شعر على الدرب

الشْعر شيخ الكلام و سلوة الطيبين

[شعر على الدرب @buiihhj2]

من تركني حاير البال مهزوز الثبات
لا صمل ؛ يِجهز على روحي ولا بلّها

التشبث فيه مثل التشبث فالحياة
بس أنا حتى .. حياتي بديت آملها

ما بقى من حبه .. ألا بقايا ذكريات
ودي إنه راح كله وأخذها كلها

عبدالله السراهيد

[شعر على الدرب @buiihhj2]

راحوا الي يوم راحوا رحت كلي
طيحوني في محبتهم و طاحوا

أتذكرهم وأنا بالفرض اصلي
ليه راحوا ؟ كيف راحوا ؟ وين راحوا ؟

- فلاح القرقاح

[المصحف / تدبر @hsh000008]

﴿وَذَا النّونِ إِذ ذَهَبَ مُغاضِبًا فَظَنَّ أَن لَن نَقدِرَ عَلَيهِ فَنادى فِي الظُّلُماتِ أَن لا إِلهَ إِلّا أَنتَ سُبحانَكَ إِنّي كُنتُ مِنَ الظّالِمينَ﴾

[شعر على الدرب @buiihhj2]

جا للعروبه حصانن يحسب حسابه
عالج جروح العروبه لين داواها

وصارت عذيه ومرموقه وجذّابه
من يوم ماشد ابو سلمان يمناها

يفرح به الشرق الأوسط ويتذرّابه
زعيمه و سيّد الأمه ومنصاها

ماتستريح الركاب الا على بابه
ولاتستقيم الدروب الاّ اليا جاها

- عبدالمجيد الذيابي

[شعر على الدرب @buiihhj2]

@fas_kuw @movahxx @Ahmed_A_AZ95 @bin_3rej @stam_2030 حكامنا من شعبنا .. هذا اخو وهذا ابن عم
حنا جسد فيه الفهد روح .. حنا بلد للخير نبني صروح
في يدنا كتاب الله .. وفي يدنا الحسام
إخوان من طاع الله في حرب وسلام
الله معك يا بلادي ..🇸🇦

[شعر على الدرب @buiihhj2]

يزود العمر و أدري كل ما زاد العمر نقصان
تركتك في سبيل المغفرة و إكرام مقداري

توالى عقبك أيام وليالي تشبه الميزان
ترجّح كفّتي مرّة ، و مرّة كفّة أعذاري

— فهد بن بجاد

[شعر على الدرب @buiihhj2]

اجر النسم ويتوق قلبي على المطلاع
ولا ودي احد ينتبه لي ويدريبي

من الطاري اللي حط صدري ثلاث امزاع
سريت ومعالم نجد وآنتي معازيبي

آحث القدم وعيون قلبي على المهزاع
شعوري غريب وضحكتي بث تجريبي

على ذكريات الماضي وتالي الاوجاع
يا مـ اكثر تنهايدي وياكثر ترحيبي

- محسن بن مترك

[شعر على الدرب @buiihhj2]

من اول فجيعة خاطري فيه لين اليوم
وانا زادي ومسقاي زمزم وتلبينه

غفى من ثلاث سنين وانا لذيذ النوم
ماذاقت عيوني لذّته من غفت عينه

بعده المرابع خاليه من وجيه القوم
عصافيرها خرس وشجرها شجر زينه

[شعر على الدرب @buiihhj2]

ارفع على القرآن لين اسمعه زين
وقصّر على صوت المعاناة لاهنت

ما ودي ان الحزن يظهر على العين
استر جروحي كني استر على بنت

كبرت عشر سنين في ظرف عامين
يا وجد روحي يوم راحت وعاينت

كنت أحلم بحاجات واجد وهالحين
ماعاد ابي غير اني ارجع كما كنت

جمال بندر

[شعر على الدرب @buiihhj2]

