𝙱𝚊𝚜𝚑𝚊𝚢𝚎𝚛

مرحبًا
أنا قصيدةُ شاعرٍ
ضيّع قوافيه من زود ما انبهر ❣️

[𝙱𝚊𝚜𝚑𝚊𝚢𝚎𝚛 @beeshtk88]

« جعل السنين المقبله .. خير وتباشير وغناه
لو السنين الماضيه طيش وعناد وعجرفه »

"خالد بن طفلان"

[𝙱𝚊𝚜𝚑𝚊𝚢𝚎𝚛 @beeshtk88]

لنا الهيبة والرزانة والشموخ
ولهم القيل والقال❣️ .

[𝙱𝚊𝚜𝚑𝚊𝚢𝚎𝚛 @beeshtk88]

الطيب دربٍ ماندم من مشى فيه
ممشى الكرام أهل النفوس الاصيله ❣️

[𝙱𝚊𝚜𝚑𝚊𝚢𝚎𝚛 @beeshtk88]

أنا مع نرجسية اصاله:
لا تحسب إني وافِر وسهل الوصول
ولا تدوّر أشباهي أنا مالي شِبَيه "..

[𝙱𝚊𝚜𝚑𝚊𝚢𝚎𝚛 @beeshtk88]

ماكنّك إلا بدايات الشتا في السّنين
مهما تتكرر لها التقدير والمَرحبا❣️.

[𝙱𝚊𝚜𝚑𝚊𝚢𝚎𝚛 @beeshtk88]

يوم ممُيز
11/11/2026
ليلة أربعـاء واجواء زينه وامطار
ونسمة هواء ترد الـروح❣️

[𝙱𝚊𝚜𝚑𝚊𝚢𝚎𝚛 @beeshtk88]

الليله الترحيب بالامطار ولّا بالضيوف ؟
مدري من اللي منهم اكثر خير واكثر منفعه

— سعود المسيلي

البدو لا جاهم مطر صفّوا من الفرحه صفوف
جاكم مطر من عند ربي مير جيناكم معه

حمود السمي

[𝙱𝚊𝚜𝚑𝚊𝚢𝚎𝚛 @beeshtk88]

الأجواء هاليومين تذكّرني بوصفٍ رائع
"لصالح التويجري " لعلاقتنا بالمطر:

«في بلادنا المطر ضيف، لا نشهر المظلات
في وجه، صدورنا له مجالس، وعلى قدر البلل يكون احتفاؤنا به». ❣️

[𝙱𝚊𝚜𝚑𝚊𝚢𝚎𝚛 @beeshtk88]

جيتك كنها مطر وأستبشروا فيه البدو ❣️

[𝙱𝚊𝚜𝚑𝚊𝚢𝚎𝚛 @beeshtk88]

من روس قومٍ فالأكابر أتقايس
مانيب من قومٍ على روسهم روس ❣️

[𝙱𝚊𝚜𝚑𝚊𝚢𝚎𝚛 @beeshtk88]

مساء الخير أما بعد :

ما يلفتني المُتاح / و المُباح
تروقني الدروب النادره لـو هي بعيده

[𝙱𝚊𝚜𝚑𝚊𝚢𝚎𝚛 @beeshtk88]

عفى الله عن كـلامٍ في حنايـا الصدر مـا ينقال
تـركته للزمـن لـو هو ثقيـل و جـمرته حيـه
وعفى الله عـن همومٍ مـا تخلي مستريح البـال
يـعيش أيـام عـمره في صفا ذهن و صفا نيـه

[𝙱𝚊𝚜𝚑𝚊𝚢𝚎𝚛 @beeshtk88]

جيتك وأنا من روس قومٍ ماني بعابر سبيل
وبقفي وأنا شيهانةٍ ترقى السماء وتحومها ❣️

[𝙱𝚊𝚜𝚑𝚊𝚢𝚎𝚛 @beeshtk88]

كان بخاطري حكيٍ كثير وما انحكى
وكان ودي تسمع قبل لا يفوت الأوان
لكن سكتّ، والكلام بصدري انطوى
وبقيت أوجع من سكوتي والخذلان
يا ليت بعض الكلام ينقال وينسمع
قبل ما يصير بداخل القلب حرمان..❣️

[𝙱𝚊𝚜𝚑𝚊𝚢𝚎𝚛 @beeshtk88]

فيه مقوله لمحمود درويش تقول."
يكفيك مني عقاباً بإنني لن أراك كما كُنت أراك .

يعني الأنسان يوصل لمرحلة أنه لايغدر ولايخون
ولا ينتقم بس نظرته تتغير وأذا نظرته تغيرت
تغير كل شيء
يكفيك أنك تعيدهم كما كانو غرباء .

[𝙱𝚊𝚜𝚑𝚊𝚢𝚎𝚛 @beeshtk88]

«فتحت من قلعت الأعذار سبعين باب
و المشكلة مالقيتك .. ضمن خطارها»

حمود مبارك

[𝙱𝚊𝚜𝚑𝚊𝚢𝚎𝚛 @beeshtk88]

من مبادئ " عتيبة "

«من عرفتك وأنا مدري وش أهبب
نوب أصد و نوب أرد و نوب أداري» ❣️

[𝙱𝚊𝚜𝚑𝚊𝚢𝚎𝚛 @beeshtk88]

ليه تبخل بالمشاعر .. وتبخل بالكلام
وانت جدانك من الجود يعطون الأبل ❣️

[𝙱𝚊𝚜𝚑𝚊𝚢𝚎𝚛 @beeshtk88]

ارفق ترا النفس العزيزه عيوفه
ما كل عذرِ بقبله منك لا اخطيت .

- خالد الفيصل

[𝙱𝚊𝚜𝚑𝚊𝚢𝚎𝚛 @beeshtk88]

حاول تخلي جلستك عند العرب ركعة وتر
" خفيفةٍ تقضي لزومك . . كل ما صليتها "

- سعد علوش - ❣️