بنت العود

9 نوفمبر؛ تاريخ قد اقترن بالذاكره فقدت فيه قطعه من قلبي،جمعني الله واياك بجنات النعيم.

[بنت العود @bntal3oud]

يامال الجنه يا أغلى من فقدت

[بنت العود @bntal3oud]

كبرت عشر سنين في ظرف عامين
يا وجد روحي يوم راحت وعاينت

كنت أحلم بحاجات واجد وهالحين
ماعاد ابي غير اني ارجع كما كنت

[عود الحفر @sa_ff11]

اليوم لو انك تشوف الحقيقه..
خلك كذا دنياك تمشي لها طوع..
لكن شف لك في حياتك طريقه..
رزقك على مولاك ماتموت من جوع..
وعنّز على راع العطايا الوثيقه..
الواحد اللي كوّن الكون بأسبوع..
وأصبر على ماجاك لو ماتطيقه..
اهم شيء تعيش والراس مرفوع..

[عود الحفر @sa_ff11]

ياحبني بشعرن به احساس للناس
والله مااشعر فيه بس اتذوق
الشعر ذوق وفيه للعالم احساس
ماهو بشعرن للمصالح يسوق

[بنت العود @bntal3oud]

على كل ما فات جعل العوض بعدين
يسوق الله الغيث اللي يعدّل اوضاعي

هذي عادة الأيام وانا اعرفها زين
ما تحلى لي إلا عقب ما تغسل شراعي

[بنت العود @bntal3oud]

ياما ضحكنا والليالي معاسير
من خوف لاتضحك علينا عدانا
واللي نوى للناس بالشر شريرّ
والشر ماله نسمةٍ في هوانا
واللي يسولف بالقفى دايم صغير
هرج القفى ماهو على مستوانا ..

[بنت العود @bntal3oud]

الصدر ما عاد له في راحته راحة
و العين لا مرّها النسناس يبكيها

بعض الأماكن وبعض الناس والساحة
لو عاد بي الماضي اللي راح ما أجيها

[عود الحفر @sa_ff11]

مبروك يانصرنا مبروك
تستاهل الكأس والدوري
انت بطل ماعليك شكوك
علق على خصمك البوري

[بنت العود @bntal3oud]

«الشوق شرّع للبكاء باب الأهداب
أوّاه من شوق .. غلبني يمينه

لي غايب عن مقلة العين ما غاب
سيف المنيّه حال .. بيني و بينه

تسأل عنه شرفة شبابيك الأصحاب
و الدار و السكة .. و ضي المدينة

توي عرفت ان الاماكن بالأحباب
اثر الاماكن دون .. أحبه حزينه»

[بنت العود @bntal3oud]

بكيتك وأنا اللي مابكيت غير من فرقاك
وببكيك لين إن المخاليق تبكيني

عسى الله يغفرلك كثر ماعطت يمناك
وعسى الله يصبرني كثر مابكت عيني

[بنت العود @bntal3oud]

يـاليت ربّي بس حلل لنا شي
فتح القبور ومعايدة ساكنـينه
ودي أعايد ميت فـ داخلي حي
اللي عجزت انساه وانسى سنينه
💔

[بنت العود @bntal3oud]

مايضاهي عزّة النفس بالدنيا غناة
عن دروب الذل ياخطوة العز انتحي
الردي لو يشري المدح مايخفي رداه
ندري أن ماكل من خاف ربّه ملتحي
مشكلتنا كل مخطي نبرّر له خطاه
نستحي في وقت فيه العرب ماتستحي

[بنت العود @bntal3oud]

أتى رمضان و نحن من الفاقدين و أنتم من المفقودين عن أعيننا، الحاضرين في قلوبنا، و الأوّلين في دعائنا، في قيامنا وسجودنا.
اللهم إن هذا أول رمضان بدونهم، فارحمهم و اكتب لهم رمضانًا في الفردوس لا ينقضي.

[بنت العود @bntal3oud]

تضيق الأرض بعيوني تقل ما لي عليها أحباب
ليا مني ذكرت إنك لحقت أحبابك وجيلك

أنا ماني بلا جازع ولا باكي ولا مرتاب
مصبرني على فقدك ، مصيري بإني آتي لك

[بنت العود @bntal3oud]

تركتني يا أبوي من عقب الافراح ..
و تركت في جوفي من الجمر باقه ..
عساك بالجنات تنعــم ومرتاح ..
من المرض والهم ومن كل حاجه ..
ترك لنا سمعه مثل طيب فواحّ ..
رغم التعب والضيق ضاحك حجاجه ..
عقبك كساني الهم بالصدر واجتاح ..
وماعاد لي لمصادم الوقت طاقه ..

#Bnt_Al3oud

[بنت العود @bntal3oud]

يالغايب اللي حاضرٍ وسط قلبي
ما قد مرّت لحظه و ماذكرتك
ياليت موتك حلم والقاك جنبي
مامن ذرا عقبك ولا احدٍ بطيبتك
كيف اتناسى من قال تم و بلبّي
وافدي بروحي يالغلا لاجل حاجتك
عساك تنعم مهتني عند ربي
ويصبّر اللي ضاع من يوم روحتك .
💔
#Bnt_Al3oud