عبدالله صبر الثويني بن قشعم

الحر لا شاف الجفاء فارق القاع ! وحلق على روس الجبال الرواسي!! حفيد شيخ الشيوخ ثويني بن قشعم

[عبدالله صبر الثويني بن قشعم @bwdsbr7]

رحم الله أبي

لا هنت يا راس الرجاجيل لا هنت
لا هان راسٍ في ثرئ العود مدفون

والله ما احطك بالقبر لكن امنت
باللي جعل دفن المسلمين مسنون

منزلك يا عز الشرف لو تمكنت
فوق النجوم اللي تعلت ع الكون

[عبدالله صبر الثويني بن قشعم @bwdsbr7]

أخوك أخوك وخل عنك المخاليق
تظهر فعول أخوك لعمست ارياك
لاجا نهار فيه فتنه وتبريق
كل تعذر منك .. واقفى وخلاك
ولا عضيدك يسعفك حزة الضيق
ماعاضدت يمناك ياكود يسراك

[عبدالله صبر الثويني بن قشعم @bwdsbr7]

تعال خاشرني ترا الحي للحيّ.
الخير خير اللّه ما هو ب خيري

حلفت ما اكنز من حلالي ولاشي
كيف اكنزه وانا ادري انه لغيري

عسى بيوت ما لجدرانها فيّ ؟
تصيبها دعوة الامير السديري .

دعوة السديري
ياعل قصر ما يجيله ظلالي
ينهد من عالي مبانيه للساس

[عبدالله صبر الثويني بن قشعم @bwdsbr7]

ومن شاف في لحمه ودمه عذاريب فالله ولا قرب اللحوم المصنة
واللي يدور للجمايل تسابيب ماهوب يشوف الطيب ويصد عنه ..!
يقطعك يا راسٍ يجنّب عن الطيب ويقطعك يا طيَبٍ
تقفاه منّه ..!

[عبدالله صبر الثويني بن قشعم @bwdsbr7]

ترى الخشونه فالرجل مطلوبه
وترى النعومه فالرجل نشناها
وزلتك في صغرك ترى محسوبه
لو شاب دقنك ما حدٍ ينساها
واحذر يقولون العرب و الكوبه
احذر و خلك فطن المعناها
واللّي ما يحسب زلته و اعيوبه
في صغر سنه لا كبر يلقاها

[عبدالله صبر الثويني بن قشعم @bwdsbr7]

عندما تصل إلى مرحلة ترى فيها كل شيء تافه فاعلم أنك فهمت

الحياة ا

[عبدالله صبر الثويني بن قشعم @bwdsbr7]

يا عبيد لا تشره على كل رجال قبل التجارب لا تعد
الرياجيل
ترى الرخا له حال والضيق له حال يدري به اللي يعرف العدل والميل

[عبدالله صبر الثويني بن قشعم @bwdsbr7]

أنا اسمع بفعل ابوك وربعك الراحلين مافيهم اللي // تردا فالحياه وبخل !
ليتك تعلمت .. من شيبانك الاولين يوم أن الايام تشخل من تردا شخل
لا تحسب انك بتلحق مابقى من سنين معاد يمديك لو يطلع .. براسك نخل
عرق الرجوله يجي خلقه مع الطيبين كنت احسب انه وراثه واثر [ ماله دخل ]

[عبدالله صبر الثويني بن قشعم @bwdsbr7]

ما هوب لازم من يضرك تضره العفو عند المقدره طبع الاخيار.

[عبدالله صبر الثويني بن قشعم @bwdsbr7]

المشيخه ماهي على لبست البشت
البشت حتى اهل الردى يلبسونه

المشيخه من فعل يمناك لاحشت
فعلٍ كثير الناس مايقدرونه

[عبدالله صبر الثويني بن قشعم @bwdsbr7]

إليا زعلت الباب ماهوب مقفول
واللي يبي درب المفارق يدلّه

اللي يعرف العلم يدري وش اقول
واللي ماهوب يميّز العلم ، قلّه

حنا لا جينا الحبل مبرم و مفتول
امّا نعقد الحبل .. ولا نحلّه

و إليا انجرحنا ما زعلنا على طول
وإليا زعلنا .. .. نزعل العمر كلّه .

محمد المقحم

[عبدالله صبر الثويني بن قشعم @bwdsbr7]

لا تكاثر راعي الجود يوم أنه يجود المراجل عند ماضين الافعال شهوّة
الكريم أن جيت بيته نحر راس القعود و البخيل يشح يعطيك فنجال قهوة .

[عبدالله صبر الثويني بن قشعم @bwdsbr7]

والواحد الي لا كريم ولا حكيم ولا شجاع
مفروض يعطي ثوبه الحرمة ويلبس ثوبها !

والله اني اعرف حريم اشجع وأكرم من 100 رجال

[عبدالله صبر الثويني بن قشعم @bwdsbr7]

ياليتني لاطحت لاطحت لاطحت
ما اطيح عند اللي تمنى مطيحي
اللي بوجهة عن فؤاده تصفحت
لو كان لي في غايته مايبيحي
جاملت واغضيت وتسامحت واصلحت
وقلت الحقيقة والعزاء اني صريحي
مايوم والله خنت والا تمصلحت
حتى عن اعداية بذمي شحيحي
عاد.. أنت توحيني ياليتك تريحت
يوم أنت لاندي ولانت بنطيحي

[عبدالله صبر الثويني بن قشعم @bwdsbr7]

لو تاخذ الدنيا من الطول والعرض ويصير لك صيت العرب يسمعونه
لا صرت ماترحم ولا تركع الفرض راحت حياتك يا حياة ... المهونه
كم واحد مايعرفونه هل الارض لكن ملائكة السماء ... يعرفونه

[عبدالله صبر الثويني بن قشعم @bwdsbr7]

ودي اكسر عظم ساقي ولا اطلب بخيل
أتحمل كسر ساقي ولا منة عطاه

[عبدالله صبر الثويني بن قشعم @bwdsbr7]

كم واحداً مقدام ربعه ومدهال
وف عياله الثنتين هذي عقيمه

[عبدالله صبر الثويني بن قشعم @bwdsbr7]

كم قضينا حاجة المحتاج واللي فالمخابي
مايطفي لمبة البنزين .. ويولع زقاره

[عبدالله صبر الثويني بن قشعم @bwdsbr7]

شابت شواربنا وشابت لحانا
وبار الصديق اللي عرف سر مخباي
يقول عانوا خالي الجيب جانا
ما يدري ان الجيب تخليه يمناي

[عبدالله صبر الثويني بن قشعم @bwdsbr7]

أنا لو اشرب من يدين اليهودي
حاربت دونه مسلم طامع فيه
حر معاريف النشامى قيودي
دين تعسر ضحكتي لين أوفيَّه
من طالني فضله بليًا شهودي
علمت بعلومه لواني ما ادانيه
وان طبّت مابينت للناس زودي
"الرجل يفعل والاجاويّد تكفيه"

[عبدالله صبر الثويني بن قشعم @bwdsbr7]

بعض المجالس مالنا فيه مقعاد
يصلح لهزلين الرجال وهمجها

ارفع مقام النفس عن كل نقاد
واترك عصاي اليا تبيّن عوجها

يومٍ يقضيه الفتى عز واحياد
ولا حياةٍ من عرفها سمجها

لا صار مايسند لك العلم ويعاد
يرقص عليك من الحصاني عرجها