المثنى بن عويّف

| شاعر ن كل ما هاز الطويله رقاها |............ || ابياتي في هاشتاق #بن_عويف ||

[المثنى بن عويّف @bnawif]

#ذكر_بالله_بتغريده

سبحانك يا من
سبقت رحمته غضبه
وعفوه عقابه
يا من لا يكشف الستر
ولا يؤاخذ بالجريره

سبحانك
ما أعظمك
ما أحلمك
ما أكرمك
سبحانك ما عبدناك حق عبادتك

فأغفرلي ما قدمت وما أخرت
وما أسررت وما أعلنت وما أنت أعلم به مني
لا إله إلا أنت سبحانك إني كنت من الظالمين

#بن_عويف

[المثنى @y7bo1]

الطناخه للسنافي .. والضعافه للرخــوم
والشجاعه للعديم اللي يسدك فالعـدى

والشــهامة للنشامى والغنـــايم فالعزوم
والمعالي للرجـــال اللي بعيــدين المدى

والمـواقف لا أحتمت بك ما تبا غير القروم
والجمايل في عريب الجد ما تذهب سدى

وإعرفن البوم لو يكفخ مصير البــوم بوم
وإعرفن الجو لو ثــور عجـــاجه .. بيهدى

وإعرفن القرم لا شوش تضيق بها الهدوم
ما تراخى لو عرض الصف المناطح لابدى

وإعرفني لو بغيت اجيب فـ القاف العلوم
اختلط دم البري مع دم .. راعـــين الردى

والخطيب اللي طرق له طرق قدام العموم
اخلف صفوف الجماعه مار ما جا له صدى 

والله انا ما جهلنــــاها ولكنـــا نشـــوم
كل ما قالوا النشامى عدها .. قلنا فـدى
#المثنى

[المثنى @y7bo1]

#صباح_الخير

أخلفت ظني .. صواديف الليال
وأفسدت كل الذي كنت أدرسه

والعديم اللي .. تراكى للثقـــال
جاز من .. سيفه ودرعه وفرسه

#المثنى

[المثنى @y7bo1]

#صباح_الاشياء_المشرقه

ابيات ارشيفية للي طلبها

بـ اسم الإله بـ نستهل التعــاليل
للي يعد الريش صبح وعصــاري

راع الولع ما عاد به للصبر حيـل
اللي على سجات الاقـدام ضاري

اللي تولع في هوى الطير والخيل
يتنا الذي عن عاشقيه متـــواري

يافاتن قلوب المخاليق ي سهيل
القاع جدبـا والبـــراري صحاري

متى يقال الليــل لا تامن الســيل
ومتى يقال سـهيل جا له محـاري

ومتى يزين الجــو  ويبـرّد الليــل
ومتى نشـوف القــاع كله خبـاري

ومتى يزين الشيل والحط والشيل
وكلـ ن توجه فوق جكس وسفاري

هذا يحمــل عزبتـــه و المعاميل
وهذا يجهــز موتــره للمســـاري

وهذا نقل طيره بعد طـول تدهيل
نـاوي ديارن .. محريه بـ الحبــاري

واردف خوي ن خوته تعدل الميل
قرمـ ن عليه من النــوادر مــواري

مثله يبــــــدونه جميع المشاكيل
عون الرفيق ومحزمن فـ الطواري

اليـــا نهمته فــز نسـل الحلاحيل
في لازمك ما تـاع ذيب الغـداري

هذي طراة سهيل .. يا تاني سهيل
اللي بمظهـاره يجيك .. الف طاري

#المثنى

[المثنى @y7bo1]

#ثالث_ايام_العيد

كل عيد ن والرفاقــه .. بالف خير
والنشامى قدرهم فوق السحـاب

وكل عيدن والغلا .. وسط الضمير
وكل عيدن والوفــا فينا شبــــاب

وكل عيد وقافنــا جـــزل وغزيــر
يساق لأهل الطيب عالين الجناب

وكل عيدن وانت .. يا قلــبي بخير
مستريح من الغثـى ومن العذاب

وكل عيدن وانت في عينـي كبيــر
ما شغلك مطـارد لضـوح السراب

وكل عيد ووجــه راعيــك السـفير
ولا يهاب الصعب وانتـه لا تهــاب

وكل عيدن والصــدر صــبره كبير
ما دري وش فيه شرهــه او عتاب

وكل عيد وحاسد المسـلم صغير
في صوابه ويتجــدد له صـــواب
#المثنى

[المثنى @y7bo1]

الرفقـه اللي ما تدلك .. على خير
ولا تنهرك عن منهج السو .. بعها

والطرقه اللي كلبــوها .. محادير
لــو كثرت جــررها .. فلا تِـتّعبها

#المثنى
_____
#عيد_الأضحى
#اضحي_مبارك
#يوم_الجمعة

[المثنى @y7bo1]

#عيد_الاضحى
#یوم_تکبیر

( ضيقة العيد )

نص ارشيفي بعنوان
" النفس الزهيده "
#المثنى
#بن_عويف

[المثنى @y7bo1]

#عيد_الأضحى

عيدكم مبارك يا أحبه

جيت بعايد أحد النشامى برسالة كعادة من يعايد فأبت القريحة إلا أن تجود ببيتين ،
كانت كتابتها أسرع من كتابة معايدة

