محمد خالد

شاعر ، متوج بلقب مسابقة #مثايل للموسم الثاني 🥇

[محمد خالد @bin_msleh]

( غريب ديار )

القصيدة المتوجه بعد توفيق الله بالمركز الاول في نهائي مسابقة #مثايل للموسم الثاني 🙏🏻

[مزيد الوسمي @mzed_9]

كل عام ومملكة عبدالعزيز إسم ومكانه
فوق هام السحب والعالم يقول اللي يقوله

الدول تهديدها الأمني يذوقها الإهانه
والسعوديه تقيم أفراح وتنظم بطوله 🏆

#اليوم_الوطني_السعودي_٩٦

[صالح النشيرا @saleh_neshaira]

ويلي على اقول شيٍ مابعد قيل

[رشيد الدهام @rsheed_aldham]

#اليوم_الوطني_السعودي_٩٦

فيك العلَم سُندس وفيك الرمل مسك وزعفران
وفيك الحجَر ياقوت واشجارك قطوفٍ دانية

تضمّ بيت الله وبك روضة من رياض الجنان
ولا به نبيّ إلا وطى ارضك في العصور الفانية

ما يشبه الجنّة سواك بكل هالدنيا مكان
حتى حدودك في الدُوَل بيبانها ثمانية !

من حولك يزيد الخطر وبقلبك يزيد الأمان
ويكفيك لو ما لك سوى هالشيّ ميزة ثانية

🇸🇦🤍

[سلمان بن عبدالعزيز @KingSalman]

نستذكر في اليوم الوطني، ما قامت عليه هذه الدولة المباركة بفضل من الله ثم بعزم وقيادة الملك المؤسس عبدالعزيز بن عبدالرحمن - طيب الله ثراه - وسواعد أبناء الوطن المخلصين من أُسس راسخة لحفظ العقيدة وإقامة العدل، ونسأل الله أن يديم على بلادنا أمنها واستقرارها وازدهارها.

[منصة صدى @sada5o]

قصيدة ترحيبية للشاعر :
محمد بن خالد #بن_مصلح #الصمله
- #شاعر_مثايل -
@bin_msleh

مرحبا رحبٍ يسر المسامع سماعه
عد ما حرك الغصن النسيم وتثنا

يا سليل الملوك اهل الكرم والشجاعه
يا سمي اخطل الذرعان زبن المجنا

سيرة المصطفق صبحٍ تكاشف شعاعه
يوم دهم الاصايل في المعارك تعنا

[د. مشعل الزعبي @alzuaby]

غفلنا

[محمد خالد @bin_msleh]

@ab1_dl @Qaf_96 الله علييييك يا عبدالله "

كن الشعور اللي ورا صدري سجين
حلم الصغير اللي عجز يكبر معه

[عبدالله الصلاخي @ab1_dl]

ما شفت تلويحة كفوف الراحلين
بس الوكاد غيابهم شفت وجعه

كيف اتخطّا الشوق وانواع الحنين
هي والله اللي ما وراها منفعه

غنّيت في ضيقة عصر قبل سنتين
قافٍ يحرّك ساكن اللي يسمعه

والليل هذا جدّد الماضي يلين
مرّيت في كل الفصول الاربعه

انا اتحرّا الصبح الي حول شهرين
تعبت وانا اردّده واسترجعه

حرصي على خافي ضميري لا يبين
خلّاني اعيش بصراع ومعمعه

ماهيب لا مرّة ولا هي مرّتين
يفز قلبي من ضلوعي وامنعه

اللي قدرت اوادعه وانا حزين
طيفه ورا حدب الضلوع مودّعه

احن له ماهو لكل الغايبين
واعيش جوء الضيق والدنيا سعه

كن الشعور اللي ورا صدري سجين
حلم الصغير اللي عجز يكبر معه

[محمد خالد @bin_msleh]

@jlawy1435 الف مبرووووك يا دكتور وتستاهل كل خير 🙏🏻

[محمد خالد @bin_msleh]

صديقي الشاعر ::

موضوع ( الوقت ) جميل جداً
وباقي شهرين فقط على نهاية الموسم الثالث من #مثايل
( اني لك من الناصحين ) 🙏🏻🙏🏻

[وزارة الثقافة @MOCQatar]

لأصحاب المواهب الشعرية من كل أنحاء العالم، باب التسجيل في مسابقة "مثايل" للشعر النبطي لهذا الشهر سيغلق في تاريخ 10 سبتمبر 2026.. للتسجيل يرجى المسح على الرمز المرفق.

[حمد الميموني @Abcd_198o]

للطيبين : سلوم وعلوم ووصوف
وماتسمعه يغنيك عن ماتشوفه

منت بعلى تصنيّـفة الناس .. مكلوف
يكفيك : من زيته ينـقّـز بلوفه

يجوز فالسمعه تبالغ من الخوف
عشانها العاقل يخلي شفوفه

واللي يجي من قاصر العرف والشوف
تمرّه زحول الرجال ، وتطوفه

واللي على عثرات الاصحاب : مكفوف
لعـل زلاتـه لازل : مـحفوفـه

واللي لوقفاته مزامير ودفوف
لعلها والله ماهيب مخلوفه

واللي مراجلهم لها وقت وضروف
مايلحقون قصورهم .. بالحسوفه

ولايميّـز كل مخفي ومكشوف
غير النوايا الصادقه والمروفه

مالا يجي من مضغةٍ داخل الجوف
نبتٍ .. معاصير الهبايب تلوفه

والناس فالدنيا معازيب وضيوف
وكرامة الطرقي : مهي في خروفه

كم واحدٍ : فالناس ماهو بمعروف
يسوى ميْـة لحيه فالارض .. معروفه !

