dalal bouhemdi

Clinical dietitian 🍓

[dalal bouhemdi @bouhemdi]

هل فعلاً الريوق يفرق بالمزاج طول اليوم؟🍳☕️

وايد ناس يقولون إذا ما تريقوا يتعكر مزاجهم
وفي العكس يفضلون أول وجبة تكون الظهر او حزة الغدا

مافي قاعدة وحدة تمشي على الكل
اللي يفرق ان إذا قعدت ساعات طويلة بدون أكل ممكن ينزل مستوى الطاقة والتركيز عند بعض الناس ويحسون بتعب أو عصبية أكثر.

إذا تلاحظ إن مزاجك أو تركيزك يتأثر الصبح جرب ريوق بسيط عالي البروتين وشوف الفرق بنفسك.

انتوا من أي فريق؟
لازم ريوق علشان أبدأ يومي ☀️
ولا ما أيوع إلا الظهر؟ 😏

[dalal bouhemdi @bouhemdi]

هل فعلاً الريوق يفرق بالمزاج طول اليوم؟ ☕🍳

وايد ناس يقولون إذا ما تريقوا يتعكر مزاجهم
وفي العكس يفضلون أول وجبة تكون الظهر او حزة الغدا

مافي قاعدة وحدة تمشي على الكل
اللي يفرق ان إذا قعدت ساعات طويلة بدون أكل
ممكن ينزل مستوى الطاقة والتركيز عند بعض الناس ويحسون بتعب أو عصبية أكثر.

إذا تلاحظ إن مزاجك أو تركيزك يتأثر الصبح
جرب ريوق بسيط عالي البروتين وشوف الفرق بنفسك.

انتوا من أي فريق؟
لازم ريوق عشان أبدأ يومي ☀️
ولا ما أيوع إلا الظهر؟ 😅👇

[dalal bouhemdi @bouhemdi]

ملاحظة 👀 لما يكون يومك زحمة ومشاوير او ما عندك فجة، تحس إنك تاكل الوجبة بلمح البصر 🍽️💨

بس المشكلة وين !!
المخ يحتاج وقت عشان يستوعب إنك شبعت 🧠

فلما تخلص وجبتك بسرعة بعدها بساعة بتقول:
“أحس إني أبي آكل شي؟” 😅
ممكن مو لأنك يوعان…
بس لأنك ما عطيت جسمك فرصة يحس بالشبع.

جرب مرة:
حط تلفونك بعيد 📱وخلك مركز على أكلك شوي.

مو لازم تطول وايد…
بس الفرق البسيط بطريقة الأكل وتركيزك ممكن يفرق بإحساسك بالشبع

والحين قولولي من أي فريق أنتوا؟👇🏻
🚀 أخلص الوجبة بدقيقتين
🐢 آخذ وقتي بالأكل وأمضغ عدل

يمكن نكتشف إن أغلبنا من فريق الصاروخ 😆🚀

[dalal bouhemdi @bouhemdi]

تدري ان النوم ممكن يكون
اهو سبب زيادة وزنك مو الموضوع بالإرادة 😴؟!

لما تنام ساعات شوية جسمك يبدي يطلب:
🍫 سكر أكثر 🍟 وجبات سريعة ☕ كافيين أكثر

مو لأن "ما عندك إرادة”
لأن هرمونات اليوع والشبع تتأثر فعلًا.
حتى المزاج والتركيز والطاقة يصيرون أسوأ
فتلقائيًا تختار الأكل اللي يعطيك راحة سريعة

يعني أحياناً …
الموضوع مو بالنظام الغذائي
الموضوع إن جسمك تعبان

فقبل لا تلوم نفسك على التخبيص 👀
اسأل نفسك: آخر مرة نمت فيها عدل متى؟

والحين قولولي 👇
إذا نومتكم اختربت…
شنو أكثر شي تشتهونه؟ 🍕🍫☕️

[dalal bouhemdi @bouhemdi]

ترا الالتزام بالدايت مايعني اكل نظيف
والتزام ١٠٠٪ وبدون مطاعم ولا حلو 🧁!

لأن الاغلب يقدر يلتزم يومين..
بس مو الكل يعرف شلون يرجع بعد التخبيص🔁

لما تخبص مو معناته انتهى كل شي ووجبة وحدة ما تخرب النتايج كلها
المشكلة لما تتحول جملة “خربطت شوي” لي “خلاص بخرب اليوم كله”🤷🏻‍♀️
الاستمرارية والرجوع أقوى من المثالية💪🏻

“الناس اللي توصل لأهدافها غالبًا مو الأكثر مثالية…
اهم الأكثر قدرة على الرجعة لنظامهم بسرعة.”

[dalal bouhemdi @bouhemdi]

ملاحظة سريعة بهالفترة… 👀
مع الدراسة عن بُعد وتوقيف المدارس،

وايد طلبة صار أكلهم:
❌ عشوائي وسناكات طول اليوم بدون الإحساس باليوع (مجرد ملل!)

