بريگ بن سالم

شاعر ..اصغر ضلوعي يشبه لضلع سنجار ؛؛ بس ان عيبه مايرد المسيّر

[بريگ بن سالم @br3334sa]

على حسب ما اخش وبدون تفتيش ،،
،
،

[محمد بن نعمي @mohdnemi]

تقلابة الغالي .. و دبّارة المزيون
هذي حاجتين تحفر الكبد بإيديها

وكثر العتب قلة معرفة وزود ظنون
ليالي العياد مبيّنه من عصاريها

تسوّالة الـ(آسف) مثل حاجة المديون
مع واحدٍ بيمنّها قبل يعطيها

وانا والله اني مخطي و غادي ومجنون
علامي من أول ما اعطي القوس باريها !!

[ناصر القحطاني @n_kahtani]

انـا له "الذاكـره" عن كل "غيبـوبه"
و انـا له "المربعـانيه" عن "الكـنه"

يا ليت ⁧#اخوي⁩ اقدر اخفّف من ذنوبه
لو شيٍ يقــرّبه خطـوه من الجــنه

[محمد بن نعمي @mohdnemi]

ياناس خلوا حكيكم في قفا الناس
صوموا تصحّوا .. سافروا تستفيدون

عبدالرحمن بن بطيحان
( رحمه الله )

[محمد بن نعمي @mohdnemi]

تولموا ما عاد للصبر مقدار
لا تحسبون صدورنا مثل ماهي

و اذا ترون ظروفكم ساحة أعذار
فقلوبنا ماهيب ساحة ملاهي

[عبدالله الطلحي الهذلي @talhi_abdullah]

ٰ
لا تنتظر .. فزعات ابو وجهٍ .. وجاه
محـدٍ .. وكيل آدم .. على ذريته
قوم استعن بالله .. وخلك في رجاه
من فاته الغالي .. خسـارة جيته
من يطلب الغالي .. تعنى له .. وجاه
لو دونه .. اخطـار الزمان ، مبيته
الضلع .. نادر من يعدي .. في حجاه
واكثـر .. قبـور الميتين .. بفـيته
الخوف مايحسب من اسباب النجاة
ماتنفـع الخـــايف .. مجـرد نيته
حتى السمك يسبح ، بعكس الإتجاه
مايتبـع التيـــار ....... غيـر الميتة

#عبدالله_الطلحي

[د. مشعل الزعبي @alzuaby]

هِزِّي إليكِ العُود يتساقط تناهيد وغرام
على شجون الكُرْد هِزِّي العُود مَرَّة ثانية

ما يصلح لهذا المقام إلا مثل هذا المقام
غَنِّي لنا "يا مْصَبِّر المَوعود" مرة ثانية

إذا نزل صوتك على جِدْب المشاعر يا سلام
تصير نبضات القلوب وْرود مرة ثانية

وإذا انحنَى عُودك على عُودك خَلَص كل الكلام
أحسّ بِإنّ الله بَعَث داوود مرة ثانية

تمايلي والليل تَوّه ليه أنام؟ وكيف أنام؟
جُودي على روحي من الموجود مرة ثانية

الحين حتى لو يروح الليل ما راح الظلام
مدري متى لون الحياة يْعود مرة ثانية

تقدَّم الساحر مكان الراهب ومات الغُلام
وأصحاب الأخدود اِحفرَوا الأخدود مرة ثانية

تمايلي يا أم العيون السود وإن قالوا حرام
تمايلي يا أم العيون السود .. مرة ثانية

[محمد بن نعمي @mohdnemi]

دام العتب مرفوع والشك مرفوع
ما فيه داعي للفراق انتصنّع

تعال دام الوصل ماهوب ممنوع
فديت حجانك ماعاد اتّمنّع

وفديت فيك الكيف والكم والنوع
وباقي الجمال اليوسفيّ المقنّع

خذني معك والكوع لفّه على الكوع
و اللي لك ان باقي الامور اتّسنّع

[بريگ بن سالم @br3334sa]

@AlNassrFC مداعبه شعريه
كنت امتوقع بس ماني امتخييل
اني اجوب الارض تكيتي النصر
الحمدالله يوم ماني هلييل
اللي تجيك احلامهم بس فالعصر
واللي قليل وجا بجنبه قلييل
يرجع على السودان🔵 وهذا على مصر 🟢

[عبدالله السراهيد @Alsraheed]

أخذ و عطا مع « سميّ الزعفران »
@medghem

[محمد بن نعمي @mohdnemi]

مساء الخير ، أما بعد :

ان جيت يا مرحبا ، و ان رحت حفظ الكريم
بتقدم الطيب بنقدّم لك أطيب منه

تحبنا من الصميم ، نحبّك من الصميم
بـ تصد عنّا شهر .. بـ نصد عنّك سنه

[محمد بن نعمي @mohdnemi]

دام العتب مرفوع والشك مرفوع
ما فيه داعي للفراق انتصنّع

تعال دام الوصل ماهوب ممنوع
فديت حجانك ماعاد اتّمنّع

وفديت فيك الكيف والكم والنوع
وباقي الجمال اليوسفيّ المقنّع

خذني معك والكوع لفّه على الكوع
و اللي لك ان باقي الامور اتّسنّع

[بريگ بن سالم @br3334sa]

