مّلفي بن نهار . .

[مّلفي بن نهار . . @bn_milfe]

عايشٍ بين عقلٍ ماتنسى وقلبٍ ماقنع .

[مّلفي بن نهار . . @bn_milfe]

« غيرك من الناس يحسن ولا يلقى قبول
و أنت حتى يوم تجرح —— أردد لك فدا »

[مّلفي بن نهار . . @bn_milfe]

اللهم اني اسألك الجنه لـ ابوي الله يغفرله ويرحمه ويوسع منزلته ويكفر خطاياه ، اللهم اغفر لموتانا و موتى المسلمين 🤍

[مّلفي بن نهار . . @bn_milfe]

الا واهنيّ اللي سلم وشاف ابوه
ولامنه كسره الوقت جاه وجبر كسره

وانا اخر سلامي يوم وسط الكفن لفوه
ولاعاد باقي لي الا سلاماً على قبره

وعسى اللي بفضله وفق ابوي بر ابوه
يوفقني بفضله بعد موته على بره

[مّلفي بن نهار . . @bn_milfe]

ماني والله بهينّ ولاني بعد مغرور
عزيزٍ يشوف العزّ به طبع وجبلّه.

[مّلفي بن نهار . . @bn_milfe]

خلك على الوجه الأبيض وأصلح النيه
لا تقول هذي لأجل هذي مسويها

قل جعلها حسنه تقضي على سيه
الّناس مهما تسوي صعب ترضيها

يالله بذكر جميل وسمعةٍ حيه
والوقفه اللي تبيض وجه راعيها .

[مّلفي بن نهار . . @bn_milfe]

لاتخلي في رقبتك لخلق الله جميل
الجمايل في رقاب الرجال . . مكلفه

[مّلفي بن نهار . . @bn_milfe]

ودي أنسى بالدروب النيّرة خطوة ضياعي
مثل ما لذّة وصول الحلم تنسي ثقل جهده

و ودي أرمي من على متون الصبر أخر متاعي
مثل ما يرمي المصلي ما على متونه بسجده

[مّلفي بن نهار . . @bn_milfe]

منت لاقي في مواقفنا ملام ولا فشيلة
يتضح مايتضح والخافيات، آمرّ وأدها

[مّلفي بن نهار . . @bn_milfe]

رفيقي فداك العمر واللي تبيه يصير
فآنا المحزم اللي دون وجهك يخربها

ابي تهبد الدنيا بكفك هباد ابعير
و فنجالها مشروب من قبل تشربها

و كبار المشاكل مالها عندنا تقدير
نمغط لحاها قبل نحلق شواربها .
⠀⠀⠀⠀

[مّلفي بن نهار . . @bn_milfe]

جعل العوض في راسي الي لايلين ولا يهان
ياكثر ماواجه من الدنيا وعجزت تخلفه

ماني بحاجه لتودد مع فلان ومع فلان
امشي الاوضاع بالقوه ماهي بالدفدفه

[مّلفي بن نهار . . @bn_milfe]

يقولون والأمثال تضرب ولا تنقاس
طبيعة الاوادم كلمة الحق توجعها

على الله ياقلبي تزهد بنصفك الحساس
ماتصفى لك الايام مالم تصارعها

من يشوم عن طرد الرجا ماله إلا الياس
وانا روحي . . ألزم ماعليها ، طبايعها

عسى الضيقة اللي كن ماني مع الجلاس
فدا الضحكة اللي ماعرفت أتصنعها

[مّلفي بن نهار . . @bn_milfe]

الشدايد لعبة كبار الاشدّه
والزمن فتّاك والغافل يعاني

لو تهادى بين لين وبين شدّه
ما لـ راعي الوجه الأبيض وجه ثاني

البشر يظهر مداها بعد مدّه
لا تغرك في الرخا روح التفاني

ما تخفيّه الصدور سنين عدّه
تكشفه بعض المواقف في ثواني .

[مّلفي بن نهار . . @bn_milfe]

انا الي تحدّاه الزمن واتعبه واشقاه
لكن الليالي السود مابيّحت سدّه . .

[مّلفي بن نهار . . @bn_milfe]

التعب يارفيقي فـ الحياه مخلوف
لاتضجر من الدنيا . . ومن ناسها

وكّل الله ولا يلحقك شكٍ وخوف
لو همومك بقلبك دقت اجراسها

ولاتضايق ولا يزعلك هرج الضعوف
وابعد النفس عن مايجرح احساسها

احتزم بي وانا والله لـ اضد الظروف
و لـ اقلب لك الدنيا على راسها

[مّلفي بن نهار . . @bn_milfe]

صغاير الأمور أشييلها وَ الكتوف تطيق
وعظايم الأمور تهزّني . . وأتباسطها

وأنا ما عليّ من شلة الضحك والتعليق
أعرف الخيُول النـادره من مرابطها

وأدوّر على الجزله لو إنها براس طويق
ضعاف النفوس الله من الأرض يسخطها .

[وهّاج @_3jim]

سدّك من الحب ما جاك يالظبي اللعوب
و لا أنا كلمه من أربع حروف تسدّني :)

_ راشد ال صبيح

[مّلفي بن نهار . . @bn_milfe]

مشتاق لك والشوق يقتل محبُين
ليت العيون اللي قبالك عيُوني

[مّلفي بن نهار . . @bn_milfe]

تعالّ خل القلوب تبوح خافيها
ترا المفارق عذاب وحيّةٍ رقطى

بكرا ليا جرّت الفرقا خطاويها
وش فايدة طقة الأبهام بالوسطى ؟

عطيتك اوّل طموّحاتي وتاليها
وقلب ٍليا هام في بحر الغرام ابطى

ماباقي الا الكرامه مقدر اعطيها
كرامة النفس لا توخذ ولا تعطى :)

[مّلفي بن نهار . . @bn_milfe]

لله يا نفسي الأمّارة . . إتجهي !
لا تختلف بوصلة دربك وتخطينه

أعزّ ماء فوق وجه الارض ماء وجهي
مُوتي ضما بس وجهي لا تهينينه

[مّلفي بن نهار . . @bn_milfe]

لا ضاعت الوجهات ما أحتاج توجيه
قمّه وأسندها على راس قمّه . .