يقولون من خاف القضا جنّب المحراف
تركّد على عمرك . . ترى العمر له قيمه
وانا اقول : ماتسلم من الموت ياخوّاف
لو إنك تموت ، بدون طقّه وتعليمه
ذليله حياة اللي مايعرف ولا ينشاف
لو إنه بخير ونعمه وراحه مقيمه
لاتتعلق بالبشر ..
فهم لايقدمون ولايأخرون ولايصنعون خيراً ولا يعطون رزقاً ولايمنعون شراً وتنسى من هو خالق البشر ولا تجعل قلبك رهينة لهم وينطفئ بخيباتهم ولكن علق قلبك بالّذي خلقهم واجعل حياتك كلها مع الله ومن الله والى الله.
إن زانت النفس نصف الزاد يشبعنا
وانتم من الشك حتى الضحك يوجعكم
حنا استحينا حياء صدق وترفعنا
عن حاجةٍ زودّت فينا مطامعكم
"والله يا لولا السلوم اللي تجمعّنا
إنه على جالها الأقصى نرجعّكم
كافيني الله مونة . . الشرب والزاد
لو كنت عايش فالبسيطه لحالي
سخرت عمري لـ اقرب الناس ميراد
ومن دون ماجوب الرفيق الموالي
ماني غني عن مصافيط . . الأجواد
اللي تقدرني ليا . . جاء مجـالي
من لا رخص وجهه على الماقف الجاد
والله ما يلقى اللي . . يسميه غالي
نشب ضارينٍ على الطيب ونشيب
متجملين ولا الجميل يعسرنا
واليا وردنا صافيات المشاريب
في جمة الماء ما رمينا حجرنا
وان طاحت الهقوات مثل المشاهيب
حنا مثل ولد الكحيله .. طمرنا
اشرب قبل تقفي عليك المشارب
ما للحسايف في المقابيل واحه
السم دايم في ذيول العقارب
والحر دايم رفعته من جناحه
لا تعطي الدنيا استراحة محارب
حارب ترى الدنيا ما فيها استراحه
سنرحل كما لو أننا لم نكن على ظهر هذه الأرض وستتلاشى رسائلنا ولا بقاء إلا لله الواحد القهار !
ستختفي أطيافنا وتُنسى حروفنا ويبتلعنا الغياب ويعتاد لفراقنا الأحباب لندرك أن قيمة الإنسان الحقيقية هي منزلته عند اللّٰه وأثره الطيب الذي تركه .
اللهم إنا نسألك حسن الختام.