[محمد خالد @bin_msleh]

@nassre_ يا سلااام يابو مفلح

صرت اشوف الصد ملجى واشوف الضيق دار
وصرت اشوف الحزن موجود حتى فـ النكت

[ناصر بن مفلح . @nassre_]

"

لا تعاتبني عسى راسك الطيّب مجار
دام صكات الليالي على الصدر أرتكت

كل ماسقت المطايا على ذيك الديار
درهمت واليا بغت تاصل القصد ابركت

عشت مابين اتزاني وبين الانهيار
لو ادخن كان تلقى بكت يلحق بكت

ان صبرت الصبر معروف من سلم الكبار
وان بكت عيني من الحزن عادي لو بكت

صرت اشوف الصد ملجى واشوف الضيق دار
وصرت اشوف الحزن موجود حتى فـ النكت

" لو على كيفي ماخليت باب ولا جدار
الا واكتب فيه قصه .. من العمر انحكت

من يدور فرحته .. عقب مافات القطار
لو مايشكي .. من معاناته عيونه شكت

ساعتن فيها .. المحبين ماتصنع قرار
ضحكتنا لنا رحنا .. وراها وأضحكت

ماخذا عقلي سوا شي من ذاك النهار
يوم قال أصبر بعلمك عن شي وسكت ..

[ناصر الحمادين @nalhmadeen]

مع ان القصيد العذب كله كتبته فيه
سامحته وودعته حياتي وراح ورحت
..
اعيش ( التناقض) من فراقه ولاادري ليه
احبه وانا لاشفت وجهه حزين ارتحت

[محمد خالد @bin_msleh]

@sd280 الله الله يابو ناااااصر 👏🏻

[سعد بن لويبه @sd280]

من الشوق فيني لا انفتح لـ الطواري باب
تشتت مشاعر ما عرف , كيف اجمّعها

ما غير اجتلد فـ الوصل وادور الاسباب
مثل من يدور , حاجةٍ له مضيعها !

جذبني هوى اللي تخطف بـ زينها الالباب
عيوفٍ تخطف القلب , لا بان مفرعها

على بيت ابوها شبه يومي يجي خطاب
ولا تلتفت لـ الناس , واطق بـ اصبعها !!

مع اني ما اشوف ان غيرها حبها جذاب
بديت ابتعد واغيب , واكره طبايعها !

معي قلب ما يكثر مشاريه ولا عتاب
مباديه دايم ثابته , ما تصنعها

تهون المحبه والغي الحب والاعجاب
ليا شفت نفسي بـ موقعٍ غير موقعها

يا قلبي لا تشغلني على الغايب اللي غاب
علاقه قديمه وانتهت , ليه ارجعها ؟

[محمد خالد @bin_msleh]

@6rgy2 الله علييييييك يابو ناصر
الوكاد ان الهوى غربي .. وانا راعي طويله
🚶🚶🚶

[مبارك بن ناصر @6rgy2]

جابك الله عند من يدراك يالعين الكحيله
بعد ما زارتني طيوفك .. ووادعني ظلالك

( فاقد النعمه ) يثمّنها .. ولوّ انها قليله
كيف عاد اللي فقد صوتك ومجلاسه قبالك

من رحلتي والضحوك المبتسم مانام ليله
ليتك اودعتي له الضحكه .. وقفيّتي لحالك

الشعور المعتبر .. والابتسامه ياجميله
حاجتين اشوفها ماتحدث الا من خلالك

دايم وقلبك يدوّر له على الصدّه وسيله
الزعل يعمي عيونك والندم يرتاد بالك

فيك من طيش الصغار وفيك من عزّ الجليله
وفيك .. مايقدر يردّ الصبح الابلج ليل حالك

كل مرّه رجعتك للوصل حاجه مستحيله
وكل مرّه ترجعين وخاطري يقبل وصالك

قاسيه ماكنّ عودك غض وانسامك عليله
بري حالي لو خذا قلبك نعومه من دلالك

انا تايه فيك يامحبوبتي .. وانتي دليله
حدريني للربيع .. وسنديني للمهالك

ان بغيتي ناخذ الدنيا عبط؟ حمل ونشيله
وان بغيتيها مابين وبين .. انا كلّي حلالك

مابعد وجهك وجيه .. ولا بعد حيلتك حيله
لو نقارن وش جمال الغيد مع حضرت جمالك

الوكاد ان الهوى غربي .. وانا راعي طويله
طوحّي بالشال هذا الليل مايكمل بـ شالك

[د. مشعل الزعبي @alzuaby]

من القادم في مسابقة #مثايل للشعر النبطي؟

[وزارة الثقافة @MOCQatar]

قصيدة الشاعر شباب بجاد القصاص، الفائز في الحلقة الخامسة من مسابقة مثايل للشعر النبطي (الموسم الثالث).