صالح السالم

صالح سالم الجضيعي

[صالح السالم @bbb6767]

@moh_news7 @Saleh2mn ما دام اعاد الخبر saleh فالمعلومه صحيح
اثق بمصادره

[صالح السالم @bbb6767]

#النصر

لو تشعل الواتس اب والحاله قهر
الفوز ما خلا لفرحتكم مكان

والحسره اللي محرقتكم من شهر
النصر فارضها عليكم من زماااااان

[لافي الغيداني @lafihmud]

اليا بغيت اجلب من الذود ناقه
وابيعها بالسوق واقضي لزومي

قام يتدابا بالعروق الدقاقه
شيً يعيفني طعامي ونومي

فراقها قاسي ومرً مذاقه
ماهو فراق مرودعات الوشومي

فرقا العزيز اللي نتيجة فراقه
تسهرك وتجمع عليك الهمومي

مالي على الفرقا عزيمه وطاقه
وش عاد لو تزرا عليّ الرخومي

ليا عذرني من قناها عشاقه
ماشره على اللي مايمومه يمومي

من ذاق من سكر غلاها ذواقه
معاد يسمع في غلاها العلومي

يالله بنوً ماغشونه رقاقه
بالارض جلده جلد قباً قحومي

اول دخول الوسم ينثر حقاقه
على مداهيل العشاير عمومي

يضفي على كل الوطن عقب فاقه
ياصل غثو سيله مثان الحزومي

نوً من الوسمي وسيعً نطاقه
تاصل تباشيره عقب كم يومي

راع الولع قامت تزود اشتياقه
اخبار نبت الارض عقب السمومي

لبست فياض الارض ثوب الاناقه
تشبع ضحى فيه السناد الردومي

قفرً زهوره كنها ورد باقه
سبحان خالقها الغفور الرحومي

خلق العظيم اللي على سبع آفاقه
ولا البشر مايخلقون معدومي

اجمل مالعيونك بشوفه علاقه
وريحه من اجمل ماتشم الخشومي

ينعش شذاه اللي بقسم الافاقه
وشلون عاد اللي بوسطه يحومي

وعقب شهر كلً نوى الانطلاقه
وشاشو وطاشو طيبين السلومي

كل ابلجً ذوده ندب له وساقه
عده من الفرحه ينوش النجومي

يبا مربً داهلاته نـيـاقه
تشيل فيه ام الحوار الشحومي

دايم محله من ضيوف ورفاقه
مغير ذا يجلس وهذا يقومي

وللبرق كل اخر نهار انشعاقه
والعشب بالساعه نباته يزومي

يروق فيه اللي يحب الرواقه
لو لا رصيد ولا معاشً حكومي

دام الرجل ياقف على عظم ساقه
هذي طراة اعمارنا يا امغنومي

لابد درب العمر يعلن غلاقه
ماغير وجه الله تعالى يدومي

[ثمانية @thmanyah]

هذي ما هي ملامح وجه، هذي سعادة
هذا ما هو خصر، هذا يدوبه يدوبه
هذي ما هي عيون إنسان، هذي عيادة

من أحدث حلقات #ذا_قال.

[فــــارس🇸🇦 @NL__FS]

ماعندنا للعوج ياشعيل — تعديل
" ومادامها تمشي على العدل - طعها "

وان شفتها قامت تحادى على — الميل
" بردى ثمن عند اول السوم - بعها "

- عبدالله بن عون -

[خَوْد @2viql]

حريب الردى والضعف والهون والمنقود
عشير النعم والجود والعز والطاله

لا جاه الدريك وهقوته فيه كبر الطود
لقاه أكبببر من الهقوه اللي على باله

من عيونه اللي تجمع النار والبارود
يشوف السعد من قام يشرح له أحواله

[جرّاح العتيبي @AL___9999]

الذكريات القديمه نكبة العاشقين
يعيش معها الهواوي عيشة المعتقل

تقول كن الطواري لـ المفارق كمين
ان كان ما زاد منسوب الحزن ما يقل

اللي قضى العمر في حب العذارى رهين
لو يعقل أبليس اظنه مستحيل يعقل

بعد الصراع الطويل اللي خذا له سنين
الوضع ما عاد يحتاج لـ غرور و ثقل

قلبي بعد هزّه الشوق و غزاه الحنين
يحتاج له هدنة أسبوعين على الأقل

حاولت أجيها لكن الوضع عيا يزين
شوارع العاصمه زحمه على المنتقل

رغم المسافه ما بين طويق والياسمين
أشوفها ابعد بـ واجد من بقيق لـ حقل

احتاج لي شيخ ٍ مقدّر و جنبه متين
يقدّي العارفين بـ رأيه المستقل

يقف لا شاف المشايخ فالطلب واقفين
ويحذف عقاله اليا وصلت لـ حذف العقل

اما يحل الأمـور و نجتـمع يـ اثنين
ولا يوصّل معـاناتـي وزير النـقل :)

