رح فمان اللّٰه والذمه من الذمه بريه
رح بعيد ابعد من الدمعه على العين الخليّه
رح بعيد ابعد من الشرهه على ضحك الميانه
وابعد من الحلم للي خاب ظنه في خويّه
وابعد من الياس للي طاب حظه في زمانه
لو تروح أبعد من حدود السماء والجاذبيّه والله
إن تبقى قريب اقرب من القلب لحنانه
ماني عقب فرقاك عايش بلا احباب
ولاني عقب فرقاك عايش حزيني
لا ساهر لأجلك ، ولا الدمع سكاب
من انت؟ حتى تبكي اليوم عيني
اصبحت في عيني مثل باقي
الأغراب
ان رحت ولا جيت ما انت بضنيني
وش حاجتي لاصرت بالحب لعاب
حرام اضيع معك ، باقي سنيني
يارب عطني أكثر من اللي رجيت
وأنت الكريم اللي عطاءه سرمدي
أنا أمنياتي أكبر من اللي سعيت
ياربٌ تشرق لي مثل صبحٍ ندي
دخيلك من الدرب لا مال وبكيت
وأعوذ بك يارب من حظِ ردي
طلبتك تحقّق دعاي اللي دعيت
تعبت أشيل أحلامي براحة يدي.