بندر بن مبارك

شاعر،، وعضو في #شعراء_العرب

[بندر بن مبارك @bb_m_1995]

ياصاحبي كان انت للنصح سماع
كتم الغلا بالجوف ماهي ظليمه

كثر القطاعه فرقت ناس جماع
وترى السلام يزود قدر وحشيمه

#بندر_بن_مبارك

[بندر بن مبارك @bb_m_1995]

تكسرت ساس البيوت المعامير
من عقب عزه انثنى اليوم شانه

كني كما بيتن فقدله مسايير
من هيبته محدن جلس في مكانه

#بندر_بن_مبارك

[بندر بن مبارك @bb_m_1995]

احلام من طول الصبر طالها الياس
خـايف عـليها فـي الليالي تـلاشه

#بندر_بن_مبارك

[بندر بن مبارك @bb_m_1995]

بعض البيوت تدمر الحال تدمير
لامن ذكرت الي كتبنا عشانه

الله يجيب الوصل من دون تأخير
حتى لونه واحدن من اخوانه

#بندر_بن_مبارك

[بندر بن مبارك @bb_m_1995]

انت الوحيد اللي لوصله تمنيت
بالفكر حاظر لو عن العين غايب

ياما على شان المحبه تحديت
الحظ وظروف الزمن والصعايب
#بندر_بن_مبارك

[بندر بن مبارك @bb_m_1995]

شحت الوقت وظروف الزمان الصعيب
ماتنزل طموحات الشجاع القوي
#بندر_بن_مبارك

[بندر بن مبارك @bb_m_1995]

عليك العتب ياصانع النت والارسال
فقدنا رسايل ناس ياحي طاريهم

فقدنا سلام ومرحبابك وكيف الحال
وفقدنا العتب من ناس بالحيل نغليهم
بندر بن مبارك

[بندر بن مبارك @bb_m_1995]

بعض البشر خوته تنعاف
لا صار خوان ومنافق

وقت الرخا بين وينشاف
وفالضيق ماحولك مرافق ،،

#بندر_بن_مبارك

[بندر بن مبارك @bb_m_1995]

الشعر لي مدةٍ منه
مجازلي فكره وموده

وطاري الشوق ماحنه
لو الاحاسيس موجوده

لابد له حزةٍ لانه
يوفي ونوفي بموعوده

#بندر_بن_مبارك

[بندر بن مبارك @bb_m_1995]

ياجعل ربي يجمل هقوة الهاقي
بالموقف الي تصد الناس من دونه
.
.
وتعين منهو من الاجواد ماضاقي
المطلق اللي كثير الناس ينصونه
.
.
#بندر_بن_مبارك

[بندر بن مبارك @bb_m_1995]

يامل قلبن حداه الضيق وازعاجه
ياقل صبري ليامن غاب عن عيني

لا مر طاريه والاشواق وهاجه
ماظن غيره من الغالين يكفيني

راح وترك له مع الايام لي حاجه
الذكريات القديمه والعناويني

من غيبته والفرح سكرت مزلاجه
واشوف ماعادلي شين ينسيني

رجاي باللي تطوف البيت حجاجه
انك بوصله تفرحني وتغنيني

[بندر بن مبارك @bb_m_1995]

الوجيه اللي على الحشمه تربت
من نواها بالردى يفدى لحاها
،
والوجيه اللي على الفزعات لبت
جعل منهو ينقل النمه فداها
،
#بندر_بن_مبارك
#رابطه_الابداع_الخليجي

[بندر بن مبارك @bb_m_1995]

خاو الرفيق اللي يناسبك بالحيل
رجال يسوى في عيونك قبيله ،'
،
وتجنب اللي ينقل القال والقيل
آللي يحبون العلوم الهزيله ،'
،
،
#بندر_بن_مبارك

[بندر بن مبارك @bb_m_1995]

ترخص بنوك المال عند المطاليق
وتبقى بنوك الطيب عالي سهمهاا
،
،
#بندر_بن_مبارك

[بندر بن مبارك @bb_m_1995]

عنتني الذكرى وعني تخليت
وخليتني عايش على ذكرياتك
،
،
يا اكثر انسان بحياتي تمنيت
اني اكون اغلا بشر في حياتك
،
،
#بندر_بن_مبارك

[بندر بن مبارك @bb_m_1995]

من لا يحكم ضميره ماشرب صافي
ولا يشوف السعاده في نظر عينه

والناجح اللي نجاحه يعتبر كافي
من برّ في والديه ومن حفظ دينه

#بندر_بن_مبارك

[بندر بن مبارك @bb_m_1995]

ياشين رجلً ياعرب مايعرف أسلوم الرجال
حكيه كثيرن والعرب ماتدري انه يسرده

عساه يفدا راعي الوقفات محمود الخصال
اللي ليامنه نصاه الرجل يبشر بسعده

#بندر_بن_مبارك

[بندر بن مبارك @bb_m_1995]

حي رجلن بالشدايد والعزاوي
ماتصدد عن وجيه اللي يجونه

في طريقه تكبر صغار الهقاوي
وتصغر كبار المواقف في عيونه

#بندر_بن_مبارك

[بندر بن مبارك @bb_m_1995]

لعل نو ٍ سحابه جود ،
يروي ثرى وادي ٍ ناشه ،
.
يمطر علي غاليٍ موجود،
نتابعه من ورى الشاشه ،
.
الوصل من صوبهم مسدود ،
وقربه دوى القلب ونعاشه ،
.
ترفقي ياهبوب النود ،
في شاعرٍ ضايقٍ جاشه ،
.
تصوير فكره ماهو محدود ،
غنّاه من واقعٍ عاشه ،

#بندر_بن_مبارك

[بندر بن مبارك @bb_m_1995]

فالمجتمع نسمع فعولٍ كثيره
وكلن على فعله يحدد مقامه

احدٍ يوقف في الامور الكبيره
واحدٍ ليا كبرت تراجف عظامه

#بندر_بن_مبارك