وهكذا هي القرايح تنهال لا ذكرت النشامى
وتعصاني في غيرهم

يا عسى مبروك عيدك يالسنافي
يا وريث العود في جود وحميّه

القريحه تستجيب .. لكل وافي
في عجاج الوقت والا في ضحيّه

جعل ثوب العز يالطحطوح ضافي
وجعلكم في خير من رب البريّه

#المثنى

[المثنى @y7bo1]

مما انتشر لنا/
ما عاد لي خاطر ولا عاد لي نفس
ولا قمت ادور وصل من لا يجيني

مں قرب بخطوه اقرب له بخمس
و من هو تغير عمد لا يحتريني

#بن_عويف

[المثنى @y7bo1]

#بوح_آخر_الليل
أرشيفية
#المثنى

[المثنى @y7bo1]

#صباح_الروقان
نجم عـــالي .. والنشـامى عارفتني
وا اتواضع لا بدت .. حـــزة تواضع

كم من صدوف الليال السود جتني
ولا خبرت إني لها .. قمت أتخاضع

والمواقيف العظيمــات .. ازبنتني
لن راسي من ( صـدور العز ) راضع
#المثنى

[المثنى @y7bo1]

#سماء_رمضان_تجمعنا
#بيتين
#شعر

ســلام يا قــرم .. نتحرى رســوله
من قطعة أيــام نتحراك ما جيت

تدري وش اللي ودي إني .. أقـوله
ودي أســميك الفهـد مير سِمّيت

يا طيب جــدك انتقى من حموله
وأخّر أبوك وجيت ياطيب الصيت

#المثنى

[المثنى @y7bo1]

#اليوم_الخميس_والعالمي_متصدر
يا محمد وش بلا بدع القصيد
كل مـا قمت آتجاذب له .. أبا

واهسـ ن ماكنت احسبنه يبيد
ارتخى عزمه وجـا فيه .. حدبا

ابتــدي بيتين .. بالبني الجويد
ويتنكس .. ثالث البيت .. يهبا

واشطبه واعيد نظمه من جديد
عله يســند على .. جــزل النبـا

اشـهد ن الواهس الأقشر عنيد
من صدوده كل قافــ ن يصعبا
#المثنى

[عبدالعزيز الصالح @AbuFarees04]

الله يبيّض وجه الأيام والضيق
زالت قناع أهل الوجيه القبيحة
أثر الشدايد فلتره للمخاليق
تظهر لك المتردية والنطيحة"

__ ابن عويف

[المثنى @y7bo1]

#أمطار
#جبله

يا جمـــاعة مشتهي حاجــه و هي
دله .. وتيســ ن مقلقل .. فـ جبــله

عقب مـا بصـم و زامـــي  .. ينتهي
آتل جيبـ ن مــا تفحصت .. دبـــله

ورفقة النشمي .. أبو الوجــه البهي
صالحن .. ربي على الطيب جبـــله

اللي يصايد خاطري .. وش مشتهي
ولو أقــــدم شي .. جاني بـ دبـــله
#المثنى

[المثنى @y7bo1]

#يوم_التاسيس

نحمد الله سبحانه على
نعمة الأمن والدين

ونسأل الله الكريم سبحانه
أن يحفظ علينا ديننا وأمننا وولاة أمرنا
وأن يوفق هذا الشعب العظيم لما يحب ويرضى

وأن يصرف عنا شر الأشرار وكيد الفجار ما تعاقب الليل والنهار

#المثنى

[المثنى @y7bo1]

#حقيقه_يجب_ان_تدركها

صابني يهل المظاهــير .. شْهَوه
وواجهـ ن بين المحاني يصطلي

ودي آخذلي على الجيب .. نهوه
لا صفا جــوي .. و زان الخط لي

العمر [ مقفي ] ولا فيـه .. زهوه
كود من علق على السـرحه طلي

واختلط عطـرين .. رمثه وقهـوه
وعقبها هدّ .. العديــم الاخطلي 
#المثنى

[المثنى @y7bo1]

#يوم_بدينا

عقب الزمـان اللي .. قطفنا زهوره
جانا زمان يشيّب الراس ي سعود

وعقب السرور القلب فارق سروره
وعقب المواقيف العظيمات مجحود

يا كيف رجلن كان .. يوخذ بشوره
مفقود لو بين .. المخاليق موجود

#المثنى

[المثنى @y7bo1]

#بوح_lلخاطر

لليل حزه مع هل مسامر الليل
لا نامت عيون المخاليق .. تبدا

#المثنى

[المثنى @y7bo1]

#لا_تواضع_لمن_لا_يستحق

والله لــو اطلـق .. زمــــام القريحه
لتجيب قافــ ن فيه .. حبكـه وقــوّه

قريحتـــ ن مــا هيب والله شحيحه
لو كان غـرك من محيطي .. هــدوّه

يكــرم عن .. المترديــه والنطيحــه
ومحشوم عن نظم القصيد المشوّه

#المثنى

[المثنى @y7bo1]

#محمد_بن_سلمان_صانع_السلام

شــــوش يا راســي .. وشـــلّع للســما
دام دارك ( دار أخــو نـــــــورة ) و بس

وقايــد الرؤيــــة .. الزعيـــم الأعظـما
هو ذرى اللي من قسى الوقت استحس

في حمـــاهم مع حمى .. رب الحمـــا
كل شــــبر ن من ثراهـــــا .. ما يمس

حبها يمشـــي مع .. عـــروق الدمــــا
في ( قلـــوب الشعب ) لا ما يوم هس

#المثنى