حمد العويسي

مهتم في الادب والشعر والسياسة والاقتصاد

[حمد العويسي @bn_Bakeet]

حياتنا صارت تفاخر بالأموال
والماركات الغاليه والثمينة

كل على لكزس يصور ويختال
ويعيش دور الكنج لمشاهدينه

فأغلى المطاعم يطلب أنواع واشكال
ويسكن بخمس نجوم فاحلى مدينه

مايطعم المسكين لو كان بريال
واذا فعل لازم بصوره يهينه

[حمد العويسي @bn_Bakeet]

اسأل نفسك بين فترة وفترة: على ويش مستعجل؟ لا تخلي عمرك كله انتظار لمرحلة تقول عنها إذ�� وصلت لها بعيش. عِش يومك، لأن بكرة يمكن تكتشف إن هاليوم كان من أجمل أيام عمرك.

[حمد العويسي @bn_Bakeet]

دموع الشوق تذرف من عيوني
وجرح الحب ينزف من فوادي

#بيت #شعر #بيت_واحد

[حمد العويسي @bn_Bakeet]

لو مالت الدنيا مع الناس الانذال
إياك ثم إياك عن لاتردى

خلك على درب المعالي والابطال
واثبت على درب الرجال وتحدى

[حمد العويسي @bn_Bakeet]

مايمرض القلب غير البعد والفرقا
عن لي تحبه ونفسك تشتهي شوفه

تبات نفسك فبحر همومها غرقا
تستنجد الو��ل يرهي مدت كفوفه

[د/ محمد مريبد العازمي @Mrebd_]

يافقير من التواضع. لاتصعر خدك
وانت ساسك من تراب وهيكلك من نطفه

اشكر الله قبل ل ضروف الزمان تحدك
تشربك شرب الزقاره لين تصبح قطفه

كان ماتندى يمينك والفعول تشدك
مثل فعل السيف ابو حدين.وابو عطفه

استريح بورث ابوك اللي ورث من جدك
خل قسمك مثل قسم اللي هدبها وطفه

محمد مريبد

[حمدي فاضل العلوان @hmdy_fadl]

إقبالها من خيال وزولها من خيال
الزين في ساسها والطيب في ساسها

حلوة حلاوة حلاها غير بنت الحلال
أطهر من الغيم حتى الريح ما قاسها

خلتني أقضي حياتي بين روح وتعال
لا هب ريح الشمال وخالط أنفاسها

#الشاعر_حمدي_العلوان
#شعر_غزل

[حمد العويسي @bn_Bakeet]

@hmdy_fadl صح بدنك

[حمد العويسي @bn_Bakeet]

حياتنا صارت تفاخر ��الأموال
والماركات الغاليه والثمينة

كل على لكزس يصور ويختال
ويعيش دور الكنج لمشاهدينه

فأغلى المطاعم يطلب أنواع واشكال
ويسكن بخمس نجوم فاحلى مدينه

مايطعم المسكين لو كان بريال
واذا فعل لازم بصوره يهينه

[حمد العويسي @bn_Bakeet]

ابو خالد لو مدحته العمر كله
مابوفي ف��ل واحد من فعوله
الزعيم اللي يظللنا بظله
من خلقه الله وهو فدور البطوله
الكريم اللي وبل كفه يهله
في نواحي العالم بعرضه وطوله
ابلجٍ عزمه على الكايد يدله
لي يكود الناس يابه بالسهوله

#الامارات #محمد_بن_زايد_آل_نهيان #محمد_بن_زايد

[جمال الملا @JamalAlMullaa]

غزة الكاشفة وجهاد البرجر🍔.

[َ @veteranskyz]

- تباطيت الفجر، وأنا عيوني تنتظر وش جاب
كأن أنظارها في رملة الشبّاك منصوبة

مضى عنّه شهر، خافه تهانى للغياب وْغابّ؟
أو انّه بين طيَّات الليالي ضيّع دْروبه

أعامل غرفتي كنّ الزوايا غرفة إ��تجواب
أجيها "مرتبك" وأروح والأنفاس مسلوبة

وراح البال يستطرد ظماه، وفالسراب تْراب
أخاف اللي أمرّه من مشاوير الفكِر : حوَبة

أكيد أن المسا ما هو بـ يفتح -للسهارى- باب
إذا ما طارت طْيور الفجر في صوت رعبوبة

يحسْبون أن زراقك لا تغيَّب فصّ ملح وذاب
لكنْ�� الموج، والربّان، وأنت البحر، وعْيوبه

