ياهجوس الشعر قولي لي وش اللي صاير
قبل جن الأرض تغديبي وانا في يدها
اجمعيلي من حروف الشعر ريشة طاير
منك اغذي الروح قبل أردها وانقدها
ضاعت أيامي وهذا الوقت اشوفه جاير
قام يبرا لي عيونه والحكم يعصدها
يا هجوسي و الله اني فالليالي ساير
افتل حروف الشعر وأطآ على جلمدها
#بسيط
تحت احتملات القدر كلٍ يقول أبا و أبا
والواقع اثبت قدرته من دون شك ودون ريب
اللي يسابق فالضبا و اللي يحارب فالدبا
واللي يكافح فالليال السود ذيبٍ وابن ذيب
يا أهل المعاني و الأماني ما يليق ابنا الغبا
لو كان صدقنا و عشنا في زمن طبعه غريب
#بسيط
يا معيض لا تجزع من القول يامعيض
حمر النجوم تطارد لروس الأنجاس
القلب يبكي والمشاعر بها غيض
والروح ما ترتاح مع كبت الأنفاس
اخترت قيفاني من الندر البيض
وناديت هاجـوسي لترميم الاحساس
ليتك تشوف اليوم وش سبب القيض
فالخاطر اللي ما يببي رحمة الناس
#بسيط
@khaled_aloseimi الوقت لو يعرض على الملقوف كان الوقت سلم
وكان الجواب اصبح مثال ومهلة التفكير ساعه
حنا نسوق الخوف في قلب الغريب اللي تحلم
ودقلاتنا مثل الجبال ومهلة التفكير ساعه
#أبوصاهود
تـجارب الدنيا كثيره و الشـقي ما همته
عـايش حـياته مـافـهم قـانونها مع دلـها
ماهو بمثل اللي فرض نفسه وعلا همته
الـلي عـرف طـبع الحياه بدقها و بجلـها
#بسيط