ناصـر وكفى ...⌨⃔⃔⃔

[ناصـر وكفى ...⌨⃔⃔⃔ @bc_drr]

لحدٍ يعاتبني على قل الظهور
ولحدٍ يعاتبني على قل الوصل

انا مزاجي طبع وافكار وشعور
واحب اعيش بجو خالي منفصل

ويمكني بـ هالشي ماني بمعذور
لاكن هذا صدق وهذا ماحصل

ياصحابنا دام القدر وسط الصدور
يبقى غلاكم نتصل , مانتصل

[ناصـر وكفى ...⌨⃔⃔⃔ @bc_drr]

كان الفقر يابنت الأجواد لي عيـب
تـرا المراجـل ياحسينـه غناتـي
أتعب على كسب المعاريف والطيـب
مرخص على شان المراجل حياتـي
ولا المعيشه عايش(ن) عيشة الذيب
يومٍ(ن) يجوع ويوم يلقـى المباتـي
ورزقي على اللي يعلم السر والغيب
واللي كتـب بلـوح ملـزوم ياتـي
ماني بوارث مال قـارون وشعيـب
ولا ملكـت النيـل و لا الفـراتـي
راس مالـي بالوفـا والمواجـيـب
وفروض ديني من صيام وصلاتـي
وخوة صناديـدٍ جـزال المكاسيـب
فريـس قـوم ولا تحـب الشماتـي
وأفرح بضيفي مثل طـي المعازيـب
كسب الجماله والكرم مـن صفاتـي
وأدرى من المنقود وأدرى من العيب
يذهل عدوي فـي حياتـه سكاتـي
وأعتز في ربعن تحـل المصاعيـب
أهل الفعـول المعجـزه المرعباتـي
أهل الوفا والطيب وحرش العراقيـب
امطيـر ربعـي مرعبيـن العداتـي
ربعي ليا صكـت عليـه المغاليـب
هم مسندي با اللين و بالمعسراتـي
وأبفتخـر مـن دون ذم الأجانيـب
مـدام حمـران النواظـر عبـاتـي
يابنت زارك من قصيـدي مناديـب
أبيات شعري وأحفظيهـا وصاتـي
الفقر ماهو لا فضا البوك والجيـب؟
الفقـر فقـر المرجلـه يافتـاتـي.
والطيب يارث من تسـد المطاليـب
تموت وتبقـى علومهـا الوافياتـي
والمرجله مثـل الذهـب فالمراقيـب
واللي عشقهـا ينطـح الموجباتـي
ومن لا كسبها شب ما جابها الشيب!
والعمر فرصة حـي قبـل المماتـي
أما ذكروني مثل عـذب المشاريـب
ولا أوقفوا دمع العزى فـي وفاتـي
والمودمـي لابـد مابـه عذاريـب
ولا ني معـدد بالقصيـد حسناتـي
لكن عطيتك عن حياتـي تجاريـب
يوم المراجل ساس ربعـي وذاتـي
وصلاة ربي أعداد خـط المكاتيـب
وعـدد طيـورٍ بالسمـا حايماتـي
على محمد صادق العلـم ومصيـب
رسـول ولا تقبـل عليـه الزكاتـي

[ناصـر وكفى ...⌨⃔⃔⃔ @bc_drr]

عندي وثيقه بموجب صك
وصورة الصك رسميه

كيف انحبس والخصم ينفك
واحكام الاسلام شرعيه

[ناصـر وكفى ...⌨⃔⃔⃔ @bc_drr]