الموضوع مو وزن بس !!
حتى التركيز والطاقة قاعدين يتأثرون 📚🧠

السؤال:
هل فعلاً منتبهين على أكلهم؟
ولا الأمور ماشية بدون تنظيم؟

الحل بسيط…
مو دايت كثر مايكون شوي تنظيم وروتين أكل 👌🏼

والحين قولولي شنو ملاحظين عندكم؟ 👇🏻

[د. عبدالله السند @drayalsanad]

"وَإِن تَصبِروا وَتَتَّقوا لا يَضُرُّكُم كَيدُهُم شَيئًا"

[dalal bouhemdi @bouhemdi]

من الأخطاء اللي أشوفها وايد لما الناس يطلبون من المطاعم …
يبدون بالبطاط 🍟، بعدين البرجر 🍔، وبينهم العصير أو المشروب الغازي

المشكلة إن البطاط نشويات وممكن تحس بالشبع قبل ما تاخذ البروتين اللي جسمك يحتاجه.

فالأفضل تبدأ بالبرجر أول علشان تاخذ البروتين وتشبع بطريقة أفضل، وبعدين إذا صار في مجال كمل البطاط.

“جربها مرة… يمكن تكتشف إنك كنت تاكل الوجبة بالعكس طول عمرك وياسلام إذا كان المشروب ماي 😉"

المهم قول أنت من أي فريق؟
تبدي بالبطاط 🍟 ولا البرجر 🍔؟

[dalal bouhemdi @bouhemdi]

وايد ناس يقولون:
“الأكل الصحي غالي” 💵

بس بعد فترة نشوف نفس الشخص مستعد يدفع مبلغ كبير على إبر نزول الوزن.🩼

مو ضد الإبر أبداً إذا كانت تحت إشراف طبي🩺
لكن السؤال:
ليش نستثقل الاستثمار بالأكل الصحي…
ونقبله لما يكون علاج؟

أحياناً مو الأكل الصحي الغالي…
يمكن احنا بس ما عطيناه الأولوية

يمكن لو استثمرنا شوي بالأكل من البداية
ما احتجنا نوصل لهالمرحلة.

[AlziadiQ8 Plus | الزيادي بلس @AlziadiQ8Plus]

فيديو: لقاء دلال بوحمدي في برنامج (مساء الخير ياكويت) عن تأثير الحالة النفسية على الشهية و الأكل @bouhemdi

https://t.co/x8Efm74HAy

[dalal bouhemdi @bouhemdi]

أعظم رحمة في الوجود هي أن "الله معك" 🤍

[atv Kuwait 🇰🇼 @atvkw]

دلال علي بوحمدي "أخصائية تغذية علاجية":

من أهم النصائح لمرضى السكر التبكير في الفطور ، التقليل من الكافيين و الرياضة "بعد الفطور"

📺 الحلقة كاملة 👇
https://t.co/tNWBz0Eufb

#دايت_رمضان

[🇰🇼 ‏علي ‏عبدالكريم ‏محمد @_ali_84_]

#ديوانية_المعاقين
ضيفة الديوانية اخصائية التغذية دلال
الموعد الاثنين الساعة الواحدة صباحًا
@_ali_84_
@bouhemdi
لا تنسون اليوم حياكم

[علي نجم @AliNajim]

"انسى اللي تحسّه.. تذكر اللي تستاهله"

[barameji | برامجي @baramejigcc]

" صحة أطفالنا أمانة ،، وواجبنا استثمارها من الصغر "
رسالة مقدمة لكم من أخصائية التغذية العلاجية الأستاذة / دلال بوحمدي
@bouhemdi

#رسائل_برامجي
#برامجي
#الامارات #البحرين #السعودية #عمان #قطر #الكويت

[شراع نيوز 🇰🇼 @Shirae_News]

"صحة أطفالنا أمانة .. وواجبنا استثمارها من الصغر"

▪️رسالة مقدمة من أخصائية التغذية العلاجية الأستاذة دلال بوحمدي.

#الكويت
@baramejigcc
@shafeeqSomar
@bouhemdi
#رسائل_برامجي
#برامجي
#الامارات #البحرين #السعودية #عمان #قطر #الكويت

[المكتب الاعلامي MOH @moh_media]

إرشادات صحية ونصايح للحجاج من دلال بو حمدي أخصائية التغذيه العلاجيه /مستشفى جابر الأحمد
#نحو_حج_آمن
#وزارة_الصحة
#المكتب_الاعلامي

[جريدة النهار الكويتية @naharkw]

حلقة جديدة من برنامج #خلك_صحي

• خبيرة التغذية دلال بوحمدي تتحدث عن ارتجاع المريء 2

@bouhemdi

• لمتابعة الحلقة عبر #يوتيوب #النهار

https://t.co/48va1JslrT

[كلية التربية الأساسية @cbe_kw]

"السكر وأمراض العصر" محاضرة توعوية قدمها قسم الاقتصاد المنزلي في كلية التربية الأساسية

https://t.co/wHdXI6Ts32

@prof_fraih

#التطبيقي
#كلية_التربية_الأساسية