Blend Kurdo

#

[Blend Kurdo @blend34826672]

نیە و نەبووە، شارێك لە تۆ جوانتر بێ
تەمەنی درێژ، مێژووی دێرین، لە تۆ گەش و رووناکتربێ
خۆشم دەوێی، خۆشەویستیت لە دڵدایە
رەببی کوێربێ، ئەوەی چاوی پێت هەڵنایە

گەشە دەکەی و ناوەستی
دوژمنی پەست، چیت بۆماوە، بێدەربەستی!

[Blend Kurdo @blend34826672]

@elonmusk

[Blend Kurdo @blend34826672]

تۆ تەنها یەک بەرەت هەیە
بەرەی مەرگ و بەرەی کوشتن

[Blend Kurdo @blend34826672]

هەردوو دەستم زنجیر بکە
پەتێک لە گەرووم ئاڵێنە
خەنجەرێک لە رۆحم بدە و
شمشێرێکیش لەسەر دڵم
نا مەوەستە،
سینەم پڕکە لە زاخاوی رق و کینەت
شوژنێک بخەرە ناو چاوم و
چاوەکەی ترم دەربێنە
هەردوو قاچم بە مشارێک
لە جەستەی پڕ برینی من
جیابکەرەوە!
دواتر بمخە نێو دەریاوە!
پاشان دەرم بێنەرەوە

[Blend Kurdo @blend34826672]

ئەی هۆکاری جەور و جەفا
هەی دەمارگیر
هەی بێ بەڵێن و بێ وەفا
پێمەکەنە
بزە نەیەتە سەر لێوت
تۆ ناحەزی
هەی نامۆ بە پەڕەی گوڵ و
بە چرۆی حەزی بەهار و
بە مۆسیقا
تۆ رقت لە مرۆڤبوون و
لە ژیان و
لە دایکبوونی ئەڤینە
تۆ هەمیشە پەلاپیتکەت ئامادەیە
بۆ خوێنڕشتن

[Blend Kurdo @blend34826672]

و
وشکم کەوە
لە دواجاردا بمسووتێنە
خۆڵەمێشم بخەرە زەریا
سەر دەردێنم
لات سەیر نەبێ
هەڵدەستمەوە
دواجار لەهەر کونجێک بێت و
لە بن هەر تەرتە
شاخێک بێت
یاخود هەر بنجە گیایەک
سەر دەردێنم!
دڵنیابە
رەگ و ریشەت
لەبنەوە هەر دەردێنم!

[Blend Kurdo @blend34826672]

تۆ کە هەموو رەفتارێکت شێتانەیە!
تۆ کە بوون و نەبوونیشت
کارەسات و وێرانەیە!
چۆن تێت بگەم؟
چۆن بێمە قوڵایی دڵتەوە و
چۆن پێت بگەم؟
برینێکی ساڕێژ نابی و ئەکولێیتەوە
مەنزڵێکی، هەموو کاتێک بەدوات وێڵم
هەر کاتێک نزیک دەبمەوە
بەفراوی ناو سەرابمی و ئەتوێیتەوە!

[Blend Kurdo @blend34826672]

بۆ نازانی، تەمەنی کورتی دڵداری
نە لە من و نە لە تۆ دێت؟
تەنها و تەنها ئازیزەکەم
هەر لە گوڵ و پەپولە دێت!

[Blend Kurdo @blend34826672]

بەڵام گیانە چۆن وادەبێ؟
جار نا جارێ، تۆ بێیتەوە
برینی ساڕێژنەبووی من، بکولێتەوە
تۆ بێیتەوە، لەگەڵ خۆتدا، قەتماغی سەر دڵی زامدار،
هەڵدەیتەوە!
میهرەبانی چۆن وادەبێت؟
هەموو شتێک ببەیت لەگەڵ خۆت
بەس من نەبێت!

[Blend Kurdo @blend34826672]

سەدان شەوی بەهاری من،
بەبێ تۆ زەردو ژاکاوە
سەدان وشە،
هەزاران رستەی عاشقانە،
بێ تۆ ئازیز، هەموو وشکن
سارد و سڕن
ئاوازی ژینیان نەماوە

ئاخر کامە جێژوانە بەرگە دەگرێ؟
کام هەڵبەستە، کام ئاوازە
دیسان بێ تۆ، بێ دەرەنجام سەرهەڵدەگرێ!

خۆشم دەوێی، دەزانی چۆن؟
لەنێو دڵی پڕ زاممدا راتدەژێنم

بۆم ژیر نابی!
وەکو هەوا هەڵتدەمژم،
قەفەسی سنگم پڕ لەتۆ
کەچی گیانە، ئۆغر دەکەی
و هێشتاکە تۆ
دەربەست نابی!

[Blend Kurdo @blend34826672]

کام هۆنراوەم سەری هەڵگرت
کامەیانم دەستی لە دەستی مەرگ گرت
بۆ ساتێکیش بیرم نایە
پیتی قسەم شەڕیان بووبێ
نەیانتوانیبێ بێنەگۆ
وەکو پۆلە مەلی ئاسمان
یەکنەگرن و نەچنە فڕین
بەڵام ئازیز، نازانم بۆ،
کام هەنگاوەم نا بۆ دواوە،
بۆ نیگارم قژی سپی و ئاڵۆزکاوە

[Blend Kurdo @blend34826672]

بە کام چەقۆ سەرمی بڕی
گەڵای تەمەن بە کام رەشەبا هەڵفری
چ کاتێک بوو بانگی عیشقم دا بەگوێیدا
و لە کام جەنگە
جەنگاوەرم یەک بە یەکیان هەڵدەوەری
کام شەوەبوو، وشەم رقی لە دایک بوو
رستەم تۆرا،
پێنووسم وەک ئەسپی شێتبوو ، هەڵدەپەری
من نازانم کامەیانم لێزیز ببوو

