الـوسّـم ؛

مرحَبا .

[الـوسّـم ؛ @brehi_]

حطيت له عن شمس قيظ الغرام ظلال
وشيدت له بيت بقلبي وعمرته .

[الـوسّـم ؛ @brehi_]

☕️

[َ @cMuteiri]

أتذكّر من عليها قصيدي بيت بيت
ترد ميراد الظوامي على جال المدي😢

[الـوسّـم ؛ @brehi_]

مشاعري مثل البحر يوم يجتاح
سواحلك من فوق جزرك ومدّك

سلمت لك قلبي كذا دون مفتاح
تدخل وتخرج يالغلا من يردّك ؟

أقول لك حاجه وتقنع وترتاح
انا على حبك وشوفك وعهدك

لاتطري الفرقا وأنا معك مرتـاح
محد ملا عيني من الناس بعدك .

[﮼قرم ♘ @8rm_94]

كن في راسي صليل سيوف وخيولٍ تعادا
بينها عزوة شجاع ، وعقبها دمعة يتيمة
-محمد السريّع

[الـوسّـم ؛ @brehi_]

- اللهُم صل وسلم على نبينا محمد .

[الـوسّـم ؛ @brehi_]

هني والله اللي فيك مايقبل التبديل
يبيع الحياة إن قيل له لأجلها بعها

يعرف إنك أجمل ماخلق بين هذا الجيل
جمالك مهوب الحاجة اللي يضيعها

محبتك عنده واجبه خلي التأجيل
أبواب الهوى قد شرعت لك مصارعها

ترى الحب مايقبل من العاشقين بخيل
ماخاض الهوى غير أكرم الناس وأشجعها

[الـوسّـم ؛ @brehi_]

اضحك فديت العيون الناعسات الوساع
الناعسات الوساع اللي تثير الجدل

وان ضعت من نظرتك ياجعله ابرك ضياع
ياجعله ابرك ضياع وجعل معاد ادل

[الـوسّـم ؛ @brehi_]

لو يبحر الشّوق بعيونك غرق
يكفي نظر يكفي ملاطف هالعُيون .

[الـوسّـم ؛ @brehi_]

- اللهُم صل وسلم على نبينا محمد .

[الـوسّـم ؛ @brehi_]

العمر يومين ماهو بـ خلدٍ ما يزول
والفرص هي لذة العمر والباقي سدا

والسنين تروح والعمر يقصر ما يطول
و الزمن يجري ولا هاد لحظاتٍ عدا

والله اني مابعد عشت بأنصاف الحلول
ما تهيأ منه اخذته وما اقفى به فدا .

[الـوسّـم ؛ @brehi_]

يالله عفوك يوم تصفية الحساب
يوم حصاد لما زرعنا في السنين

يوم الحشر قرب ولا معنا زهاب
اليوم في الدنيا وبكرة راحلين

نجني ذنوب ونرتجي عفو وثواب
وعلى نصر ربي لنا مستعجلين

تدرون ليه امالنا كنها سراب
تدرون ليه النصر سيف الأوليين

قامو عليه وباعو الدنيا بدين
وحنا غفلنا بين مالذ وطاب

[الـوسّـم ؛ @brehi_]

لا يـا غزالٍ على ريف الفيافي ربـا
الذاير اللي تملكني وبيّح خفـاي

اشوفك اليا ارزم الوسمي وسيق النبا
سحابةٍ وبلها الصافي يرجع صفـاي

معاك اشوف القفار الشهب جنة سبا
يااجمل من اركى على قلبي مياسم غلاي

عطيت قلبي مجـال يحب غيرك وأبـا
الظاهر انك خذيته معك من دون راي .

[الـوسّـم ؛ @brehi_]

"تحملت أكون اللي ظلم نفسه وهو ساكت".
- خالد عبد الرحمن | ٢٠٠١م.

[الـوسّـم ؛ @brehi_]

لا طير شلوى لا ولا طير حوران
يقدر يسد اللازم اللي يسده

للعز يا طير السعد طير سلمان
النادر اللي ما خسر يوم هده

[الـوسّـم ؛ @brehi_]

مرحبابك من ذراعي لذراعي
جابك الله علم وانتي حلم ليله

مدعين الحب والشوق الصناعي
كل ابوهم فدوتن لش يا جميله .

[الـوسّـم ؛ @brehi_]

في ليلةٍ تاهت الخطوة وطال الوقوف
هي نفسها الليلة اللي شرها خيرها