الكثار استقلت .. والقلايل كثار
لين شوقي بصدري من قليلك كثر

في كلامي ملام وفي عيوني اعتذار
وما خفيته عن الانظار ادهى وامر

أكسري كل حاجه تطلب الانكسار
من مخاوف وظن ومن عتاب وقهر

شاعرك لو يقول ان الهقاوي كبار
دفتره من سهاد .. وخاطره منكسر

جزاء الغيداني

[شعر على الدرب @buiihhj2]

ماعاث بقلوب المواليف وإجتاح
كثر الهوى اللي ينثني ويتمايل

شيٍ نقوله بالقصايد ونرتاح
وشيٍ ورا عوج الضلوع النحايل

ولا فرحت بشوفة البرق لا لاح
إلا حزنت من إنعدام الوسايل

ماجا الجواب بظرف ساعي ولا راح
والفقد له بعيون ناسه دلايل

ياما تمنيت : المطر كل ماطاح
ألقى بصندوق الرسايل رسايل

[شعر على الدرب @buiihhj2]

حب الشاعر لمدينته دخنة ، ودعاءه بأن يغمرها المطر ، و رسم جميل لمشهد الغروب و ظلاله.

:
دخنه لعل السحاب يصب هماله
على ارضها لين يطلع كل ماتضمه

على طرفها خزاز يميل اضلاله
قبل يحط الظلام الشمس في كمه

منها مشى الجيب لعل السعد فاله
متيممً يمةً ماغيرها … يمه

— لافي الغيداني

[شعر على الدرب @buiihhj2]

شبيه الصبح لاخالط شذى فنجاله الأنسام
أحبك والهوى طاحت طوال أشناب من دونه

ثلاث أيام مالك حسّ وينك من ثلاث أيام
عسى ماهي بدايات الفراق اللي يقولونه !؟

— ميسور

[شعر على الدرب @buiihhj2]

الصبر مفتاح الفشل والهزيمة
لاصرت تصبر وانت ماعندك حلول

- ياسر التويجري

[ناصر الحمادين @nalhmadeen]

الليل هذا من البارح وذا شكله
اثقل من الكلمة القشرا من الغالي
..
يا الله يا اللي عليك الشان والتكله
في وجه الايام لاتتركني لحالي ..!

[شعر على الدرب @buiihhj2]

ربي إني مسني ضر بلوى و امتحان
عارضن ما تعلم الناس بخصوصيته

حل من ذاتي لذاتي و سيطر فالمكان
جا لحاله لكن الموت جا مع جيته

لي ثلاث سنين في راس مرحلة الجنان
يا عذاب الشاعر الي فقد شخصيته

— سفر الدغيلبي

[شعر على الدرب @buiihhj2]

يا قلب عاندني ليا قلت لك : ضحّ
التضحيات اليوم صارت وجع راس

مدام ما احدٍ حس مهما تقول : احّ
حاول تضحي بالمشاعر والاحساس

من كثرة التفكير صوت الامل بحّ
ومن عالم الغربه طغى كل هوجاس

الناس تفهمني خطاء والا انا صحّ
محتاج واحد فاهم يفهم الناس

— عناد الشيباني

[شعر على الدرب @buiihhj2]

هو الفراق إذًا ما كنت أعرِفهُ
لا شيءَ يُشبِههُ في شِدَّةِ الألمِ
كل الجِراحِ إذا داويتَها بَرِئت
إلا الفِراقُ فجُرحٌ غيرُ مُلتئمِ

[شعر على الدرب @buiihhj2]

خذاك الزمان اللي تركني وطن محتلّ
ولا عاد باقي شي .. يستجمع حطامي

ويبدو لي ان تبع المقفي .. هوان وذلّ
عساني ماآضحّي في مقام اسمي السامي

قدر كل طيّب لو يعيش الحياة بـ قلّ
يحامي عن اسمه ما يدوّر له محامي

أنا وامنياتي .. ما خلقنا نعيش بـ ظلّ
خلقنا عشان نكون فـ الصف الآمامي

[شعر على الدرب @buiihhj2]

هيبة محمد جات من جده وابوه
المجد والهيبة ماتخلق من عدم

هذا زعيم الشرق الاوسط كلبوه
موقف امريكا على ساق وقدم