محمد ظافر

شاعر .

[محمد ظافر @ip1616_]

'

من حرّة الشوق يجفاني لذيذ المنام
و الليل ؟.. ما يقبل الا جايب طيوفها

تغرّهم ( بسمة ) إللي يحسبونه تمام
و قلبه رهين الحزن من جوفه لـ جوفها

مرت علي .. بس ما مرت مرور الكرام !
راحت وهي شايله قلبي على : كفوفها

غيداً !.. قبل لا أعرفها ماعرفت الغرام
حبيت لون البحر من لون " نفنوفها "

جبينها .. نوره يبدد " خيوط الظلام "
نور ال��مر ؟.. كنه متراكي على كتوفها

من أول تخاف من عندي ما تلقى إهتام
و ياخوفي الحين أنا ماهوب : يا خوفها

الفوضوي طول عمره ما مشى بـ إنتظام
الا إنتظامه ؟.. لاصار يلبي ( شفوفها )

أعرف أحبك فعل و أعرف أحبك كلام
إلى ؟ متى أحبك أسمعها ولا أشوفها

ما روعتني سيوف العالم بـ شكل عام
قبل ؟.. لا تشهر علي الفارع سيوفها

بيبان صدري عليها مثل : باب السلام
في البقعه إللي ملكها يخدم ضيوفها

هي توم قلب الحزين الميّت من الهيام
وش توم تعني لها ؟.. لو أقلب حروفها

إن كان جتني .. تعداها العتب و الملام
وان كان راحت .. بقول مقدر ظروفها

ينتابني ( الكبريا ) و إلا .. علي الحرام
إني لو أعوف ؟.. نفسي مقدر أعوفها

لو شفتها الحين و إلا شفتها بعد عام ؟
تكبر .. و عندي ما يكبر غير معروفها

[ناصر بن مفلح . @nassre_]

جديد الأعمال مع المبدع نقدمها لكم :

ودي اخسر كل حاجه غاليه واكسب وصالك
فيك لا ظنيت ظن القاك دايم فوق ظني

لا يجي في بالك اني بتركك تجلس لحالك
مستحيل افرط .. بقطعه جعلها الله مني .

[محمد ظافر @ip1616_]

@Na9r_2i الله عليييك

[ناصر بن شايع @Na9r_2i]

يانديمي لا تجيب اللي يزيد جروحي
دور اللي ما يقلب فـ المواجع واحكه

من كثر ماني بـ ادوّر عن بقايا روحي
انشغلت مع المدامع وافتقدت الضحكه

[محمد ظافر @ip1616_]

@AL___9999 كل ما لاحت بروقه في مقادم نوّه
قامت الأرصاد ترسل والدفاع يح��ّر :)

لعب كبار 👏🏻👏🏻

[جرّاح العتيبي @AL___9999]

في مثاني نجد الانجد وأيسره وعلّوه
كن مزن الوسم من بعد البطاء متعذّر

كل ما لاحت بروقه في مقادم نوّه
قامت الأرصاد ترسل والدفاع يحذّر :)

[حمود بن فارس @bn_mq7s]

من يوم هب النسيم اشك هب النفاق
تجمعوا مدعين الحب مدري متى !

ترا الحبايب على كثر الزعل والفراق
ما عاد تفرق معاهم صيف ولا شتاء

[استغفر الله العظيم | Al-Harbi @i_MHH3]

صبـاح الخيـر
العاشق مستعد يقدم تنازلات كثير لأجل محبوبته

يقول محمد بن ظافر

معشوقتي لو غلاها يلوي ذراعي
مانيب ادور بدلها لو تبدلني

حتى حركاتها الي مالها داعي
مازعلتني وانا ادنى ما يزعلني :)

["فتاة العشرُون"🤍 @_405a]

لا اخنقتني ليه ما اقول اخنقتني ؟
( عبرتٍ ) رقتني الضلع المشرف

يا بعيد الدار لو .. دارك .. جفتني !
جيت لك ب العرف ماجيت اتعرف

لا تقول .. ان الضغوطات ابعدتني
لقني وجهك وانا اللي .. ب اتصرف

استباحت عينك حما�� .. ورمتني
وانا !.. من حماية " الحد المطرف "

