جسده بيقدر بكل سهوله يدخلك معاه حكايته وغنوته

[Anas Ebrahim @anasebrahim3012]

غالبا ورده نست انها المفروض تغني دلوقتي وسرحت مع المزيكا وفضلت تدندن فيها و بصراحه المزيكا تهبل

[Anas Ebrahim @anasebrahim3012]

محمد رشدي من اجمل الاصوات الرجاليه اللي سمعتها فحياتي صوته فيه أُلفه وونس كدا تحس ودنك مرتاحه وهي بتسمعه؛ ومع بليغ حمدي عملوا هما الاتنين البدع سوا ؛ ايام ما كان دا الغنا الشعبي ودا المغني الشعبي مش اللي بنشوفه دلوقتي

[Anas Ebrahim @anasebrahim3012]

حاول تنسي جمال اللحن وصوت رشدي وركز علي الاورج اللي عمال يرد وينكش ورا رشدي وهو بيغني وقد ايه ادي طعامه للكوبليه ؛ طبعًا مش محتاج اقول ان عمار الشريعي هو اللي بيعزف علي الاورج

[Anas Ebrahim @anasebrahim3012]

ف دقيقه ونص بليغ راح ل ٣ مقامات
عمر خورشيد كان بيلعب مقام صبا والفرقه ترد صبا ؛ ف الثانيه0:20 عمر لعب اول ٣ حروف زي بتوع الصبا بس الحرف الرابع كان ري بيمول خلاه بيكار ب كدا راح لمقام عجم بعدين يقفلوا عجم علي حرف الفا ؛عشان الفرقه كلها تخش بعدها علي مقام البياتي ف 1:14

[Anas Ebrahim @anasebrahim3012]

اموت واعرف بليغ كان بيفكر ف ايه وهو بيألف التحفه الفنيه دي

[Anas Ebrahim @anasebrahim3012]

انا بحب الاغنيه دي حب ملوش وصف

[Anas Ebrahim @anasebrahim3012]

فمره ام كلثوم اتسألت فلقاء اذاعي عن بليغ قالت بليغ له جمل حلوه يعني السهل الممتنع ؛ ودا فعلا انا بقالي اسبوع مش عارف اطلع الجمله دي من دماغي والغريب بقا اني سمعت كذا حد بيغنيها ويعمل عرب وفزلكه فيها بتطلع مش حلوه زي ماهو عاملها سمبل كدا وساده يخربيت حلاوة دي جمله مجنناني والله

[Anas Ebrahim @anasebrahim3012]

اغنية سيرة الحب ليها سحر خاص كدا وحاله خاصه مش بعرف اوصفها بس هي من اكتر ١٠ اغاني بحبهم للست عموما

[Anas Ebrahim @anasebrahim3012]

كنت منزل تويته فيها المزيكا دي من فتره وحد عملي عليها لايك من كام يوم ففتحها تاني وكان جنبي واحد صاحبي الماني ولقيته بيقولي اسمها ايه المزيكا دي قولتله بص اكتب الاسم دا عندك وروح ممليه اسم بليغ حمدي قولتله دور وعيش وهتدعيلي وقد كان

[Anas Ebrahim @anasebrahim3012]

مش قادر اوصف بحب الاغنيه دي قد ايه

[Anas Ebrahim @anasebrahim3012]

حبيبي والله