روحي ذبحها الحنين لعالمٍ قفّت
لكن وجودك على الدنيا مسليني
تمر الأيام والأشواق ماخفّت
ادناة حاجة على الماضي تبكيني
عيني على احبابي الغالين ماجفّت
ماباقي الا انت تكفى لاتخليني .
تغـاضي يا عيونـي والسنين قصار
ما دام الوقت لا انصفني ولا انصفته
احب اللي مضالي .. واكره التكرار
واشوف اللي يخـوّفني .. ولا خفته
غريب شعور والواقع غريب اطوار
كثر ما كنت راضي .. كثر ما عفته
ياكثر اللي تحاشيته يصير .. وصار
ياكثـر اللي تمنيتـه ... ولا شفتـه
#صباح_الخير
كثر ما شفت من الملامح و العيون
في ناهيات الحسن من بيض وسمر
ما كان فرقك فرق شكل و فرق لون
فرق النجوم الساريات !.. من القمر
تمر !.. في بال ( القصايد ) واللحون
إن ماا قدرت !.. إنّك على بالي ، تمر
الله يسامحني .. على بعض ، الظنون
كنت أحسب إنّك مرحلة وأثرك عمر
عسى الله يذكر ايامٍ مضت من عمرنا بالخير
قبـل لا ندري إن الوقت مايبقى على حاله
تجمعنا على وضـح النقا ، والعز ، والتقدير
و فـرقنا الـزمان ... و كل حيٍ راح في فـااله
اشرب قبل تقفي عليك المشارب
ما للحسايف فالمقابيل راحه
السم دايم في ذيول العقارب
والحر دايم رفعته من جناحه
لاتعطي الدنيا استراحة محارب
حارب ترى الدنيا ما فيها استراحه