هل تتذكر متى انضممت إلى X؟ نعم أتذكر! #الذكرى السنوية_لانضمامي_إلى_X

[سليمـان المانع @sulimanalmanah]

@N1020302 يمه دخيلك لا وصل عني اخبار
حذراك تذرف دمعتك لإنكساري
كاني ولدك ومن طويلين الاعمار
امعاهدك بالله لا ارد اعتباري

[عبدالواحد سعود الزهراني @WdBdalwahd]

إلى صديقي الذي اجتهدت بكل وسيلة في أن يبقى و اجتهد بكل وسيلة أن يرحل

وداعة الله و العشم فيك ما كان
تهدم طموح من سنين انتظرته

كانت تعذبنا التفاصيل و الآن
جبت الكلام من آخره و اختصرته

لو كان بعدك جا على هيئة فلان
قبلت راسه مرتين و شكرته

بوي الذي ما اقارن بحبه إنسان
حثيت فوقه بالتراب و قبرته

وهو علي بالي لكن بعض الأحيان
يمر يومي باكمله ما ذكرته

لا انا بآموت و لا انت ميت علاشان
هجرت عهدك و انت عهدي هجرته

الله يملي لي فراغك بالايمان
و يعوضني في عمري اللي خسرته

من واجب العشرة و من باب الإحسان
لو اقتنعت بعذر قلبي عذرته

اللي يسبب لك وجع قلب و احزان
لو كان عظم من عظامك بترته

[مدغم ابوشيبه @medghem]

لاتملك إلا التوضع أمام العملاق محمد بن الذيب 🙏

[جمال بندر @JamalBander]

ان حزنتي ما بقى عندي ولا مصدر سعاده
كيف ابلقى شي يسعدني ليا صرتي حزينه؟
.
تصبح الاصوات خرس وتصبح الالوان ساده
واشعر اني فالخلا الخالي لو اني فالمدينه
.
يوم اشوفك ترحلين وخطوتك تبعد زياده
كني اللي ما ركب مع نوح في ظهر السفينة
.
اعترف بـ انك زعيمة خافقي واشهد شهاده
انك الدنيا بعين اللي يشوفك نصف دينه
.
كيف يغرق فالدموع المالحه.. سكّر زياده ؟
وكيف تشكين القلق وانتي من اسباب السكينه ؟
.
اقبلي لي… لين اشوفك زين واشوف القلادة
تلعب بجيدك.. تغيظ الزينة اللي فالخزينه
.
والله ان مقابل جنيه الذهب في جيد غاده
صعب مثل مقابل " جنية الذهب " شاعر جهينه

[العـاهل @all_3jmii]

- حزمي بن سعد -

" يا برد الشتاء " خل الحنين القديم يموت
أمانه معك ؟.. لا تبعث " الشوق من قبره "

أنا من كثر ماني بـ متضايق .. و مكبوت ؟
لو يقول أحد وش فيك ؟ غصتني العبره

إذا الناس تحتاج أكسجين و شراب و قوت
أنا ؟.. أحتاج " جبرة خاطرٍ " ما لقى جبره

" يا ضحكة حياتي " لا تمر الفرص و تفوت
طريق الوصل ؟.. مدري متى نقدر نعبره

ما أراد الله إنّا نعتبر من " عقاب و نوت "
أراد الله ؟.. إنّا ( نعتبر ) مثله�� عبره

تحكّم بـ عقلي .. كن عقلي على ريموت
على صغر سنّك : جبت راسي على كبره

أنا أحس في نبرات صوتك سحر هاروت
" تبرمج " عليها قلبي اللي نفذ .. صبره

ماتفتح حماية قلبي .. إلا بـ بصمة صوت
على طول يقبل .. لا تعرّف على " النبره "

يا قوّ الغرام إللي حكمني " حكم طاغوت "
و ياشين الغياب .. و طيحة الحظ و الثبره

نحس بـ وجع فرقى بضعنا و حنا سكوت
ما نلقى مجال !.. نوصّل " شعورنا عبره "

خذتنا الظروف القاسيه لين شفنا الموت
و جبرنا الزمان .. إللي ما نقدر على جبره

عسى المترف إللي تشبعه حبتين التوت
يعوّد على خبري ؟.. و أعوّد على خبره

طقوس الشتاء عند أكثر الناس نار و كوت
و طقوس الشتاء عندي " تنهّاته و عبره "

[خالد بن محسن @Qrnee]

روسنا غير المراكز الاوله ما تقبل
في رضاالله جل شأنه ثم رضاخو نورة
…..
نحتفل بالماضي وْنبني لنا مستقبل
ونزدهر ونحارب الأعدا ونلعب كورة ⚽️

#الاخضر_الي_كاس_العالم_2026

[سلطان بن بتلاء @sbinbtlaa]

بعض المواجع تقل زلة ولد عم
ماتقدر تسولف بها لو تضايقك

ان قلتها منقود ، وإليا بقت هم
لاسالب ٍ روحك ، ولاهوب معتقك !