غَيْهَب

الهرج ما يتعب النقال //يتعب ورا الهرج تبّاعه

[غَيْهَب @beneiil]

اللهم أجعل لي بعد موتي اهلاً واصحاباً وأحبه لا يهجرون وصلي بالدعاء

[د. مشعل بن محماس @MASHAL_ALHARTHY]

عرفت يالحوثي طعم سكرة الموت
هالحين ذقها جايك الموت كله
والله ليخضع في اليمن كل طاغوت
مادام سلمان الحزم واقفً له🇸🇦

[جمال بندر @JamalBander]

القصايد على بنت الاكابر تليق
شيخة المترفات وفاتنة عصرها
.
ان بغت تنقذ اللي في هواها غريق
بصرها وان بغت ما تنقذه بصرها
.
ودي ارتاح واخذي لي زفير و شهيق
وارفع الراية البيضا على نصرها
.
يوسفيّة جمال وهرمزيّة مضيق
مشكلة هرمز انه فيه من خصرها
.
ما تشوفون شبّوا فيه حرب وحريق
مثل ما سووا الخطّاب في قصرها ؟

[دمــث @v80r_1]

أنا اعطيك درسٍ فالمكابر على الأحزان
وأنا والله إن بعض .. التفاصيل تحزني

جابر النشيرا

[صالح النشيرا @saleh_neshaira]

خضنا الطريق اثنين من يوم الاثنين
ووعضني العقل الحكيم ووعضته

اروح منك .. يوم واجيك .. يومين
ولافيه جذعٍ لـ الصبر .. مانفضته

كيف انقض عهود الخوي ي احمر العين
رغم اختلاف .. الواقع .. اللي فرضته

وانا الى وقفت لي بين صفين
يوجعني البيت القوي لا نقضته

[بالفُـصحى @Blfosha]

أيا قمرًا تبسمَ عن أقاحِ
ويا غُصنًا يميلُ مع الرِّياحِ
جبينكَ والمقلدُ والثنايا
صباح ٌفي صباحٍ في صباحِ

[ماجد بن مهل @majed_almhl]

شابت شواربنا وشابت لحانا
وبار الصديق اللي عرف سر مخباي

يقول عانوا خالي الجيب جانا
مايدري ان الجيب تخليه يمناي

بيتين ثمينة لـ صالح بن جهز الدلبحي رحمه الله.

[دمــث @v80r_1]

مشاعري لك لو توزع من يسار ، ومن يمين
صاروا جميع الناس عشاق ونشاما وشعراء

[صالح النشيرا @saleh_neshaira]

الطيب عسر ومرقد الهون دافي..

[دمــث @v80r_1]

قلوب البشر مانيب على ودها مكلوف
ما الله خلقني أحـوز أعجاب خلق اللّه

[وَهم @ryz511]

أشيل ما شالت ، ظهور البعارين
ماهوب انا اللي ماتشيله عظامه

[غَيْهَب @beneiil]

اللهم أجعل لي بعد موتي اهلاً واصحاباً وأحبه لا يهجرون وصلي بالدعاء

[Al-Otaibi @s5iiib]

طلي على من شرفة القصر طلّي
القصر عدت شيمته عن ركونه

آقف على بابه واعوّد محلي
واقول ما يستاهل اللي يخونه ):

هواك يابغى له بعيرٍ مفلي
لو البحر وراه والقوم دونه

ودك تحب اللي شبابه مولي
ولا تحب اللي هلك مايبونه

[وَهم @ryz511]

بيني وبينك ماتضيع المعاريف
لاشك لك عندي رصيدً مجمد

[مدواخ شعر @Medwkh]

• رجاء مساعد الرشيدي :

دخيلك ترفق ترا تحت الجلود قلوب
عثى فيها الزمان المُر و خّيب هقاويها.

[قصايد @hnoof_x]

عند الدني واللاش ماني بمعروف
بس النزيه من الرجال يـعـرفني

- صالح النشيرا

على العموم حنا مايحتاج تعريف
اللي .. يعرف الطيبين يـعـرفـنـا

- مبارك ابوثنين

مثل يوم عبس تعرف عنتر ولد شداد
يعرفـوني "المطران" مـاني بحي الله

- منصور العضيلة

[ذيــــاب 🇰🇼 @Atm5s]

مكتفي باللي يجي منك من بـاب الوصال
إن عجزت تسوي الصعب . . سو الـمفترض

أرسـل إن عيت عليك الظـروف . . الاتصال
الرسايـل بعض الأحيان توفي بالغرض

- عبدالله السراهيد

[خالد عون @khalid_oun]

صالح النشيرا:

دايم المنّة ليا جات من عقب معروف
لا غدا مكسب جمالة ولا دفعة بلا

[كيف @kiiiif_]

التماس العـذر لـ الطيّب كرامه
اتركوا لـ اصحابكم مخرج طواري

[هاجس الصحو @wwwwewwwe0]

دمعك اللي تنثرينه على عكش الرموش
لو نفخ فيه الله الروح لاحوّل رقى

اتركيه يطيح جعله ماهوب أغلى الطروش
من قرادة حظّه وطيب حظ اللي بقى

- فلاح القرقاح

[بسطام @______H55]

ياذا الجلال اللي نزل وحيك على الصادق الأمين
ولك الكواكب والنجوم مسبحة ومكبرة

اشملني بعفوك ولا تجعلني من القانطين
حتى البحر يرجي هطول المزنه المتزبره

من الكتب ما عندي افضل من رياض الصالحين
الا الكتاب الي ما تشمت عاقبة متدبره

على كثر من ينهزم في معركة غبر السنين
لله در الي يدسم شار��ه ويغبره

ما يجعل الرشاش سعره مثل سعر المارتين
الا وقوعه في يد الي ما يعرف يخبره

مغامرٍ باغلى ما تنجبه الحروف الكلمتين
مدري تكون معبرة ولا مهي بمعبرة

حتى الهنوف الي تطالع فالرجال بنص عين
اغض عنها طرف عيني مقبله ومدبره

راودتها مثل الشكوك وجيتها مثل اليقين
يوم اضحكت قلت الكبر لله يا متكبره

واقفيت وانا اكبر من التبرير والعذر السمين
حتى لو اني خاطري ما كل شي يصبره

ماني بظالم يوم اقول اقبالها ماهو بزين
الظالم والله كيدها الي كل يوم تدبره

القلب يكسره اللسان ولا تجبره اليدين
مهوب عظمً كل يوم تكسره وتجبره

ما عاد عندي فرصةٍ تهدر من العمر الثمين
والي ��ينشدها من اسباب الفراق تخبره

ما غاض منها الشامِتين الا جمال الشامَتين
الي حداها عن حداها فارقه ومعبره

من حقها تنثر مدامعها وزان الصورتين
وتعلق الذكرى على بروازها وتكبره

حيث انه اول شخص يسقط من عيوني مرتين
وانا عيوني من سقط منها معاد تعبره

• المبدع صالح النشيرا 👏🏻👏🏻
@saleh_neshaira