الداهيّه محمد بن ظافر

[محمد ظافر @ip1616_]

@tf_ajmi لله درك يبو فيصل جدا 👏🏻👏🏻👏🏻

[تركي بن جويعد @tf_ajmi]

يوم شفتك تحبين المطر و الغمامه
ودي إن المزون الغر تصبح ( وطنّا )

[محمد ظافر @ip1616_]

@qlv04 الله عليييك

[سلطان العقل @qlv04]

معك اشعر بالغلا والامن والامتنان
والمشاعر من عرفتك وهي متكوّمه

المكان اللي تمره يصير احلى مكان
ليت قلبي من غيابك سنين تصوّمه

من زمان احبك الله يطوّل فالزمان
الطريح اللي في حبك مابيك تقوّمه

لا سمعت النبره اللي طغى فيها الحنان
كني اللي " ماخذً له حبوب منوّمه

[محمد ظافر @ip1616_]

@iissub الله عليك جدا

[محمد بن عديس @iissub]

طال الكلام القصير وشّلت ايادي
تغيرت ساعة .. الوقت وعقاربها

لولا الحيا من سلوم وسيرة اجدادي
لـ اسمي الناس بـ اسماها واخربها

انا ما بين البشر في موقف حيادي
اشوف لي ناس مدري وش مأربها !!

الناس جاها مرض معدي ومتمادي
تحارب !! اللي ما عمره يوم حاربها

اللي لسانه ما خلى سيرة الهادي
وشلون ما تشذب الناس وتجاربها

ان جاتك الكلمه اللي ضاربه وادي
( لا تعقل يدينها وتمس شاربها )

جنب وتلقى لها عشرين كدادي
ان ما سحبو راسها ركبو فـ غاربها

[منفىٰ . @20l_r]

اثر خراب المزاج : اكبر " خراب البيوت "
تضيع حتى لو ان رايك .. لـ الأريا سديد

من اول الفرصه انّ مرت لا يمكن تفوت
و اليوم يا كثر ما افوّت : و هل من مزيد !

علمني ( الواقع ) شلون : اتحلى الس��وت
و علمني الصمت وشلون اخسر و استفيد

عشان اخلي " العلاقه " بيننا ما تموت ؟
خليتك بعيد !.. لو ما ودي " انك بعيد "

- محمد ظافر

[ًً @llli_244]

كان معجب قبل أكون أول ضحايا معجبينه
ليه صرت المنهي إللي من قبل يامر وينّها
-محمد ظافر

[عيار @Eiar_q8]

حياتنا ماهيب تحكمها الفلوس
مادام في كف الوّلي تدبيرها

الله لا يجعلنا من ضعاف النفوس
الي تعاين في ( مخابي ) غيرها

- محمد ظافر

[محمد ظافر @ip1616_]

@n_pi09 @llli_244 الله عليييييك يبو حمد

[عبدالله بن حمد @n_pi09]

مع العزله الي سافرت بي عن الجلاس
يعيش الامل لو الامل يلفظ انفاسه

حبيس الشعور تغّربه نفحة النسناس
مادامه عجز حتى يسولف على ناسه

لا شاف الطريق الي يبي ممتلي ب اليأس
يناجي الشعور الي تغلب على يأسه

ضياعه مابين الحبر والفكر والكراس
هي الي لها سلطه على سرقة نعاسه

يردّد «لاباس» وهو يعيش العمر في باس
يشوف انكساره ذل والعزه لباسه

تقاليد حبه في الصدر مالها مقياس
محاسن ، بقت مغير للدمع حبّاسه

من اسرف فـ حبه ما تحرّص من الافلاس
طبيعي يجي له يوم فاسه على راسه

ليا قال حلمي ضاع مني على اي اساس ؟
قل الحلم من غيرك قدر ينهي اساسه

يشوف الفرح من دونه الباب والحراس
ولجل مايضّره ماتصادم بحراسه

من يعيش طيّب راس بـ يموت طيّب راس
لو الوضع والاخلاق حرجه ومنحاسه

شعور الشموخ الصادق اللي يجي بـ حساس
يداريه لو الخير ماهب نسناسه

كثر ما تخيب الهقوه الطيّبة فالناس
لو يخيب حسّه يمكن يحارب إحساسه