لا تمحنون القلب يا عاذلينه
الأمر لله والحكي مايثيبي
لاخِبِر عن باسه ولا عالمينه
يعلم به اللي للدعا يستجيبي
عامين أكنه يوم أنا مستهينه
ولاودي أبدي للعرب ويش غيبي
واليوم يوم إنه تبيح كنينه
فأنا محب ووجعتي من حبيبي
قالوا مرض هاتوا طبيب المدينه
قلت الشفا بشفا طبيب قريبي
لعقة عسل بين الزرار زجبينه
وحرف القران إلى تلاه الخطيبي
إن كان هو يرحم؛ والإسلم دينه
وله في نهار البعث حظ ونصيبي
يرش قلبي قبل ذوبه بحينه
عن ميتتي من سبته وش يبي بي
ماهوب يرحم لارحم مبغضينه
كيه صبر ياربي إنك حسيبي
ماهو نصف كي الضنين لضنينه
بالماقع اللي ماكواه الطبيبي
عرقى على كبدي وسيمة مزينه
وأركى على قلبي ثلاث المغيبي
كان الجروح قصاص واشيب عينه
كويت قلبه كية ماتطيبي
لاعاد عرفٍ صار بيني وبينه
أبي المروفة منه وأذهب ذهيبي
أنا له ألجا من حدا والدينه
وأطوع من العبد المليك الأديبي

[ناصـر وكفى ...⌨⃔⃔⃔ @bc_drr]

هجرني يقول انه تطوع وراعي دين
ماكنه يعرف ان الوصل يدخل الجنة

نسى مامضى عذب اللمى صافي الخدين
مع انه يعرف ان الوفاء واجب وسنه

هذا تالي الصحبه وتالي دموع العين*
جزاني عليها الهجر والقلب ماحنه

أنا اشفق عليه من الشقاء والجفا والبين...
واقدر وهو ماقدر الوضع ماكنه

ماكنه مضى من بيننا عهد.. حلف ..يمين
نساها وكن الحق له والغلط منه

فجعل كان عذره كذب ويقول راعي دين
فعسى الله لايقسم له الأجر والجنه

[ناصـر وكفى ...⌨⃔⃔⃔ @bc_drr]

ارسلت لك واجد ولا رديت
صبح على يوم الفراق ومس

انا تراني من غلاك ازريت
وبحاول اجس المفارق جس

كانك ليا ذاللحين ماحسيت
والله العظيم انك ماعاد تحس

ما ابيك تتبعني ليا قفيت
ابيك تذكرني بخير وبس

[ناصـر وكفى ...⌨⃔⃔⃔ @bc_drr]

والله اني ماهقيت انك مداك قرّيب
شانت ظروف الزمان وشان وجهك معها

كل مابانت خفيه قلت طيب طيب
من بغى فحص الضماير لازمً يوجعها

الكلام ارخص عموله والفعول تشيب
هات انا من شافها وتروح انا سامعها

النبا الطيب نوافل للذراع الطيب
لاتسنن للفريضة وانت ماتركعها

[ناصـر وكفى ...⌨⃔⃔⃔ @bc_drr]

جيت الطبيب وقلت أنا انسان مرضان
وفحص علي وقال قرحه وقالون

وجاب الحبوب أصناف واشكال وألوان
قال أكل هذي قلت ماني بمجنون

قال انت تلعب قلت ماني بسكران
آكل حبوب(ن) جبتها ملي كرتون

ومشيت من عنده معصب وزعلان
وجيت المطوع قال اخذ زيت زيتون

قلت السبب قال انت بالحيل تعبان
عندك قلق ومصارعة جن وعيون

قلت الله أكبر يامطوع سليمان
اللي تبيع الزيت والناس يشرون

يمديك من بيعه مطنطخ وفسقان
ويمدي رصيدك فوق عشرين مليون

قال انت صاحي قلت صاحي ياوجعان
انت وطبيبك كلبوكم تهلسون

أنا بلايه من هوى خدر الأعيان
أشحن غلاه وخاطري منه مشحون

أتلى العهد به يوم روح مسيان
عصرية الجمعة على جيب صالون

[ناصـر وكفى ...⌨⃔⃔⃔ @bc_drr]

