إيه داعي "حقك عليَّا" بعد ما أنا نسيت إن ليَّا حق عندك؟
ملهاش قيمة، ولا معنى، ولا لون، ولا طعم، ولا لها أي داعي
كل كلمة "عدى وقتها" فقدت معناها وراحت قيمتها بعدها!!!
إيه قيمة "بحبك" بعد ما فرَّطت فيَّا وكنت جنبك؟
إيه معنى "وحشتني" بعد ما أنا إتعودت على غيابك؟
إيه شكل "مشتاقلك" بعد ما أنا أيام وسنين إفتقدتك؟
إيه لازمة "خليك معايا" بعد ما كنت بكتفي بيـك معايا؟
إيه طعم "محتاجلك" بعد أيام وليالي كنت أنا محتاجك؟