ورى عذب الكلام، وعشرةٍ ما خانها الطلَّاب
فناجيل الظروف اللي ورى مسراك؛ مشروبة

ركزت الرمح في ملقى الجموع وجيت ضرس وناب
أخيْط القوم، وأساوي براس الرجَل : عرقوبه

يوم أنّه عنتَرة شاف لْثغرها في السيوف أسباب !
أشوفك من ورى غْبار الخيول تْقول: روفوا به

فداك الصبح، وأحلام الصغار، وضحكة الأصحاب
وبيضان القلوب ــ ولابس النيِّات مقلوبة

فداك الشك لا صاروا لي أخوان السنين : أغراب
وراحوا، كل قلبٍ يحرق اللحظات بأسلوبه

نسى الله من نسى وجهك ليا ضرَّ المغيب أحباب
وراحوا كل قلب يْراجع اللي فات من صوبه

تعدّ الجرح؟ في صدري معك مساحة إستقطاب
تحاليت الجروح، وكل حاجة منْك مرغوبة

أجاهر بك، لأنّك ما أنت ذنبٍ يرهق اللي تاب
أنا عبدٍ يخاف الله، ولا قد جاهر ذْنوبه

أنا عبدٍ لقى فـ قلبك -سكينة- كنّها المحراب
وكبّر به قبل يذنب، وسلّم معلن التوبة

لقيتك وأنت غايب في الوجيه العابرة تنساب
يورَّى أن كل جلد يشيل منّك من ورى ثوبه

لقيتك في الدروب وفي الصور والصوت والرحِّاب
ودوبه في مواويل اللحون، وفي الشِعر دوبه

لقيتك في قصيدة لـ "المحيـّا" والعيون غْياب
"تعدّوا ينشدون الصبح عن رمشك وضاعوا به"

معْ انّ الذكريات وناسها ما هم بـ عِتق رْقاب
سجينة بالي اللي ما تملّ يْدينه جْيوبه

أحسْب أن السنين أن طوُّلت تستاذن الغيِّاب
وتبدا تمحي آثار السوالف، نوبه، ونوبه

وعرفت أن الزمن ما يستحي، وأن الأمل كذّاب
إذا ما هان "جرح" الآدمي ما هان "محبوبه"
- صالح بن حمد

[قروب اشعار @aShi3ar]

اما جلوس العز بين الاجاويد
ربعٍ على المذهب ونعم البطانه

ولا لحالك سج رجلك مع البيد
واحذر جلوس المهزله والمهانه .

[محمد ظافر @ip1616_]

لو يحطم خاطري اللي مايحطم باسي
ماشرب فنجالي اللي ( دلته ) مشروبه

كل طيحه طحتها .. ماطحتها متواسي
ليه ؟ اسلّم للمطيح وطيحتي مطلوبه

في بعض الأحيان خلك عبقري وسياسي
لاتكون اللي لا راحو ( الاغبياء ) راحوبه

مقدر اقول ( الكلام ) اللي .. ينزل راسي
وانا .. واحد لا تكلم ( كلمته ) محسوبه

[سعيد جداد-ابوعماد @sjadad1]

التزمنا بتوجيهات وسياسة بلدنا في الصمت، والحياد، وعدم الخوض في الحرب الدائرة بين الولايات المتحدة وإسرائيل من جهة، وإيران من جهة أخرى، وما ترتب عليها من أضرار طالت أطرافًا لا علاقة لها بالصراع.

فلماذا يُسمح لهذا الشخص وامثاله المعروفين بتوجهاتهم المنحازة لايران ، بالاستمرار في الترويج للسردية الإيرانية وتبرير ما تقوم به من اعتداءات ضد دول الخليج؟وإثارة سخط إخوا��نا الخليجيين تجاهنا
افلا ينبغي إلزامهم بما التزمنا به؟!

[حمد العويسي @bn_Bakeet]

@Tough__Ride @SaudiNews50 صح بدنك

[حمد العويسي @bn_Bakeet]

@al_shamk111 صح لسانك

[نايف السراهيد @al_shamk111]

على جلستي هذي .. متكي ثلاث ليال
هواجيس صدري تفتح الثوب وتزره

وانا الشاعر اللي مانسى دوره الفعّال
لا غاص بمحيطات الدرر جاك بالدره

ولاجاء يرتجل ويشيل بيته على الموال
لقاء في خياله .. ( مكرفونات مغتره )

