♛

LONG STORY…

[♛ @bin_alotibi_]

وفي نهايةُ القِصة، عادوا غُرباء كما كانوا

[♛ @bin_alotibi_]

تفرق عزوم الرياجيل ويبين الحصيل
لاارتفع سعر الذخيرة على سعر الذهب

[♛ @bin_alotibi_]

ترا الحر لامنه كفخ رده الملواح
وله البوم مالد النظر فيه ولاافطنله

[♛ @bin_alotibi_]

انا والله اني من حدوث الدهر منصاب
واجامل على الانظار والناس مايدرون

اجنب عن النصاب واطيح في نصاب
واجنب عن الملعون واطيح في ملعون

[♛ @bin_alotibi_]

توشح بالصبر وابعد عن الشك وعن التخمين
لكن لاتلبس ثياب الامل بالله مقلوبه

[♛ @bin_alotibi_]

ننسى جمايلنا الجميلة مع الناس
ونموت ما ننسى الجمايل علينا

[♛ @bin_alotibi_]

يرسي كما مينا البواخر على الموج
ومنين ماصك البحر يرتكيله

[♛ @bin_alotibi_]

لاتوقف ياتلع الجيد قدمي فالطريق
حتا لو انعيش فـ بلاد غير ابلادنا

السلوم تقيد النادر الحر الطليق
وتحفظ قيمة الحانا وطيب امجادنا

للعهد ف صدورنا ذمه وحبلن وثيق
مانخون اللي خشير لنا في زادنا

مانعاين فالقصيره ولا بنت الرفيق
هذي شيمنا وهذي سلوم اجدادنا

[♛ @bin_alotibi_]

صاحبي لو غبت من دونك أشهور
ماهو يعني غبت من شان الجفا

غبت من صدراً به علوماً تدور
وماتريح لين ما بث الخفا

الخبول اللي تسولف بالغرور
أشتموني في محلك بالقفا

وانت تسمعهم وكن مالك شعور
كيف مافيك المروه و الوفا ؟

[♛ @bin_alotibi_]

عساك الفدا للي غدا دون ذنب وراح
وقلبي علي فرقاه كنه على مله

ترا الحر لامنه كفخ رده الملواح
ولا البوم مالد النظر فيه وافطنله

[♛ @bin_alotibi_]

لا تلوم الزير لامنه طغى فعيال عمه
فعلهم ف كليب مايغفر و دم اخوه غالي

[♛ @bin_alotibi_]

مغتني من خير ربي ، قبل خيري
ومكرمٍ نفسي ولو ما أتبع هواها

ومارجيت الحاجة اللي عند غيري
عندي أشياء ، مات غيري ما لقاها

[♛ @bin_alotibi_]

مابقى من الصمت غير الوداع .

[♛ @bin_alotibi_]

ولا انا من غياب الي فجعني غيابه
كافل لي شعور . . وكافلتني يتيمه

[♛ @bin_alotibi_]

يشوف الغلا بعيونك الناعسات الحور
مثل من يشوف الموت بعيون ذباحه

[♛ @bin_alotibi_]

لا استوت في عيونك الثنتين قُربي وابتعادي
والظروف أقسى من الماضي على اللي يستعيده

المصافح بالقلوب أصدق من مصافح الأيادي
اسمحي لي كل يوم أصافحك وأنتي بعيدة !

[♛ @bin_alotibi_]

اهجر قصور الذل لو هي من ذهب
واسكن بيـوت العـز لو هـي خرابـه ...

[♛ @bin_alotibi_]

خلف كُل هدوء وكتمان ركاماً من الأنهيارات