[ديوانية حرب @dywanitharb]

من نوادر الشعر الجزل قصيده
لشاعر المبدع
عبدالهادي زكيان الحربي

[عبشق @daq48]

[ دون الهقاوي ]

معي ضيقةٍ لا طرّف الليل ياستار
على غيري من الناس ماهيب دواجه

تراديد ماهي مره ولا ثلاث أمرار
ورا صدري وكنها تواجهني مواجه

ما يقفي بها الا سجه وهزعةٍ عن قار
وعن البيت وأسواره والأرسال وأبراجه

ورا ديرةٍ ماهيب عِرضه على الأقمار
ولا داج فيها راعي الشاه بنعاجه

مداهيل وضحاً مالها فالصياهد كار
يباري لها عودٍ خلط رمشه حجاجه

توصّى عليها رايح الغيم بالأمطار
مقابيس برقه في محاجيه وهاجه

مغنّ النبات وضحكة الشيح للصفار
دوا اللي يدور عن دواه وعن علاجه

بعيدٍ عن العالم .. بعيدٍ عن الأضرار
ما يقلب مزاج الآدمي غيرهم حاجه

لو اللّٰه يسلطني على اللي يحرث النار
رميته ورا بحرٍ تلاطم به أمواجه

سمحنا من اللي زلته مالها معذار
وعن اللي علينا قلبه أسود من الصاجه

وعن اللي ليا طاح الجمل صاح للجزار
ودعى للشماته شلته واوقد سراجه

لكْن الحسود اللي مقامي يزيده نار
ماني سامحٍ منّه ولا آسف على إزعاجه

هقينا وجا دون الهقاوي قصير أشبار
ترك درب أبوه ودرب جده ومنهاجه

ياكم واحدٍ فيه العجايب صغار كبار
يشيل اسم عود بذكره الناس لهاجه

وهو والله ان كنه مضيّر عليه اضيار
ما اخذ من خصايله الحميده ولا حاجه

- غازي مشعل

[بشاير المقبل التميمي @rakdh9]

البعد حمّاي الغلا بعض الاوقات
لا صار كثر القرب مابه مسرّه

نحبكم .. مير اتعبتنا المْدارات
وطويق هم ٍ من ورانا نجرّه

نسكب شهدنا ونتحرى البشارات
ولا لنا .. يا كود فنجال مُرّه

غضوا بصركم لين رب السماوات
يرفع عن اللي مسه الضرّ .. ضرّه

#بشاير_المقبل

[جابر النشيرا @jaber_nshera]

الطيب ماهوب كله في ( قضيّا اللزوم )
الطيب بذل العطا الواجد ورفض العطا

[صالح السالم @bbb6767]

@Saleh2mn
اخوي صالح
هل هناك تاكيد او تعميم رسمي بأن الانتقال للمرحلة الثاني في ٦/١ او ان الاخبار عن هذا التاريخ مجرد توقعات

[صالح السالم @bbb6767]

@tmrrah9 لن تنتهي الحرب بأنتصار لآي من الطرفين
ستستمر حرب استزاف فتره ثم يحصل اتفاق وتتوقف بعد تدخل اطراف اخرى
ان تدخلت روسيا بدعم ستكون حرب ايران مشابهه لحرب اوكرانيا

[ثمانية @thmanyah]

«يا ريم حنّا ليلة السبت ماشين
عقب الزيارة راجعينٍ لأهلنا
وأنا تراني ما أحتمل دمعة العين
سوى من أقصى الناس وإن كان منّا
إن كان ودّك يا أم فيحان تبكين
صدّي ليا جينا نوادعك عنّا
قدم الموادع نحسب إنّا قويين
وعند الوداع أثر أضعف الناس حنّا»

- الشاعر عبدالله بن عون في #ذا_قال

[عساس الحدود @_79999]

ياعويّشه ماوردتي رس ابو حيشه
رسّن خلي مدهلٍ للذيب سرحاني

ماجاه غير الحمام اللي صفق ريشه
عليه سرب الحمام يجر الالحاني

يابكرتي درهميبي من ورا بيشه
في موقعٍ مايقصك فيه خرعاني

حنا نبا الستر والخاطر يبا العيشه
والعلم يازريب يوم الدول ياطاني

بقيران الشيباني "رحمه الله"