هِزِّي إليكِ العُود يتساقط تناهيد وغرام
على شجون الكُرْد هِزِّي العُود مَرَّة ثانية
ما يصلح لهذا المقام إلا مثل هذا المقام
غَنِّي لنا "يا مْصَبِّر المَوعود" مرة ثانية
إذا نزل صوتك على جِدْب المشاعر يا سلام
تصير نبضات القلوب وْرود مرة ثانية
وإذا انحنَى عُودك على عُودك خَلَص كل الكلام
أحسّ بِإنّ الله بَعَث داوود مرة ثانية
تمايلي والليل تَوّه ليه أنام؟ وكيف أنام؟
جُودي على روحي من الموجود مرة ثانية
الحين حتى لو يروح الليل ما راح الظلام
مدري متى لون الحياة يْعود مرة ثانية
تقدَّم الساحر مكان الراهب ومات الغُلام
وأصحاب الأخدود اِحفرَوا الأخدود مرة ثانية
تمايلي يا أم العيون السود وإن قالوا حرام
تمايلي يا أم العيون السود .. مرة ثانية
@AlNassrFC مداعبه شعريه
كنت امتوقع بس ماني امتخييل
اني اجوب الارض تكيتي النصر
الحمدالله يوم ماني هلييل
اللي تجيك احلامهم بس فالعصر
واللي قليل وجا بجنبه قلييل
يرجع على السودان🔵 وهذا على مصر 🟢
مساء الخير ، أما بعد :
ان جيت يا مرحبا ، و ان رحت حفظ الكريم
بتقدم الطيب بنقدّم لك أطيب منه
تحبنا من الصميم ، نحبّك من الصميم
بـ تصد عنّا شهر .. بـ نصد عنّك سنه
إلى صديقي الذي اجتهدت بكل وسيلة في أن يبقى و اجتهد بكل وسيلة أن يرحل
وداعة الله و العشم فيك ما كان
تهدم طموح من سنين انتظرته
كانت تعذبنا التفاصيل و الآن
جبت الكلام من آخره و اختصرته
لو كان بعدك جا على هيئة فلان
قبلت راسه مرتين و شكرته
بوي الذي ما اقارن بحبه إنسان
حثيت فوقه بالتراب و قبرته
وهو علي بالي لكن بعض الأحيان
يمر يومي باكمله ما ذكرته
لا انا بآموت و لا انت ميت علاشان
هجرت عهدك و انت عهدي هجرته
الله يملي لي فراغك بالايمان
و يعوضني في عمري اللي خسرته
من واجب العشرة و من باب الإحسان
لو اقتنعت بعذر قلبي عذرته
اللي يسبب لك وجع قلب و احزان
لو كان عظم من عظامك بترته
ان حزنتي ما بقى عندي ولا مصدر سعاده
كيف ابلقى شي يسعدني ليا صرتي حزينه؟
.
تصبح الاصوات خرس وتصبح الالوان ساده
واشعر اني فالخلا الخالي لو اني فالمدينه
.
يوم اشوفك ترحلين وخطوتك تبعد زياده
كني اللي ما ركب مع نوح في ظهر السفينة
.
اعترف بـ انك زعيمة خافقي واشهد شهاده
انك الدنيا بعين اللي يشوفك نصف دينه
.
كيف يغرق فالدموع المالحه.. سكّر زياده ؟
وكيف تشكين القلق وانتي من اسباب السكينه ؟
.
اقبلي لي… لين اشوفك زين واشوف القلادة
تلعب بجيدك.. تغيظ الزينة اللي فالخزينه
.
