بندر العنزي

شمالي الهوى، سعودي الطموح.. من أرض الكرم (حائل)

[بندر العنزي @bn75dr]

@sorry349430 @first_1ine @Momah_SA @majedhogail انا مستغرب ان كل الحدايق بكل مدينه لازم انتر لوك وصبه ، يخي خله ترابيه وازرع شجيرات وممشى على طرف على طرف الحديقه

حاشرين الناس بقطعة ثيل صغيره والباقي صبه

[بندر العنزي @bn75dr]

@first_1ine @Momah_SA @majedhogail اغلب الحدايق ( صبه مظلله )

المشروع رئة.. مهوب مواقف سيارات
الحديقة لازم تصمم على أساس كم متر ظل بتعطي للمواطن مهو كم متر مربع خرسانة !

[بندر العنزي @bn75dr]

كل ما كبرت تكتشف إن العلاقات مو بالكثرة.. المكسب الحقيقي هو الشخص اللي لو غبت عنه شهور ورجعت كلمته، تلقاه نفس الطيبة ونفس المعزة ولا تغيرت في قلبه مكانتك

[بندر العنزي @bn75dr]

@iHamadFahad7 الصلاة بوقتها والوتر وقراءة القرآن، والله انهم يغيرون نفسيتك ١٨٠ درجة ويريحون بالك

[بندر العنزي @bn75dr]

انسوا هموم بكره: اتركوا التفكير بالدوامات، والالتزامات، والمشاكل لو كم يوم.. ربك اللي فرّجها بالأمس بيفرّجها الجاي، وهالأيام أيام فرح وجبر خاطر فلا تظلمون أنفسكم بالهم.
كل عام وأنتم بألف خير، وعساكم من عواده، ويجعل أيامكم كلها تباشير وفرحة تسعها السما والأرض وافرحوا.. ترا العيد ما يكمل إلا بضحكتكم! ✨

[بندر العنزي @bn75dr]

يا كثر ما شلنا هموم بكره، وجاء بكره وراحت الهموم ولطف الله غمرنا. نصيحة: خلّها على ربك، والله ما يخيب من توكل عليه

[بندر العنزي @bn75dr]

@salem_mohd1 كلام كبير والتشبيه يلامس الواقع بقوة ارضاء امزجة الناس المتقلبة اشبه بالركض ورا السراب اللي يربط سعادته واستقراره النفسي بتقييم غيره بيبقى طول عمره اسير لشي ما يملكه

[بندر العنزي @bn75dr]

@freedomH24 صحيح هذي تسمى مرحلة الانطفاء الآمن العقل يسوي فيها إيقاف تشغيل مؤقت للمشاعر لحماية ما تبقى من الإنسان وليست قوة بل هو التعب اللي يخليك ما عاد تفرق معك النتيجة

[بندر العنزي @bn75dr]

@Almedlij_m فعلاً.. النضج يعيد ترتيب المقاعد في حياتنا، ومن طبيعي جداً تتبدل الأماكن. سلامٌ على الود القديم، ومرحباً بالمسافات الآمنة اللي تحمي هدوءنا

[بندر العنزي @bn75dr]

بين تباشير الختام ورجاء القبول.. نسأل الله اللطيف أن يجبر تقصيرنا، ويمحو زلّاتنا، ويجعلنا ومَن نحب من عتقائه

[بندر العنزي @bn75dr]

انطوت الأيام الفضيلة، ويبقى الأثر وتباشير القبول بإذن الله. عسى ربي يتقبل منا ومنكم صالح الأعمال

[بندر العنزي @bn75dr]

الحين صرت أحب الهدوء بـ شكل مو طبيعي، ما عاد فيني حيل للنقاشات الطويله، ولا عاد يهمني أثبت لأحد اني صح. اللي يفهمني غلط بـ راحته، واللي يبي يروح الله يسهل له. كبرنا وعرِفنا ان راحة البال تسوى الدنيا وما فيها

[بندر العنزي @bn75dr]

كل ما كبرت كل ما استوعبت ان مو كل سالفة تستاهل ترد عليها، ومو كل شخص يستاهل تعاتبه.. أحياناً تمشي السالفة وانت تدري انهم يكذبون بس عشان تشتري راحة راسك. السلام الداخلي هذا يسوى الدنيا

[بندر العنزي @bn75dr]

@HanaaAlenezi المؤشر الأقوى قبل الزعل والخصومة، شف عيونه وكلامه إذا أحد نجح قدامه.. نظيف السريره يفرح لك من قلب وتلقى صدره سليم من الغيرة، أما اللي بقلبه بلاء لو يمدحك تحس بكلماته غصّة ومقارنه. سلامة الصدر من الحسد هي أصدق علامة

[بندر العنزي @bn75dr]

@iHamadFahad7 تكتشف فجأة إنك ضيّعت أثمن ما تملك في مجاملات مالها سنع، أو في انتظار "اللحظة المناسبة" اللي ما جت. الصدمة الحقيقية لما تلتفت وتلقى إنك خسرت وقتك وعمرك في مداواة قلوب غيرك، ونفسك هي اللي كانت تحتاج المداواة والعمر يركض

[بندر العنزي @bn75dr]

أحياناً ربي يبعد عنك أشياء كنت تبيها وبشدة، مو لأنها سيئة، بس لأن فيه شيء أجمل وأطهر ينتظرك بالوقت المناسب.. الصبر دايم عاقبته حلوة

[بندر العنزي @bn75dr]

تغيرت النفوس والا حنا اللي صرنا ندقق زيادة؟ أول كان الجمعة بسيط والضحكة من قلب، الحين الكل جالس وعينه بجواله.. اشتقنا للبساطة والله

[بندر العنزي @bn75dr]

اترك اللي كدّر خاطرك ورا ظهرك، والتفت لليوم. عِش تفاصيلك البسيطة، اشرب قهوتك بروقان، وخلّ ظنّك بالله كبييير. يومكم مليان توفيق وتيسير وطاقة تملأ قلوبكم يارب. 🚀☕️
⁠#تغريدة_اليوم⁠ ⁠#طاقة_إيجابية⁠

[بندر العنزي @bn75dr]

بعض البشر بكلمة وحدة يغير يومك فوق تحت، يعطيك طاقة ودك تنجز وتضحك وتعيش. وبعضهم من يدخل المكان يشفط الأكسجين بطاقتة السلبية. خلك من الصنف الأول، ترا الكلمة الطيبة والابتسامة صدقة وما تكلفك شيء

[بندر العنزي @bn75dr]

عز الله مقولتٍ تستر الروح وتلامس القلب مير الرفاده والركاده بالصلاه وتبطية المكوث بالمسجد ماهي بـ فضاوة بال الا والله من يقينٍ بـ ان ربي هو اللي بيده مقاليد الامور كلها والواحد لامن طاح بحملٍ ثقيل ماله الا ركنٍ شديد ينطح به صواديف البقعا والهموم والحمدلله اللي جعل لـ عباده ملاذٍ امن لامن ضاقت بهم وسييعات الفيافي