بنفا bnvafa

ربِّ أعوذ بك من شَتاتِ الأمر,ومسّ الضُّر,وضيق الصدر🩶.

[بنفا bnvafa @bnvafa]

هنا مساحة آمنة لقصصكم، لفضفضة قلوبكم والبحث عن حلول لمشاكلكم شاركوني في الخاص وسأنشرها لكم بكل حب وسريّة تامة لتجدوا الحلّ المناسب لا تنسوا متابعة الحساب لتكونوا جزءاً من عائلتنا 🤍✉️
​Here is a safe space for your stories, a haven for your hearts to speak, and a place to find solutions. Share with me via DM; I will post your messages with absolute love and total privacy to help you find the right answer. Don't forget to follow and become a part of our family 🤍✉️

[بنفا bnvafa @bnvafa]

من الخاص: 👇🏻

السلام عليكم
تكفون تعبانه نفسيتي تعبت والله العظيم صايره كل يوم اوسوس معاد صرت اعيش يومي زي الناس كله خوف وقلق وتفكير. انا عندي قناه فاليوتيوب قدييييمه مره وفيها مقاطع عاديه بس فيها موسيقى واغاني وزماااان مره الكلام ذا والقناه م عندي لها اي شي حرفيا والحين متزوجه وعندي عيال وللحين اخاف والله العظيم من ذنبها اللي عنده حل يساعدني اخاف ربي يعذبني عشانها والقناه والله قديمه وكنت مراهقه ولا كنت ادري انها ذنوب جاريه!

[بنفا bnvafa @bnvafa]

من الخاص: 👇🏻

السلام عليكم
أنا زوجة أولى وعندي 3 أطفال. زوجي غني جداً وتزوج علي سرّاً بنظام المسيار. لما واجهته اعترف، وطلب مني أستمر معاه مقابل يعطيني أرض ويكتب البيت باسمي. وافقت مادياً لكني مكسورة نفسياً، والآن أهلي يقولون لي أنتِ بعتِ كرامتكِ بالفلوس. هل تصرفي صح لحماية أطفالي؟

[بنفا bnvafa @bnvafa]

@0wi00 يا زين المنطق والأسلوب الراقي، كلام يفتح النفس ويجبر الخاطر.🥰

[بنفا bnvafa @bnvafa]

معقوله الخيانه عند بعض الرجال صارت سهله؟😰

[بنفا bnvafa @bnvafa]

من الخاص: 👇🏻

السلام عليكم
سالفه حيرتني وابي عالم مقنعه تفسرها لي بعض البنات تداوم ٨ سعات وهي مستانسه والله انا مو ضد عمل المرأه لاكن ليش تشرطي خدامه ف الزواج وانتي فيكي طاقه تهد جبال هذا بيتك وزوجك وعيالك أولى بالمجهود ذا مثل ما عليه مسؤليات انتي عليكي مسؤليه!

[بنفا bnvafa @bnvafa]

من الخاص: 👇🏻

السلام عليكم
انا موظفة الحمدلله وعمري بيوصل الثلاثين ولا احد خطبني وانا والله من خططي اذا ربي كتب لي الزوج الصالح ما اسوي زواج بس عائلي ماحب الكلفه ابد ومهورنا دايم ٣٥ الف بس محد يعرفني على ان اهلي معروفين ولهم سمعه كويسه وطيبه عند الناس كيف اطلع واعرف بنفسي او كيف المح اني ابي الزواج وزواج بسيط لعل وعسى وحده تسعى وتخطبني لأحد.!

[بنفا bnvafa @bnvafa]

من الخاص: 👇🏻

السلام عليكم
حصلت مشكلة معي وزوجي بسبب اني حاولت اكتفي بحجابي بدون النقاب ( لانني لم اقتنع به ولم استطع تحمله ولا أرضى اكون شي مقتنى ) صار يهددني بالطلاق واخذ أطفالي ومنعهم عني ويتهمني بالضياع وضياع دين أطفالي لمجرد نقاب عندي تسجيل صوتي أذاني نفسياً وله فترة يهددني بالطلاق حتى بمشاكلنا البسيطه وأغلبها ما اكون قاصده كيف التصرف الصحيح معه قانونياً ؟

[بنفا bnvafa @bnvafa]

من الخاص: 👇🏻

السلام عليكم
لقيت بجوال زوجتي محادثات صوتية مو زينة مع واحد أنا أبي أنهي الموضوع بهدوء خصوصًا إن عندي بنتين بس خايف من سوالف القائمة والكلام هذا، خصوصًا إن أغلب العفش عند بيت أهلها لأن شقتي صغيرة بدون إساءة؟؟

[بنفا bnvafa @bnvafa]

من الخاص: 👇🏻

السلام عليكم
شخص اكبر مني وأحبه مره كان يقولي إذا تزوجتي اطلبي من زوجك فلوس حتى لو كنتي خجلانه اضغطي عليه ترا يكذب عليك يوم يقول ماعندي" واحس بديت اقتنع بكلامه وحده هنا بثريد تقول كنا عايشين على الحديده واحتاج اغراض كثيره بس م اطلب عشان م اضغط على ابوي والحين ابوي صادمني ويقول بتزوج اجل منين لك هالفلوس ؟واحس فعلا مستحيل الرجال يطفر!!

[بنفا bnvafa @bnvafa]

من الخاص: 👇🏻

السلام عليكم
متزوجه لي سنه واللحين حامل لي ٨ شهور ونصف بالشهور الاخيره زوجي أشوفه ساحب على العلاقه الجنسية وما تصير غير مره في الأسبوعين بحجة انه ماوده يتعبني عشاني حامل ولا يضر الجنين بس احس كلامه مو مقنع وش الحل معه عمره هو ٢٦ سنه توه صغير!!

