𝘽𝙖𝙎

Я странник и бездомный на его улицах - а он мил и почетен и не знает обо мне

[𝘽𝙖𝙎 @basil_xxz]

تَعَبت من القصيد … من الجروح … من انتظار طال
تَعَبت استقبل .. طعون الزمن .. واربِت على كتفه
تعبت من الكلام .. من السكوت الي يهد الحال
تعبت اكثر من الحزن الذي .. ماينتهي عزفه
تعبت اسال من المخطي ؟! تعَبت اردد السؤال
مدامك ماسقيت الزّرَع .. مالك حق في قطفه

[𝘽𝙖𝙎 @basil_xxz]

لا واهنيك يابحر في وقت الغروب
مايضيق موجك من ضيق الأيام
ماقسى من الصخر الا بعض القلوب
الي تهجر النفس وماتقول حرام
كنيت له حب وكنيت كلامً عذوب
وكنيت له تقدير وفوقه احترام
والي لقيته منه جراح وندّوب
يلعن الحب ويلعن طاري الغرام

[𝘽𝙖𝙎 @basil_xxz]

لو العواصف تجتاح رجوم العليّا
ماتجي مثل عاصفه هجرك الموجعه
خبر فرقاك محزن وجدًا قويّا
وخيبات الأيام بسبتك متراجعه
صار القلب ينزف دمعً نديّا
وصار حالي مثل من جته فاجعه

[𝘽𝙖𝙎 @basil_xxz]

اصبحت أبو للضيق … والضيق ابن عاق
لو اشتكي له … ما يداوي طــعــونـــي
ياما العيون استوطنت … بيت الارهاق
واستلهمت ضحكاتها … مـن جـفـوني

[𝘽𝙖𝙎 @basil_xxz]

في جيتك يامحبوبي تبتهج دنياي
لو الدنيا تمشى على ساق وقدم
ماهمني مايقولون الناس وعداي
همني لاجيتك … مايجيني ندم

[𝘽𝙖𝙎 @basil_xxz]

فيك من الأماني كل شيً مستحيل
وفيك من الجمل كل ماعليه خط
وفي كتاب العاشقين وسهر الليل؟
تلقى الحبيب الي يجيك متسلط
مع جوً ضبابي وكوب قهوه عليل
من قوه المنظر الواحد وده ينط

[𝘽𝙖𝙎 @basil_xxz]

سلام عليكم
انا حلفت اني ( ما اطلبه شي )
وطلبته ، مع السلامه

[𝘽𝙖𝙎 @basil_xxz]

قصه قصيره على … الكتاب النيّر
اقراها وفي كل مره احسني ماقريتها
اعيش فيها واسافر بها مثل الطوّير
ولو تمرني كلمةً … علطول حسيتها
الاّ محبوبي القاسي كل ماقلت له سيّر
يقوم يجرح الاحساس واتمنى ماطريتها

[𝘽𝙖𝙎 @basil_xxz]

تدري وش اكثر شعور صعب ؟
انك ماتودع الي تحبه وتغليه
وتدري وش الي يذبل القلب؟
انه مايبيك وانت مازلت تبيه
وتدري وش اكثر شي صلب؟
قلبه القاسي الي مايلين ولا عليه

- انا راحل للمره المليون من دون وداع .

[𝘽𝙖𝙎 @basil_xxz]

الدال -

الدال دمع السنين الحزينه وجورها
جارت بقلبي لين ابعدت عن الناس
كله بسبايب عشيرً معانده بشورها
العقل يرسل اشاره والقلب بهوجاس

[𝘽𝙖𝙎 @basil_xxz]

الخيال الي سرابي على خافت النور
مثل الأحلام الي في … حياتي تمر
تاخذ من القلب فكره ومن العقل شور
وتعد خسايرها الي ماتنحسب فالعمر
وأمنياتك تصير لابد … الاكثر غرور
لاتمنيتها قالت اتحقق لاطاح القمر

[𝘽𝙖𝙎 @basil_xxz]

ماذا لو؟

[𝘽𝙖𝙎 @basil_xxz]

العتيبي تباطى مجيك يا اريش العين
بكره نشوف عقب السنين فيه لقى ؟
مو شرط انه يكون بعد هذي السنين
يمكن بعد شهور نلتقي من دون شقى

[𝘽𝙖𝙎 @basil_xxz]

من يبي وصلي بالطيب واصلته
ومن يبي فرقاي باب الفراق يسده
شيً ماعجبني من البال ترى شلته
من النهايه تبيها؟ اشرب بحر جده

[𝘽𝙖𝙎 @basil_xxz]

اضحي بنفسي ولا يعوقني شي
نفسي المتعوده على الشجاعه
ارتكي لكايدات الأمور وانا حي
وش يعوقني وانا بكامل قناعه
اطوي صفحات المحبه طيّ
مطنوخ في زمان ً كله رعاعه

[𝘽𝙖𝙎 @basil_xxz]

على مطل اللقى ترجعني الذكريات
ذكريات اول غرامنا فيه ياحبيبي
يدي بيدك كنا نبني الهقوات
هقواتنا ضاعت وضعت يانصيبي

[𝘽𝙖𝙎 @basil_xxz]

الفرقا دوم طاريها مشين
اختر نهايتك بالذات نقوه
واضرب فرقاهم بضلع متين
واشرب بعد الفراق قهوه

[𝘽𝙖𝙎 @basil_xxz]

ياعشير الروح صرت تستثقل فيني
وانا افديك بقلبي ودمي وشراييني
ودك بدمعةً تطيح … من عيني ؟
امطر لك دموع مابكوها المساكيني

[𝘽𝙖𝙎 @basil_xxz]

في زحمه الناس وزياده عدد السكان
كلن بظروفه ينام صبح ويصحى عشى
هذا ودع له متوفي وهذاك ابو ورعان
وذي حبها مات وذاك يفكر وين يتعشى
وبعضهم غني لدرجه عنده الف دكان
وبعضهم ذبحه الفقر يومين ماتعشى

[𝘽𝙖𝙎 @basil_xxz]

كلن في حياته يسعى لأهداف
وأهدافي ابعد عن الحب وصيته
ولكن للأسف في نهايه المطاف
القالي عاشق كاتب اسم حبيبته