المندفع بره بحسن الاستماع
لا تبلشه بالمخطيه و الصائبه

عطه من الإنصات قدر المستطاع
تراك ما تدري وش اللي جايبه ؟

يعطيك لسنينك من أيامه متاع
لا حط بين يديك كبدٍ ذايبه

لا تعذل اللي باع شي ما يباع
كذا تراك تبل طينٍ نايبه

خله يضع عن صدره وزار النزاع
ترا العذل دايم يجيب الغايبه

ما أجهل من اللي يحسب الود انتزاع
إلا من يعذر القلوب الطايبه

[ناصـر وكفى ...⌨⃔⃔⃔ @bc_drr]

الهدو النفسي وضحكي وزين اخلاقي
لاتغرك تحسب اني فـ الحياة مرفه

اتتقى واتجلد ماكشفت اوراقي
خايفٍ من شرهة العاقل وضحك مسفه

مر ثلثين العمر والثلث الاخر باقي
المفارق ناطحه والذكريات تدفه

لو تشوف دموع عيني وانحباس احداقي
مزنةٍ من يوم صبت وبلها منكفه

كان مايجذبك لا نوّي ولا براقي
مثل ماولعت جمر الحب تكفى طفه

ي بعد منهو بنا بيته على خفاقي
مانت باللي مر في عمري وخذله لفه

انت حلمٍ لو كسرته كني اكسر ساقي
مثل حلم القدس في رام الله وفـ الضفه

انكسرت من الفراق وحزن قلبي راقي
والشجاع ان حب توخذ بندقه من كفه

[ناصـر وكفى ...⌨⃔⃔⃔ @bc_drr]

ياجافي الحوض قدامي وانا وارد
وانا عدود العرب غيرك مضيعها

أعوذ بالله من شيطانك المارد
ضامي وشوفتك لا ارواها ولا اشبعها

ارفق على الحال يا سلاله البارد
الروح يمكن تلاقي منك مصرعها

اقفيت والحظ ماهو يطرح الشارد
يا تكسر الشف ولا أجيك بايعها ..

[ناصـر وكفى ...⌨⃔⃔⃔ @bc_drr]

يجي من ظهور اللي لهم طاله ونوماس
ضعيف يفرط في شرف مجدهم كللله

ياطيب السكوت إن صار مال السوالف راس
و ياحلو الكلام الصايب اللي على حلّه

يا شين الجميل الا دروا به جميع الناس
ويا زين الجميل اللي ما يدري به الا الله

[ناصـر وكفى ...⌨⃔⃔⃔ @bc_drr]

يارب ابطت دعوتي بالأجابه
استغفر الله كان ماهي من الذنب

وأنا يالولا رحمتك في كآبه
مالي غنى عن فزعتن منك يارب

نفسي غدت ماعاد فيها {مهابه}
وان ماهديت القلب من يهدي القلب؟

حلالنا مع حرامنا آيتشابه
فتنه وضيعنا بها " صالح الدرب "

وعن الحرام ورغبته وآرتكابه
نمارس الممنوع{في حجة الحب}

غريب والدنيا .. هي أكثر غرااابه
والـ لوم لوم النفس .. يا لايم الغرب !

لاني نبي الله ولا من صحابه
ومليت اواسي زلت النفس " بالكذب "

يالله وأن لي دعوة ٍ " مستجابه "
تسترني بسترك وتغفر لي الذنب !

[ناصـر وكفى ...⌨⃔⃔⃔ @bc_drr]

جيت لكن كل شي حلاته بأوله
للأسف ما ينفع العذر مهما يحتوي

وش تبي بالخاطر اللي سلا عنك ودله
عاف ما شاف وطوى صفحة الماضي طوي

أنت رحت من اللعانه وجيت من الوله
ارتفعت ونزلك واحدٍ حيله قوي

[ناصـر وكفى ...⌨⃔⃔⃔ @bc_drr]

