محسن

.....

[محسن @bebe_20l]

لافقدتو حضوري اذكروني بخير

[قصايد @hnoof_x]

قد سمحنا من كلامً ماعليه شفاقه
علّم اللي يقفي من الهينه لايقبل

لايغره من يقول الباب مثل الطاقه
الليالي تكشف الصامل من المستهبل

لو رجعنا نكشف احداث الزمن واوراقه
يوم كان الرمي خادم والمشوك يسبل

اكثر اللي بالدراهم محتمين الناقه
نصهم وقت الحرايب [ مايردّون البل ]

[قصايد @hnoof_x]

لقيت للصمت دور وفالسعه نزهه
وكنسلت حاجات واجد قبل اكملها

العرف له بيت والعليا لها وجهه
ولا كل من مثل ربوعه يجملها

الي مايعنيك لاحبه ولا كرهه
السالفه معه حاول ماتطولها

الاش مهما تقدم بارد وجهه
اهل المواقيف لا يمكن يمثلها

ما كل مخطي علينا نلحقه شرهه
شرهاتنا ماتساق الى على اهلها

[قصايد @hnoof_x]

المكارم والوفاء من وصوف الغانمين
يكرمون من الهزيله وهفوات الردى

النقا والصدق والطيب والفعل السمين
سلم عطران الشوارب بعيدين المدى

[قصايد @hnoof_x]

الخبل لا تتركه وسط الرجال لحاله
وان تركته جاب فيك العيد وانت تعاين

الخبل ماجا فـ باله من كلامٍ قاله
السوالف خبط عشوا ، والفلس لـ الداين

[قصايد @hnoof_x]

الغريب اللي يبدي بسمته .. ويعاطن
والله انه يستر بضحكة حزين علومه

هيفت شمس العصير وضاق حفر الباطن
وجهوني ياهل المعروف لـ القيصومه .

[قصايد @hnoof_x]

متوسدٍ كفّي من الساعة : ١٠
والنوم يامشيّن جفاه الى جفا

عزلله اني ماغبطت من البشر
الا الذي لا طاول فراشه غفا

[قصايد @hnoof_x]

أختي حبيبتي ترقد في العناية المركزة
اللهم إن الداء داؤك والدواء دواؤك
ولاشافي إلا أنت
ولامُبرئ الاسقام إلا أنت
اللهم ياشافي اشفهاشفاءً لايغادر سقمًا
اللهم تولها بلطفك وسخر لها ملائكة الأرض وجنود السماء واجعل يد الأطباء يدًا مباركة رحيمة برعايتك
اللهم بدل حالها لأحسن حال
دعواتكم"

[قصايد @hnoof_x]

تبى تزين القابله .. كل الاوضاع
وان كان ماهي القابله مقبلتها

[قصايد @hnoof_x]

جعل يفدا صمودي نشده الملقوف
لا نشدني سدودي وش خوافيها

غيبتي ماهيب غيبة قريب الشوف
غيبه اللي سلومه ما يخليها .

[قصايد @hnoof_x]

لايخاوينا على وقتنا غير الرجال
الرجال اللي على المرجله متدربه

تسبق اوماي الهدب للمواجيب الثقال
والوفا ماتجهله والردى ماتقربه

العقول الواعيه والسواليف الجزال
الفعول مجرّبه والاصول معربّه

والبخيل اللي يعد الخساير بالريال
عن مشارق دربنا يالله انك تغربّه

#عبدالله_السمين

[قصايد @hnoof_x]

غن ياللي ودك تغنّي على موّالك
المغاني ما صلح لي جوها بالمرّه

فيني من الضيقه اللي ماهي في بالك
وفي عيوني دمعتين وفي فوادي حرّه

لو تمرّك والله انك ماترز عقاالك
والزرار الاول الفضّي ماعاد تزرّه

وانتبه لاعاد يطري لك تقول شحالك
كلمه شحالك على الحال العليل مْضرّه

#حشان_ال_فطيح

[قصايد @hnoof_x]

( الاسبريسّو دبل ) له صوله وجوله
كم شتت همومي وكم طيّر عماسي

اشربه .. وانا ماني محتاج مفعوله :
فعول ربعي مطيرّة عمس راسي ""

[قصايد @hnoof_x]

الله لايقطع من الأرض الاجواد
المدح والتقدير يستاهلونه

انا ولد عم الكفو في ايت بلاد
واخوه في كل المواقف وعونه

[قصايد @hnoof_x]

لو بينك وبين بعض الناس عشرة عمر
ماتسلم من الظنون اللي يظنونها

الشجرة الطيّبه لو هي قليلة ثمر
اخير من شجرةٍ ماتثمر غصونها

يـ اصحابنا كان فيكم من يهمّه لـ امر
لاتفتقون ( الجروح ) ولا تخيطونها

تجاوزو كل شي الا الخطوط الحمر
مهما تكون الميانه لاتعدّونها

[قصايد @hnoof_x]

عسى الشجرة اللي مالها فـ الهجير ظلال
يجيها اليباس .. وينقشع عرقها كله"

[قصايد @hnoof_x]

على لازمي ماني براحمك يالفكسار
تنص الشمالي واتبع الذود ودروبه

شريتك وسقت الكاش مالد بالاشوار
وسعرك يساوي مهر جادل ورعبوبه

تصبّر على الدرب الطويل وعلى المشوار
وتنحر زحولٍ تعطي الضيف ماجوبه

[قصايد @hnoof_x]

فرق السنافي والردي ما يبي شي
واضح وضوح الشمس ولّا الأهلّه
ِ
نعمه من الله .. يوم بعض العرب حيّ
وبعض العرب لا مات .. نعمه من الله"

[قصايد @hnoof_x]

اليا نصاك اللي يبي منك مطلوب. تراه قبل يجيك باالطيب هاقي.

خلك علئ الهقوه ولا تقلب الثوب. اثبت له ان الطيب لازال باقي

[قصايد @hnoof_x]

الحاجة اللي كنها حبة الكوع
تجيبها في تالي الليل ركعة

[قصايد @hnoof_x]

هوماتنا مثل العمامه على الراس
و وجيهنا ما يجمد الما عليها

وكتوفنا فيها معاليق لـ الناس
تعلق ضعوف الرياجيل فيها