والله ان مقابل جنيه الذهب في جيد غاده
صعب مثل مقابل " جنية الذهب " شاعر جهينه
- حزمي بن سعد -
" يا برد الشتاء " خل الحنين القديم يموت
أمانه معك ؟.. لا تبعث " الشوق من قبره "
أنا من كثر ماني بـ متضايق .. و مكبوت ؟
لو يقول أحد وش فيك ؟ غصتني العبره
إذا الناس تحتاج أكسجين و شراب و قوت
أنا ؟.. أحتاج " جبرة خاطرٍ " ما لقى جبره
" يا ضحكة حياتي " لا تمر الفرص و تفوت
طريق الوصل ؟.. مدري متى نقدر نعبره
ما أراد الله إنّا نعتبر من " عقاب و نوت "
أراد الله ؟.. إنّا ( نعتبر ) مثلهم عبره
تحكّم بـ عقلي .. كن عقلي على ريموت
على صغر سنّك : جبت راسي على كبره
أنا أحس في نبرات صوتك سحر هاروت
" تبرمج " عليها قلبي اللي نفذ .. صبره
ماتفتح حماية قلبي .. إلا بـ بصمة صوت
على طول يقبل .. لا تعرّف على " النبره "
يا قوّ الغرام إللي حكمني " حكم طاغوت "
و ياشين الغياب .. و طيحة الحظ و الثبره
نحس بـ وجع فرقى بضعنا و حنا سكوت
ما نلقى مجال !.. نوصّل " شعورنا عبره "
خذتنا الظروف القاسيه لين شفنا الموت
و جبرنا الزمان .. إللي ما نقدر على جبره
عسى المترف إللي تشبعه حبتين التوت
يعوّد على خبري ؟.. و أعوّد على خبره
طقوس الشتاء عند أكثر الناس نار و كوت
و طقوس الشتاء عندي " تنهّاته و عبره "
روسنا غير المراكز الاوله ما تقبل
في رضاالله جل شأنه ثم رضاخو نورة
…..
نحتفل بالماضي وْنبني لنا مستقبل
ونزدهر ونحارب الأعدا ونلعب كورة ⚽️
#الاخضر_الي_كاس_العالم_2026
ٰ
عـديت ضلعٍ .. قبل اعـديه .. عـداه
جدي ، وابوي ، وطيبين الجماعة
والناس احد عدا واحد مات ممداه
عند الولي وصل الأجل وانقطاعه
طول السنين اجاهد الضلع وارقاه
ضلـعٍ .. يشيب بالعيـون ، ارتفاعه
من يوم عــديته .. وشوفي تعـداه
عليٌ ضاق الكون .. رغــم اتساعه
في الموقع اللي ، يتعـظ كل من جاه
ويطيح عن وجه المكابر .. قناعه
اقفى زمان الجهل ، واقفت مطاياه
طيش الشباب ، ورغبته واندفاعه
دنيا التفاني .. والطــمع .. والمباهاه
مليتـها .. ماعــاد عندي .. طـماعة
في مامضى في خاطري شي وابغاه
حتى وصلت .. وصار عندي قناعة
ان الحـياة احــــلام .. رغـم المعاناة
من ، مولد الإنسان .. حتى وداعه
هذي رسوم .. اهل الطروق المخلاه
كلٍ .. رحل عنها .. وخـــلا متاعه
المال ، والاصحاب ، والوجه والجاه
والعافيـة ، والمرجلة ، والشجاعة
مايكسب الانسان .. من طول دنياه
مكسب حقيقي غير تقوى وطاعة
#عبدالله_الطلحي
.
.
في أحدى الغابات كان هناك أسد نباتي
لايحب القتل ولا الدخول في صراعات
مع بقية حيوانات الغابة ... مما جعل
بقية ( الحياوين ) في الغابة تستغرب
هذا الوضع وتحاول إعادة هذا الأسد
لصوابه وطبيعته التي كان عليها أباءه
وأجداده .. فنصحهم القرد بالذهاب
إلى (سلحفاة ) حكيمة لأخذ المشورة
منها لإنها تبلغ من العمر أكثر من 300
عام .. وعندما أخبروها بالأمر .. فكرت
قليلاً .. ودخلت لصدفتها .. واخرجت
غليوناً كان بداخلها وأشعلته ونفثت
الدخان بعيداً وقالت لهم وهي تحدق
فيهم حيوان حيوان :
الأسد إن كان نباتياً لن يستطيع أكلي
وإن كان عكس ذلك لايستطيع أكلي
شوفوا لكم حل عند واحد يخشى من
أن ياكله الأسد التبن حقكم
ملاحظة مهمة
ليس مهماً أن تفهم المعنى من القصة