حيروني البيض ياناس في لبس الدلع
دبرت الله يالــدلع لبس خلي مـاروعه
يــوم شفته قلت يــازين وقف واستمع
لا تخلون الـــمولع يلاقي مــــصرعه
حبكم وسط الـــضمايرتمكن وانــطبع
مثل ماتطبع ببيض الصحايف مطبعة
ياغناتي راس مــالي ولا غيرك طمع
لو يبون اهلك من المال وزنك بادفعه
قالــت الــحساد واجد وصوتك مرتفع
وط صوتك من خويي عسى ما يسمعه
يمكن اني من نـصيبك ويمكن نجتمع
مد حــبلك واطلب الله عسى ما يقطعه

[ناصـر وكفى ...⌨⃔⃔⃔ @bc_drr]

طرف الليل والشاعر يحضر هجوسه
كـل تـاجر من التجار يحسب فلوسه

عملـةً فوق فوق وعشر عملات حوسه
أول الغيث قطره واخر الطـب كيـه

[ناصـر وكفى ...⌨⃔⃔⃔ @bc_drr]

اشوف بعض اصحابنا مايمرون
وانا الجفا من صاحبي ما استحقه

وعندي خبر عن غاية اللي يكنون
شافو بحالي من حفى الوقت رقه

وانا من الهجران مانيب ممنون
ما اجفى رفيقي لو جفاني ما اعقه

لو انهم عن غاية القلب يدرون
مرو عليه ماعليهم مشقه

لكن مع الدنيا واهلها يميلون
ويعطون راع المال من فوق حقه

لو تنفع الدنيا نفع مال قارون
مال وجاهه ماعاد الوزن بقه

الدايم اللي بقدرته كوّن الكون
ارسى الجبال ومجرا الانهار شقه

والادمي ماهو عن النقص مضمون
يفنى ويفنى المال جله ودقه

عمر الفتى لو طال للحق مرهون
لا يامن الديان بابه يطقه

أتلا العهد لا قالو فلان مدفون
ولفو عليه من ارخص الخام شقه

ويقرا الكتاب اللي به العبد مديون
والكل يحصد مابذر واستحقه

[ناصـر وكفى ...⌨⃔⃔⃔ @bc_drr]

وجهً تحلف انك ماشفته فالاحلام
من زود ماهو بالجمال متجلي

ماهوب حاجة كحل او لبسة زمام
لو تغمسه بالملح الابيض يحلي

الجسم ماينقاس بالكيلو جرام
والخصر ماعدى ثمانين ملي

ولانثنت ماكن في جسمهاعظام
واذا مشت تمشي بشموخ وتعلي

حتى بمشيتها ذعاذيع الانسام
تاقف ترحب للقوام وتهلي

من كثر ما هي ذوق ملبس وهندام
اغراضه من الشانز والبيكادلي

وجهً ما يعرق فيه مغرب ولا شام
عليه من ختم الجمال المحلي

ما عرضت بسناب ولا فتحت كام
ولا مشت درب الدلع والتسلي

خريجة الاداب وتعرف الاحكام
من مدرسة شايب يصوم ويصلي

[ناصـر وكفى ...⌨⃔⃔⃔ @bc_drr]

أبنشدك ياصحيبي ليش هالصده
ثلاثة شهور ماشفناك يالغالي
ياللي تجيب الخبر لا هنت له وده
مرسول من خاطري كالسكرالحالي
قله صحيبك حزين طول هالمده
انته نسيت الخوي والا يورالي
يابو؟؟؟؟؟ صاحبك حال الهوى هده
الله يامكبر همومي وغربالي
لا واوجودي على شوفة بحر جده
آذن تصفى هواجيس على بال

[ناصـر وكفى ...⌨⃔⃔⃔ @bc_drr]

المقولة تقول: اعتزل ما يؤذيك، ولم تقل تحمله، ولا اصبر عليه لأجل العشرة، ليس كل أحد يستحق فرصة جديدة، ولا كل شخص يستاهل أن تقيم حربًا لأجله، ليست من واجباتك أن تعيش تحت الضغط، وتبتلع الأذى، فقط ليقال عنك وفي وطيب، خلي في بالك دائماً ان الوفاء لنفسك يأتي قبل الوفاء لمن لا يصونك.