بُوح .

قد يكون البُوح أحيانًا كتابة .

[بُوح . @bo743]

غروٍ جميل بنتظرته يوم لي سلهم
اخذ قلبي من ورا حدب الاضلاعي

صاب قلبي بزينه صابه مثل السهم
صابه بوقتٍ ما كنت فيه واعي

من اول هو لي ما كنه الا المرهم
واليوم لا يحن ولا هو اللي يراعي

ايه احبه ومن حبه شفت انا الهم
اركيت قلبي على جاله الين ماعي.

_بُوح

[بُوح . @bo743]

الله من همٍ كتمته بالاسراري
بين الحنايا ما حسه حاس

خلى فكري بالحيل يحتاري
ياخذني لو انا بين الناس

اهوجس فيه ماهو باختياري
غضبٍ علي اجرع منه كاس

امسك الطريق معه ساري
كل ليل اذوق منه الاتعاس.

-بُوح

[بُوح . @bo743]

لا والله الا تعبت يا سعود
واصبحت اسهر الليل كله

تقل اني باذلن لي مجهود
مجهود لكن ما هو محله

كل يوم وانا مع ايامي السود
كل يوم يمضي و زداد عله

صعبت علي وكل مالها تزود
ولا لقيت للسؤال جواب له.

-بُوح

[بُوح . @bo743]

يا غادة يا سعد من انتي ببلاده
انشهد انه حظيظ وسعيدي

يا غادة انتي المعنى للسعاده
هذا الصحيح مؤكدٍ توكيدي

ناظرتني نظرةٍ يا زيـن حاده
وخذتني كلي بدون تحديدي

وصرت اهيم واكتب بلا اراده
باقي بس تسمع وش جديدي.

_بُوح

[بُوح . @bo743]

بالقلب جرحٍ ينزف له عدة سنين
عيا لايلتئم وعيا انه لايبرى
لازال يقطر منه دم بيح الكنين
وتقول ان به نار ٍشاعمه كبرى
لازلت ابكي منه واجر الونين
وامسك خط من الرياض للخبرا
لعلي اسلي خاطري من حين لحين
وانسى مامضى ولعل الجرح يبرى
والقى بلاي وين ماكنت اناوين
تضيق النفس والعين تهل العبرى.

[بُوح . @bo743]

قلبي عليك من الزعل شايل
لا هو بيدي ولا على كيفي

قلت ولا تدري وش انت قايل
عليك من العتب واللوم ياحيفي

هقيت بك هقوة عيال الحمايل
واثرك عن دروب الطيب كفيفي

لو مالت الظروف ماني بمايل
لو اتسلف عشان اكرم ضيفي

ما عرف ادور ولا عرف احايل
على النقاء والعز شاهر سيفي

-بُوح

[بُوح . @bo743]

@02_RMA مشكلة شحاذ التفاعل تستفزكم ترا عشان مشاهدات

[بُوح . @bo743]

استهلت سحاب حبك ودياري غرقت
وسالت معك كل اوديتي وشعباني

استبشرت ارضي ومن الفرحة شهقت
وعمت السعادة كامل ارجا وجداني

شمسي من بعد شوفتك اشرقت
ونبت اشجار كامل انحا بستاني

غردت طيوري وفراشاتي حلقت
ونسيت همي وجوي تو ما زاني

روحي بروحك ياروح روحي التقت
ولقيت فيك ياحبيبي نصفي الثاني.

[بُوح . @bo743]

قلبي عليك من الزعل شايل
لا هو بيدي ولا على كيفي

قلت ولا تدري وش انت قايل
عليك من العتب واللوم ياحيفي

هقيت بك هقوة عيال الحمايل
واثرك عن دروب الطيب كفيفي

لو مالت الظروف ماني بمايل
لو اتسلف عشان اكرم ضيفي

ما عرف ادور ولا عرف احايل
على النقاء والعز شاهر سيفي

-بُوح

[بُوح . @bo743]

لا والله الا تعبت يا سعود
واصبحت اسهر الليل كله

تقل اني باذلن لي مجهود
مجهود لكن ما هو محله

كل يوم وانا مع ايامي السود
كل يوم يمضي وانا ازاد عله

صعبت علي وكل مالها تزود
ولا لقيت للسؤال جوابٍ له.

[بُوح . @bo743]

@jawwy ردو خاص

[بُوح . @bo743]

مشتاق لك لي عدة ايام
واتحرى متى على الله تجيني
حاربت عيوني لذيذ المنام
الى متى وانت معنيني
دخلتني في متاهات الغرام
واشغلتني عن دنياي وديني
القلب مجروح وكله آلام
ووالله ان فيني اللي مكفيني
روحي تعبت وكلي اسقام
ومحتاجك بجنبي ياضنيني
انت المعنى لـ حلو الايام
وانت بهجة عمري وسنيني.

[بُوح . @bo743]

ليه تلعب بقلبي يالضبي اللعوب
اخذته من بين المعاليق وعلقته

حاوطته من كل الطرق والدروب
ومرادٍ تبيه بالذكاء حققته

[بُوح . @bo743]

فيك من الزين مايملى العين
سبحان ربٍ خالقك سواك

انت وظروفي وشرهات المحبين
ضايع انا مابين مثلك وشرواك

[بُوح . @bo743]

ابشرك طيب ومتعافي وبخير
لاني بحاجتك ولا بحاجة خيرك

يابو قلبن اسود من قلب البعير
دايم مانسمع الا صوت هديرك

احسبنا سوا بتحديد بالمصير
واثر مصيري ماهوب مصيرك

نفعت نفسك ولاعليك من الغير
ماكن معك احد احدٍ غيرك

ما اتعبك ضميرك ولا حسيت بتقصير
وحنا تعبنا ننتظر تأنيب ضميرك.

[بُوح . @bo743]

يارب وانا عبدك المنذب
يارب اغفر لي الزله
من كثر ما اشعر اني مذنب
اعطس وانسى واستغفرلله

[بُوح . @bo743]

@JeenyCare انتبهو من التطبيق ذا يا كباتن نصابين حاطين عرض ولا جاني شيء ولا هي اول مره

[بُوح . @bo743]

سطع نور السماء وطل علينا البدر
والبدر لا طل زانت السماء معاه

يا محلا الطلة يا محلا روعة المنظر
يا محلا الحلايا كلها مع حلاياه

انتي اللي تعجب بك العين والنظر
وانتي اللي بزينك تشدين الانتباه

حاولت اسرق بعيني لك وانظر
ولقيت لي عالمٍ مايلحق مداه.

-بُوح

[بُوح . @bo743]

الخاطر اللي كل شيءٍ يبيه
وازرى يحصل شيء من الي بغاه
لا احدٍ يلومه لا صار حظه يرثيه
الحظ مات واحسن الله عزاه.

-بُوح

[بُوح . @bo743]

بالقلب جرحٍ ينزف له عدة سنين
عيا لايلتئم وعيا انه لايبرى
لازال يقطر منه دم بيح الكنين
وتقول ان به نار ٍشاعمه كبرى
لازلت ابكي منه واجر الونين
وامسك خط من الرياض للخبرا
لعلي اسلي خاطري من حين لحين
وانسى مامضى ولعل الجرح يبرى
والقى بلاي وين ماكنت اناوين
تضيق النفس والعين تهل العبرى.