عبدالله بن ابراهيم

ابياتي في المميزة

[عبدالله بن ابراهيم @bn_jhem]

ما كل ضحكه عليها لـ السعاده ضمان
ولا كل وجهٍ بشوش مخلْيَته الظروف
مفارق احباب ومواجه ظروف الزمان
والحمدلله مستانس مثل ما تشوف

[مُتفرّد @zx_677]

الحلوه اللي لها عامين ما دقّت
منها المراسيل تذبحنا وتحيينا

من ثومة القلب ما خلت ولا بقّت
فديييتناها على قولة عوانينا :)

[عبدالله بن ابراهيم @bn_jhem]

الحلوه اللي لها عامين ما دقّت
منها المراسيل تذبحنا وتحيينا

من ثومة القلب ما خلت ولا بقٌت
فديتناها على قولة عوانينا

[عبدالله بن ابراهيم @bn_jhem]

@alzuaby الله الله عليك يا مشعل 👏🏻👏🏻

تمايلي يا أم العيون السود وان قالو حرام
تمايلي يا أم العيون السود مره ثانية

[د. مشعل الزعبي @alzuaby]

هِزِّي إليكِ العُود يتساقط تناهيد وغرام
على شجون الكُرْد هِزِّي العُود مَرَّة ثانية

ما يصلح لهذا المقام إلا مثل هذا المقام
غَنِّي لنا "يا مْصَبِّر المَوعود" مرة ثانية

إذا نزل صوتك على جِدْب المشاعر يا سلام
تصير نبضات القلوب وْرود مرة ثانية

وإذا انحنَى عُودك على عُودك خَلَص كل الكلام
أحسّ بِإنّ الله بَعَث داوود مرة ثانية

تمايلي والليل تَوّه ليه أنام؟ وكيف أنام؟
جُودي على روحي من الموجود مرة ثانية

الحين حتى لو يروح الليل ما راح الظلام
مدري متى لون الحياة يْعود مرة ثانية

تقدَّم الساحر مكان الراهب ومات الغُلام
وأصحاب الأخدود اِحفرَوا الأخدود مرة ثانية

تمايلي يا أم العيون السود وإن قالوا حرام
تمايلي يا أم العيون السود .. مرة ثانية

[عبدالله بن ابراهيم @bn_jhem]

@zaiid_503 الله الله عليك يابو ذعار

[زايد بن ذعار @zaiid_503]

عذوبة سبيع ''

'

[عبدالله بن ابراهيم @bn_jhem]

@nassre_ عز الله اللي مبدع فالك التوفيق يابو مفلح ✋🏻

[ناصر بن مفلح . @nassre_]

قصيدة المشاركة في موضوع التكاتف "

يوم اقول انّ الجماعة عز .. ياخي لا تغارب
الكلام يزيد ثقل ان ضفت له واو الجماعه

لو ندقق نكتشف وش سر لـ الساعه عقارب
الثواني و الدقايق تتحد !.. و تصير ساعه

[عبدالله بن ابراهيم @bn_jhem]

لا جفانا القل واللي روابعهم ضعوف
جعل ربي ما يرينا غضبه ولا جفاه

[جزل @1Jazil]

بيت دايم تكرره ولا تمّل من تكرراه ؟
للشاعر سعد بن جدلان :

[عبدالله بن ابراهيم @bn_jhem]

@nassre_ والله اللي كفو يا مبدع 🫡

[عبدالله بن ابراهيم @bn_jhem]

عطيني من عيونك النظره اللي
تسترسل بيوت القصايد عليها

[محسن بن مترك @aprvip]

عزمتني على زواجك ولا جيت
ولا تحسب اني يوم ما جيت راضي

حاولت ولا الله كتبها وصديت
ما اني بجاي لك ومخباي فاضي ):

[عبدالله بن ابراهيم @bn_jhem]

يا فاتنه من فتنتك وش حصلي
غير الجروح اللي تزيدين فيها

ابي لي امّا حل ولا محلي
في حروةٍ غيري ما يقدر يجيها

كبدي لو انها طير ماهيب ياللي
اللي ما يعرفها فلا يشتويها

مبادي العشّاق ماهي تسلّي
بديتها لكن عجزت انتهيها

انتي عيون اللي لا شافك يهلي
مجيّك اجمل فرصةٍ يحتريها

بين الجمال العالمي والمحلي
انشهد اني رايحٍ في يديها

عطيني من عيونك النظره اللي
تسترسل بيوت القصايد عليها

[عبدالله بن ابراهيم @bn_jhem]

@alzuaby ياخي مبدع ورب الكعبه

[د. مشعل الزعبي @alzuaby]

أبشري - كانك تحبّين الشعر - باللي يسرّك
وافخري باللي عطاك الله وثوري واستثيري

قلّدوك بلبسك وحكيك عسى الله لا يضرّك
في النخيل وفي المروج وفي العثيم وفي البجيري

ذوّقيني شيّ من خيرك بعد ما ذقت شرّك
وانزعي منديلك الأصفر ترى ما فيه غيري

طُول صمتي لا يقسّيك وغروري لا يغرّك
والله إنّي همت في حسنك ولا أدري وش مصيري

يوم شفت حزامك الفضة على الثوب (المورّك)
جاب قلبي كل نبضاته على اللحن العسيري

[عبدالله بن ابراهيم @bn_jhem]

@tf_ajmi يا سلام عليك يا سلام

[تركي بن جويعد @tf_ajmi]

قبل أشوفك كنت تايه فـ الحياة و غادي
لين مرتني على غفله !.. سنين الغفله

جيتي من الغنج مغروره .. و أنا متمادي
كن حولك موكب أمير و مراسم حفله

في غرامك ذقت لذّة فرحتي و أعيادي
من يقول إللي يطيح من الهوى يؤسف له؟

غايتي في طلتك .. ياموتي و ميلادي
آمتلكتيني و أنا رجال .. و أنتي طفله

[رفعان العرجاني @Refaan_alarjani]

الهجوس مسلّمة من بدري ومستلمة
فكرةً تمشي بعقل وفكرةً مجنونة

فاقداً من ودي امرّه ولو في حلمه
اشرح اللي صار بعده وانشده وشلونه ؟

يدري ان العيد تنفع فيه حتى الكلمة !
ويدري ان الاعياد مافيها فرح من دونه

ودي اعايد عليه وودي اخذ علمه
وودي احبّه على حجّانه المقرونة

[عبدالله بن ابراهيم @bn_jhem]

@rs66f ولا اعدمك يابو مفلح وارحب يالمبدع♥️🫡

[عبدالله بن ابراهيم @bn_jhem]

هذا العذب الثقه راشد بن مفلح جعله يسلم وياك

[سمح . @j2ri_]

تباً للآلات الموسيقيه