بـوح القصّيد

#أقتباسات_شعريه

[بـوح القصّيد @bo7_13]

الهوى معروف شيٍ لا إرادي
والنتيجه مؤسفة محدٍ حمدها

لو صبر راع الهوى صبر المهادي
الجروح تبين لو أنه جحدها

[بـوح القصّيد @bo7_13]

وشلون لامرّت على البال ذكراك
وطيفك سرق مني لذيذ الرقادي

وشلون اعيش اللي بقالي بليّاك
لا من غدينا كل واحدٍ بوادي

علمني اكره ذكرياتك وطرياك
وانسى من الليله صدوق الودادي

[بـوح القصّيد @bo7_13]

البارحة مابين ذكرى وتذكار
عيا يطب النوم سود الجفوني

ياغايبي والشوق مخلوق من نار
ماهنت لو غيرك عليا يهوني

وشلون تتركني على عتبة الدار
وانت الوحيد اللي بكت له عيوني

اسألك في وجه الولي رب الابرار
رازق ضعيف الطير فوق الغصوني

ان كان باقي لي معزة ومقدار
عوود ترا شوفتك تشفي طعوني

[بـوح القصّيد @bo7_13]

حنا علـى عهد .. الوفا لك بقينا
القلب يوم إنك وفي عنك ما مال

علـى الهـوى نثبـت لمـن يهتوينا
ومن راح ما حنّـا ب طـرّادة أزوال

[بـوح القصّيد @bo7_13]

جيتك من اللهفه على حب واعجاب
ماهو على ما قيل صدفه لقيتك

الناس واجد والمحبه لها ابواب
مير الغلا وقف على باب بيتك.

[بـوح القصّيد @bo7_13]

تعبت انادي ياحياة الروح ياكل المراد
ومليت اقول اليوم والا باكر بوصلك تجود

صدك ذبحني والجفا قطع معاليق الفؤاد
ياللي بتعذيبي تماديت وتجاوزت الحدود

لالاتبرر موقفك واعلن على الحب الحداد
وترى البكا ماينفع الميت ولا لطم الخدود

[بـوح القصّيد @bo7_13]

لو أطيع أشواق قلبي في هواك
كان أطير مع الهبوب بدون ريش

[بـوح القصّيد @bo7_13]

إن جابها الله والمشـاعر سليمه
يبغالها حمدٍ وشكــرٍ وتسبـيـح

وإن ما كتبها الله فـلا به هزيـمه
حنا بشر نحتـاج ونقوم ونطيـح

ولنـا مع الأيام .. ذكـرى أليمه
ولنا ليالي من سعدها مفاليح

[بـوح القصّيد @bo7_13]

ليت الليالي في هواك اجمعني
بيني وبينك يالغزال السروحي

خذني حبيبي في الهوى بالتأني
والطف بحالي يالمحب الذبوحي

شوف الليالي في ودادك قصني
واسخيت قلب لك غريم نصوحي

[بـوح القصّيد @bo7_13]

في صدري الليله تناهيـد وآهـات
درب ٍ طويل من الحسايف طرالي
.
راحت بي الذكرى" على فايتٍ فات
خابت ظنـوني والزمن ماصـفالي

[بـوح القصّيد @bo7_13]

اشوف لك من وين مارحت ذكرى
لا شفتها صديت عنها ودنقت

ما كل جرحٍ لا خذا أيام يبرى !
بعض الجروح يزيد شرّه مع الوقت !

[بـوح القصّيد @bo7_13]

أحدٍ يغيب ، ونذكره كل ليلة
واحدٍ نشوفه كل ليلة وننساه

[بـوح القصّيد @bo7_13]

تراك فالخاطر ولو مانشوفك
وغلاك مايمحيه قل المواصيل .

[بـوح القصّيد @bo7_13]

بكرى تبي تكبر وتبعد خطاويك
وتمضي سنينك ياصغيري عجوله

تمرك الذكرى وتشفق لـ ماضيك
وتحن لـ أيام الصبا والطفوله .

[بـوح القصّيد @bo7_13]

إلا أنت خلك معي ولا تجافيني
غيرك يروح وجعله ما يجي ثاني

لا صرت مني قريب وما تخليني
ماهمني من هجر قلبي وخلاني

[بـوح القصّيد @bo7_13]

راحوا وباتوا في الصُور و المكاتيب
وفي كل شبّر من الصور يوحشوني

[بـوح القصّيد @bo7_13]

غابوا ولكن فالضماير عايشين
حتى لو إن اجسادهم تحت الثرىٰ .

[بـوح القصّيد @bo7_13]

والله إنك في الحشى مثل الوداعه
لو يطول البعد ويقل . . الوصالي

[بـوح القصّيد @bo7_13]

جعل زولك عن عيوني ما يغيّب
يا بعد شُوف العرب و أزوالها ".

[بـوح القصّيد @bo7_13]

رجعت بي الذكرى على ذيك الايام
حلو السنين اللي مضت من حياتي

ليت العمر ينعاد لو بضعة اعوام
وارجع وارتب من جديد امنياتي