[بنفا bnvafa @bnvafa]

من الخاص: 👇🏻

السلام عليكم
تكفين نزلي مشكلتي بدون يوزر أنا في هم ما يعلم فيه الا الله تخيلي خطيبي ملكتي بعد اسبوعين اكتشفت بالصدفة انه كاتب كل حلاله باسم أخته المطلقة البيت والسيارة وحتى حسابه البنكي سويت معاه سالفة وعصبت قال لي أختي مالها أحد بعد طلاقها وأنا أأمن مستقبلها عشان لو جاني شيء ما تضيع تخيلوا يا بنات يعني أنا بكون على الهامش وأي شيء بنشتريه بعدين بيسجله باسمها أنا خلاص قفلت معاي وأفكر أفسخ الملكة ولا أتدبس فيه وش شوركم علي؟؟

[بنفا bnvafa @bnvafa]

من الخاص: 👇🏻

السلام عليكم
أنا متزوجة من خمس سنوات وعندي أطفال ومؤخرًا تفاجأت بزوجي يقولي إنه يفكر يتزوج زوجة أخوه السابقة بعد ما أخوه طلقها والمصيبة إن أخوه بنفسه هو اللي يشجعه على هالقرار ويقوله تزوجها عشان عيالي يكونون عندك وتربيهم وتحافظ عليهم وأنا للحين مو مستوعبة الوضع وحاسة إن الجميع يناقش مستقبلي وحياتي وكأن رأيي مو مهم وكل ما أتكلم يقولي إن الموضوع فيه أجر وإنه يسوي خير وأنا صرت بين الخوف على بيتي وبين إحساسي إن أحد يفترض علي واقع ما اخترته!!

[بنفا bnvafa @bnvafa]

من الخاص: 👇🏻

السلام عليكم
زوجي طلقني طلقتين ورجعني واهلي ما يدرون انا حامل بالشهر ٥ متزوجه من ٧ شهور انا بمنطقه واهلي بمنطقه بعيده مره اكثر من الف كيلو عني زوجي دايم يتهاوش معاي بسبب وبدون سبب ويخرج من البيت خاصة بالليل ، المهم مو عاجبه موضوع حملي ابداً ودايم يقول يمكن الطفل مشوه وكذا ، ما يصرف علي ابداً ويخليني اشتغل اشغال صعبه ومرهقه جداً انظف سقف جدران مطبخ كل اسبوع انظفه تنظيف عميق مره او مرتين رغم اني حامل ويخليني اصب له مويا من جركل كبير وانا حامل ووصلت فيه يقول لابوي انه كلب وكل ذا اهلي ما يدرون عنه وش سوي ساعدوني؟ 💔

[بنفا bnvafa @bnvafa]

من الخاص: 👇🏻

السلام عليكم
زوجي مسافر في إيطاليا صار له سنتين وهو في أوروبا وانا تعرفت بالصدفة عن شخص ثاني والآن أنا حامل وش اسوي😭؟

[بنفا bnvafa @bnvafa]

من الخاص: 👇🏻

السلام عليكم
سنه وحده وادخل الثلاثين وعندي خيارين !
يا اني اضل محجبه معزوله عن الناس متزوجه واحد اكبر مني٢٢ سنه ومع اخته وعائلته ووضع مادي شبه جيد واعيش بمكان ساحلي
يا اني اترك الجمل بما حمل واعيش لحالي اشيل الحجاب اكون علاقات جديدة واشتغل اي وظيفه واصرف ع حالي واعيش بمدينة
افتوني في امري؟ 😔

[بنفا bnvafa @bnvafa]

@0wi00 هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

[بنفا bnvafa @bnvafa]

من الخاص: 👇🏻

السلام عليكم
١٨ سنة زواج عشتها في ذل وإهانه و تهديد بالطلاق صبرت عشان عيالي بس لين يكبرون و بالأخير اكتشف إن أبوهم تحرش بوحده من البنات وجات علمتني أنا مصدومه نفسياً لدرجة ماتتخيلونها علموني الحين شسوي ؟

[بنفا bnvafa @bnvafa]

من الخاص: 👇🏻

السلام عليكم
متزوجة من ثلاث سنوات وللحين أحس نفسي و متزوجة أصلا زوجي يشتغل بمدينة ثانية وما يجيني إلا أسبوع كل كم شهر وحتى هالأسبوع يكون مشغول أو طالع أو ماسك جواله وأنا عبت نفسيًا أحس إني معلقة لا أنا عزباء أعيش حياتي ولا أنا زوجة عندها رجل يحتويها وصرت حيانًا أبكي من الوحدة وأفكر وش فايدة الزواج إذا أنا أعيش أغلب وقتي لحالي💔

[بنفا bnvafa @bnvafa]

@0wi00 مصدري

[بنفا bnvafa @bnvafa]

من الخاص: 👇🏻

السلام عليكم
انا زوجة ثانية عندي طفلين والاولى ماعندها اطفال عسى الله يرزقها وهي راضيه بالزواج هذا ، علاقتنا رسمية جدا وماقد اجتمعنا ابد بمكان واحد ، وكل ماجينا نطلع او نسافر انا وزوجي اهله وهي يصرون اخلي اطفالي عندها وانا ارفض يعني لو عندهم اخوان عادي خليتهم لكن كذا لحالهم كنت ارفض وتصير مشاكل وزوجي يقول اقدر اجبرك واهله يزعلون وكل احد يزعل يعني معليش وش تبي بعيالي انا مااعرف الا اسمها بس ولا اعرف شي عنها ، من حقي اخاف على عيالي .