عادل بنوير

مواطن ليبي ساهم في ثورة ليبيا بما استطاع والان لا يملك الا الخوف على الثورة رحم الله الشهداء

[عادل بنوير @benweer]

نحن نرى أَنّ الإصلاح مبدأٌ وفكرة
وأنتم ترونه زيدًا وعمرواً!»
:
البشير الإبراهيمي

[عادل بنوير @benweer]

الناس لا يفصِلُ بينهم النزاعَ إلاَّ كتاب من السماء!
وإذا رُدُوا إلى عقولهم فلكل واحد منهم عقل!!

ابن تيمية [ت : ٧٢٨ هـ]

[عادل بنوير @benweer]

غمزلي السفير -إصدار جديد

[عادل بنوير @benweer]

@jalaljuma8 @ANAb32817372 عادي توا بيتفاهم مع الحكومة بيجيبو خوه رئيس يسامحه فيهم

[عادل بنوير @benweer]

قد تكون المرحلة القادمة بعنوان
أهون الشرور الثلاثة المنفي والردع

[عادل بنوير @benweer]

بولس دارلهم خطوط يخنبو فيها كيف يعجبهم يعني يخنبو من الدخل اليومي للبلاد ويخلو الاحتياطي
اللي تبيعو بيهم ليكم
تنظيم السرقة
والجيش كذلك كانو يسبو في بعض مليشيات وجيش وارهاب وتوا كلهم جيش
الزبده
طلعت المشكله في الشعب اما الطرفين متفاهمين غير كل طرف يجامل في جمهوره

[عادل بنوير @benweer]

جماعة البرلمان اللي قاعدين مكبشين في عقيله ويجتمعو معاه ،، محسيتوش اليوم أنكم كراسي يجيبوهم امتا يحتاجونهم؟ يعني حتى قصه الإنفاق الموازي والاتفاقية لا وقع عليها برلمان ولا حتى حماد
وقع عليها ولد صاحب الجيش
واي موضوع معندكمش فيه دور
يعني انتم توا شن وضعكم؟

[عادل بنوير @benweer]

اتفاق عصابات لتقاسم أموال الشعب
ولكن اعتقد انه جيد
هوا تقنين للسرقه لكي لا تصل البلاد الي الإفلاس
والاهم انهم حسبوا علي سعر النفط 70 دولار مفكروش كيف يعدلوا سعر الصرف لانهم لو عدلوا سعر الصرف لن تكون ميزانيتهم بهذا الحجم
محتاجوش شهر اتفقوا كيف يقسموا الفلوس ويثبتوا انفسهم

[عادل بنوير @benweer]

"You think you are resisting, but in reality you are dying."

[عادل بنوير @benweer]

لولا الاسلام، لمكرت مكرا لا تطيقه العرب

قيس بن سعد بن عبادة

[عادل بنوير @benweer]

اجتماع النواب اللي يقولو بنحو عقيله
فيه احد الاحتمالين
اما انه حفتر قرر يستبدل عقيله
او هيا لعبه مازال فيه وراها شي
والحالتين مش مريحات وحتى الحاله الثالثه وجود عقيله ازفت من الحالتين

[عادل بنوير @benweer]

@jalaljuma8 وشركة اركنو مليهاش علاقه ؟

[عادل بنوير @benweer]

المنفي يبي وزارة الدفاع والخارجية وين محصلهمش اعترض علي تعديل حكومة دبيبه وقاله حكومة تصريف أعمال
يا منفي اليوم اكتشفت انه الحكومة تصريف أعمال ؟
يا منفي انت مستند علي قرار البرلمان هو نفسه قال انت لست القائد الاعلي للجيش ليش قاعد مستغل الصفه مدمت تطبق قرارات البرلمان ؟

[عادل بنوير @benweer]

عند الخروج ونقول ضد كل الأجسام هل بإستطاعتنا إسقاط الأجسام التي خارج طرابلس ؟ اجابتك لا
يعني الشعار شي والمقصود شي
او هناك حل عملي عند الخروج علي كل الأجسام الكل يسحب أبناءه من هذه الأجسام الحكومتين والمجلسين إذا حدث هذا ستسقط الأجسام بدون تعب
غير هكي ستبقى صراعات

[عادل بنوير @benweer]

الجردان الموبرين النادمين علي فبراير
ماتنسوش تردو زي ماكنتوا قبل 17/2/2011 الي يبيع في حمام ولي يخدم سواق كنتر والي كان شاد شوكة يرد لشوكه متعه راهو الندم علي رزق الحرام مش عالدفاع عالشرف والعرض والي يلقاها مقاسه
يلبسها
وديما🇱🇾🇱🇾🇱🇾🇱🇾....

[عادل بنوير @benweer]

نحن نرى الإصلاح مبدأ وفكرة وأنتم ترونه زيدًا وعمروًا”

[عادل بنوير @benweer]

يفري مع الدبيبات ويراجي في حفتر يخش طرابلس وقريب يهبل ع سيف

[عادل بنوير @benweer]

الاعتراض علي المنطقه الحره لأسباب
اولها المعارضين للحكومه وثانيها انها في مصراته
نفس المعارضين علي الاتفاقيه البحريه مع تركيا مع انها لمصلحه البلاد بس لانها مع تركيا ولأنها مش متوافقه مع مصر
حسب التوجه والمصالح يكون الرفض والقبول

[عادل بنوير @benweer]

مرض دبيبه بين ان الشعب يبيه،، الحقيقة فيه تعاطف كبير جدا معاه بتقولي خايفين من الفوضى بتقولي ضحك عليهم قول ما شئت لكن الناس اتبع في اخبار المرض ومتخوفه عليه
وهوا لو يستوعب ان الشعب كاره العصابه حتى ولو يبوه،، كان يعدل وضع الوسخ اللي جنبه حترضى الناس بيه بكثير من عيوبه