واهني الداله اللي عن التفكير ساج
ما بعد جرّب عنا الوقت من يومه صبي
والا أنا ماغير ادوّر من الضيق الخراج
وكل ليل يزيد همّي و ضيقي و اتعبي
علة ٍ في خاطري مالقيت لها علاج
من سبب ميلات الأيام ماهي بـسببي
من يسلفني سعة بال وأخلاق ومزاج
وياخذ الضيقه وياخذ عليها اللي يبي
في زحام المغريات، وليلها المتمادي
من ترك لله شيٍ عاضه أبرك منّه
يالله أعصم من محابيل الحرام فوادي
عصمةٍ تاخذني بيمناي لين الجنّه
ياعظيم الملك وأنت المستعان الهادي
باب جودك جعل مانيب محجوبٍ عنّه
كل ظنٍ في سواك من الخلايق غادي
وانت عبدك عند ظنّه لاحسن بك ظنّه
العـز للنفـس واجب والحيا سنـه
وأنا يديني من الثنتين مليانه
أبدي شعور السعادة وأخفي الونـه
حتى ولو الدهر بي مال ميزانه
رزقي على الـلي إذ�� عطى شي مامنه
وإلا يدين العرب تعطي ومنانة
لا شحوا النـاس ربك يعطي الجـنه
ما يغني إلا كريم الوجه سبحانه