مزاج القريحه لا استواله على التمثال
اخذ شرّد بيوت القصايد .. على غره

على ان الظروف اللي تراكيه ما تنطال
لكنه .. يطير مع الامل '' كل ما مره

يا وجهٍ على طاريك صال الشعور وجال
زهمت القصيد وجتك الابيات مضطره

لمحتك قبل فتره على شاشة الجوال
وودعت كل ��لكون .. من بحره لـ بره

احبك محبه غير ،، من يوم كنا اطفال
لا زالت بوسط ضلوعي العوج مخضره

قبل تكبرين وتلبسين الغطاء والشال
وقبل ما نعْرف العمر وش خيره وشره

يفز الك .. قلبي كل ما شفت حبة خال
مثل فزة الشاعر .. على الفكره الحره !

حروف اسمك اللي كانت تزين السلسال
بعد ياخذ السلسال .. في عاتقك فره

ما زلت احتفظ به وله عندي قدر واجلال
هو اللي بقى .. من قصة الحُر والحُره

انا ما توقعت المفارق .. على أية حال
ولا قد طرى لي طاري البعد .. بالمره

بعدك السنين طوال والا ماهيب طوال
ما غير ازبن اللي فات واقلّب صورّه

اعن الرجاء واشيل ذكرى على الاطلال
وطيفٍ الين اليوم .. ( ابا��يه وابرّه )

متى ماذبحني الشوق و الا انشغل لي بال
( اعود ) .. على مركاي ( واعاود ) الكره

[حمد العويسي @bn_Bakeet]

@LjBzFryV5dKKSL5 كلامي للعجم قلته وجاني كلبهم ينبح
وانا ماعرف ليش كلابهم ماحد يربطها

[حمد العويسي @bn_Bakeet]

@Shrouq_84 @SaudiNews50 صح بدنج

[‏سَد @9wi_0]

سواءًا أقبل ظلام الليل . . ولا آدبر
ما للنجوم ثمره فـ غياب؛ قمراها

البارح أحارب نعاسي عشان أسهر
واليوم أدوِّر على الغفوه ولا القاها

من سرع الأيَّام كن الناس ماتكبر
يا كثر ما مرّها الوقت . . و تعدَّاها

أعمارنا تنسرق من غير | لا نشعر
كم لحظة نعيشها لكن ما عشناها

اشقى القلوب اللي ما تحتاج للمجهر
كثر ما تدفع ثمن " طيبة نواااااياها "

واهل الوجيه الغبر فـ الواقع الأغبر
ما طالت وجيهها لو طالت لحاها

يبقون مهما اعتنوا فالشكل والمظهر
مستنقعاتٍ يضرّ " الشرب من ماها "

اليوم ؟ . . كلٍ يبي يصعد على المنبر
يبحث عن أتفه رساله — و يتبنّاها

ابعدت عنها ابتعاد السامح، المضطر
لا أجامل أهل النفاق ، و لا اتحاشاها

يازين شكل السما يوم السحاب امطر
ذكرني . . " بـ حاجةٍ كنت أتناساها "

الضحكه اللي لها ، عامين والا اكثر
وانا على أحرّ من الجمر / أتحرراها

تامر بمعروف وتحرّض على مُنكر
هذا أجمل عيوبها وابسط مزاياها

فيها من الذكر بين ا��بيت والمَشعِر
ومن الدعا الصادق اللي في زواياها

يا « قلبي » اللي تحاول قد ما تقدر
تلحق على اللي بقى — من بقاياها

أعوذ بالله من؛ ( كآبة المنظر ) !
هذي سكاكينها ؟ والا هداياها ؟

يبدو لي ان مالنا مسلك ولا معبَر
كل الطرق صارت تؤدي لـ ذكراها

بنتٍ على كل مايخفى و مايظهر
ماشفت طلّة مثل طلة محيَّاها

ما عاد باقي من الأحلام مايُذكَر
اللي ما كنّا نعرف نعيش لولاها

أحلامنا اللي ، كتبناها على الدفتر
تبكي على أحلامنا اللي ما كتبناها

[حمد العويسي @bn_Bakeet]

@SaudiNews50 بالبيت الأبيض فالعجم ويش سويت
ركعتهم من بعد طول العنادي

تسمع رجاهم بالبكا والتناهيت
بعد التباهي بالعدد والعتادي

بالأمس كانوا مجرمين وطواغيت
واليوم كلن بالتفاوض ينادي

جموعهم جاها من الرب تشتيت
والجيش فر وهايم بكل وادي

كبيرهم منخش تحت التوابيت
وصغيرهم مايندرى وين غادي