[Blend Kurdo @blend34826672]

*هیچ شتێکم لەبیرە*
من نازانم
لە کام تەبەقەی ئاسمان دەستی بەردام
کامە وەرزبوو وشکی کردم
لە کام پەنجەرەی گەردوونم هاتە ژوور و
لە کام دەرچە رۆشتە دەرێ
من نازانم و بیرم نیە
کام ساڵەبوو، هەوری بارانی لێبڕیم
کام چرایەی کوژاندەوە و
کام چنارەی شکاندەوە

[Blend Kurdo @blend34826672]

تۆ زیز مەبە
چیتێدایە، با هەر دڵەکە شەکەتەکەم
شکێنراوە بێدارەکەم، هەر ئەو زیزبێ

[Blend Kurdo @blend34826672]

ئاهی کام شەو، کام گۆرانیەم مۆتەکەیە؟
کام وشەیەم دێتە سەر رێت؟ دەرکردنی بێهوودەیە!
کامە شعرەم وشکی کردووی؟پانتایی خەونەکانیشی لێ تەنگ کردووی؟
پێم بڵێ با بیوەرێنم، بیسووتێنم
هەرچی شتێک بزەت لەسەر لێو لاببا، بیتۆرێنم
تۆ پێبکەنە، دونیاش با بۆتۆ پێبکەنێ

[Blend Kurdo @blend34826672]

لەنێو هەناوی ئاوازێکدا،
ووشەم لە شەقەی باڵدەداو
لەنێو پیاسەی شارەکەتدا، وردە وردە،
هەنگاو هەنگاو، کاڵدەبمەوە.
کە من هێشتا، بە مەی نیگایەکت مەستم،
دەتخوێنمەوە و پەڕ بە پەڕت دەرخ دەکەم
بەرگی خۆشەویستی تۆیە، سەرماش نەبێ
قسەی خۆش و گفتۆگۆی شیرینی تۆیە،
لەبەر دەکەم

[Blend Kurdo @blend34826672]

کە دەزانم لەم
شارە نیت
وەک ئەو منداڵانەی پێڵاو بۆیاخ دەکەن
سەر بۆ بینینی روخساری کەس هەڵنابڕم.

تەلعەت تاهیر

[Blend Kurdo @blend34826672]

کە تۆ باخی دڵم دەکەی خەزەڵوەر
کە من دەبم لە رێگەی ئیشق، قەلەندەر
وەرمەگێڕە ئەم رووەی ناسکی خۆت
خوا دەزانێ، چەندم ماوە و دڵشەکەت!
دەستبەتاڵە ئەو کەسەی یاری نەبێ!
سەرگەردانە ئەو دڵەی مەیلی نەبێ!
کار و پیشەم زارییە، ئەگەر یادی تۆ نەکەم!
شەرتە هەتاکو هەبم، بەرەو جێژوان سڵنەکەم!

[Blend Kurdo @blend34826672]

هیوام وایە، چرۆی حەزم جارێکی تر بە بینینت نەشنێتەوە وادەخوازم، هیچ برینێکم بە یادی تۆ نەکولێتەوە!

ئاخر گیانە، تۆ شایانی ئەم ئەڤینە گەورە نەبووی لە دڵم نەخشەم بۆ کێشا! پەشیمانم، ‌شەو و رۆژم خستە سەریەک، بۆ دابڕانت هەزاران ئاخم هەڵکێشا!
کام خەنجەری غەدر بوو لێم؟ سەدان دڕکی خستە سەر رێم؟
کامە رق بوو، هەرچی ناوی جوانی هەیە، خستیە ژێر پێم؟

[Blend Kurdo @blend34826672]

بێ تۆ بێ ئاوات و خورپەم
بێ تۆ بێ هەناسە و چرپەم
بێ تۆ بێ کەس و بێ دەرم
بێ تۆ بێ بەرگ و بێ بەرم

تۆ شادیمی تۆ شادیمی
تۆ فریشتەی ئازادیمی
تۆ هێلانەی خۆشبەختیمی
تۆ پەیامی سەرسەختیمی
ئەتپەرەستم ئەتپەرەستم
بە ئاواتی تۆوە مەستم
هەر دێمەوە بۆ ئامێزت
دەژیێمەوە بە شنەی هێزت
ئەیڵێمەوە بەستەی بەستان
قوربانت ئەبم کوردستان

بێ تۆ بێ ئاوات و خورپەم
بێ تۆ بێ هەناسە و چرپەم
بێ تۆ بێ کەس و بێ دەرم
بێ تۆ بێ بەرگ و بێ بەرم

تۆ شادیمی تۆ شادیمی
تۆ فریشتەی ئازادیمی
تۆ هێلانەی خۆشبەختیمی
تۆ پەیامی سەرسەختیمی
ئەتپەرەستم ئەتپەرەستم
بە ئاواتی تۆوە مەستم
هەر دێمەوە بۆ ئامێزت
دەژیێمەوە بە شنەی هێزت
ئەیڵێمەوە بەستەی بەستان
قوربانت ئەبم کوردستان

[Blend Kurdo @blend34826672]

سەیرکە تۆش وەکو هەمووان دەچیتە ناو گەمەکەوە
دەبیت بە بووکەڵەی زەمەن، بزر دەبی، قەت وەکو خۆت ناچیتەوە!
تۆش قوربانی دەستی دونیای
نازانی کە بەرەو خوارە یا بەرەو ژوور، هەستانەوە!

تاکە رێگەت گەڕانەوەیە بۆ لای خۆت
سەرزەنشتی هیچ شتێک مەکە
لەکۆتاییدا مەپرسە چیت کرد بەخۆم
چیت کرد بەخۆت