A

ماملكنا إلّا المقام اللي تطيح الناس دونه و ماكسبنا إلّا الفعول اللي تردّ العلم عنّا .

[A @c6xs1]

وارثين الطيب من كل النواحي
ونحمد الله ما مشينا بـ الرديّه .

[A @c6xs1]

يا غايبه ماني مثل . . ما تظنين
ما علّموك أخباري و مادريتي ؟

أنهرتني . . والله وذقت الأمرين
مثل إنهيار الاتحاد السوفيـيتي

كنت اتضايق كل مانتي تضيقين
واستصغر الدنيا لامنك بكيتي

وكانت خطاويي من القلب للعين
في قلبك وفي عينك البيت بيتي

كنت اسهرك دايم واحبك تنادين
اسمي والبي لك متى مادعيتي

إلى متى وأنتي تجين وتروحين ؟
والى متى وإلى متى مارضيتي ؟

رحتي و أخذتي كل شي قبل تمشين
بالله . . ويش اللي بقى ما خذيتي ):

غيبي على كيفك . . ولا عاد تاتين
ماني حبيب لك متى . . مابغيتي !

[A @c6xs1]

جيتك بـ اندفاع المحبه ما جيت من قِل
وجيتك والمحبه تتسابق معاها .. اشواقي

وقلت الكلام الجارح على سمعي ولسانك زل
وانا من البارح بـ أسبابك اصارع ارهاقي .

[A @c6xs1]

@28odg علموُه اني احبّه من الوَريد لـ الوريد
وعلموُه انّ الليَالي دوُن حسّه موجَعه

[A @c6xs1]

" اعتبرني حلم مرّك على غفوة منَام
وأنا بعتبرك قصة قريتها وما كملتها "

[A @c6xs1]

يبيّن لك انه هادي وخاطره مسرور
وهو والله انه يزعجه صوت مسباحه

[A @c6xs1]

يا نجد ما باقي من رسومه رسوم :
اللي من اوّل ننشد ( النود ) عنها !

يوم الاماكن كلها شوق ، واليوم ؟
كل الاماكن خلّص الشوق منها ..)

[A @c6xs1]

لك صفحتي مَلْفى ولك روحي بلاد
قرَّب معاذيْر المدى – فكّ قيدي

أشوف جيَّاتك على جرحي ضماد
وألدّ لك عيني، وأحاولك فـ يدي

الله! لو عامٍ «مضى معك ينعاد»
يمكن يذوب اللي بقى من جليْدي!

فيك أتلذّذ فاللّغة [مَنطِق الضاد]
وأسيَّر ركابي.. لـ شرْهة قصيدي

وأقول لك يا سِيْد غضَّات الأنهاد!
ويا سيْد عَذبات الصبايا، وْسِيْدي

كيف أتودَّد لـ آخرك شِعر، وجهاد؟
وأسيَّلك في صوتي.. وْفي ورِيدي!

لين اتّمادى في مسارِيْك الأضداد
وأكون أخفّ إحساس، وأنسَى شديدي

أستغربك مثل الحزن بين الأعياد
وأشوف في عارض محيَّاك عيدي!

«إن ما خذيتك -يا هوى بالي- عناد؟»
يا جعل يفدى بندقي؛ شوف صيدي

حاولت فيك؛ وهبَّت الرّيح الأشهاد!
واِرتاب طيْرك.. لين خلّى جريدي

البال -من زلَّت خطاوِيْك- نشَّاد
وشلون أبى أسعى لين أسلّم بريدي

كم صار لي لأيّامك البِيْض ورَّاد
لأجل القديم أستعذبك في جديدي

وأنا يا أبو وجهٍ ورا الليل وقَّاد
لولاك تقرأ ويش قيمة قصيدي؟

[A @c6xs1]

الحالة السكيولوجية:
"جاهدني الوقت لين اتعبني جهاده
خلاني اقنع بحاجاتٍ ــــ ما تقنعني".

[A @c6xs1]

أنت أصل الدهشه .. وكل الحكايه
الجمال اللي على الكوكب يعكسك
'
ودي انك ما تطالع .. فـ المرايه
لانك إذا شفت نفسك شفت نفسك

[A @c6xs1]

" عوايد سهوم الحب تخطي ومره تصيب
وانا سهم عينـه صاب قلبي ولا اخطاني "

[A @c6xs1]

ضُمني ضمّة المبطي عن المبطي
اللي له ايام .. ينتظرك ولا جيييته.

[A @c6xs1]

مضارب رموشها اللي حدها حد سيف
مكانها الصدر واللي غيرها فـ الطرف

في مثل هذي العيون اللي هدبها كثيف
تسّلم الروح ويموت الشجاع بشرف .

[A @c6xs1]

الافتراضات والأوهام قد تكون علاج المحبوب.

« أرسل رسالة فاضية و انا أفترض
انك كتبت أشياء منك أحتاجها »

[A @c6xs1]

هواجيس قلبي كل ماقلت راحت جات
تخالف علي باليوم خمسة عشر مرّة (:

[A @c6xs1]

صباح الخير لكل طيّب،

أمّا بعد:

ما معي مبدا ولا عندي دليل
غير جر الصوت سلوه وارهوه

يا جميله ما بقى صبرٍ جميل
التهي بي دام بالعمر لهوه

"راس مال الحب بالشي القليل
وراس مال الضيق فنجال قهوه"

[A @c6xs1]

صامت ومن صمتي عرفت وتعلمّت
ان الرجال "ابحور للي عبرهـا "

ماكل هرجه لانصتني تولمّت
ولا كل نيه توزم اللي سبرها

اخاف لامني زعلت وتكلمت
اجيب "وحده عند ربي خبرها"

[A @c6xs1]

إنت والله حبيبي وإنت والله داري
إن نظرة عيوني يم غيرك جماله

ما انقطع سيل حبك بالمعاليق جاري
كنّ قلبي خلقه الله لحبك سباله

[A @c6xs1]

"وفـوق ذلك مستعد اخدمك ثاني مره
امسح الي بيننا واحفظ رقم جوالي "

-إبراهيم المرزوقي

يارفيقي ماكشفك الا الليالي المره
متطوي في طرف كم الزمان الحالي

محتميك من الزمان الله يكافي شرّه
وانت والله لا ولد عمي ولا ابن خالي

جتك شرهات الرجال من السماء مفتره
ولا يعرف الاصلي إلا من عطاه الصالي

وانت تدري طول عمري ماتبعت الجرّه
إلا يوم اتبع هوى العلياء وراسي عالي

والله اني ما ترجى منك كبر الذره
مستعد اواجه ظروف الزمان لحالي

وفـوق ذلك مستعد اخدمك ثاني مره
امسح الي بيننا واحفظ رقم جوالي .

[A @c6xs1]

ما بقى في خارطة صدري لا شعب ولا قيادة
يالوحيد اللي جمع ضدّين . . راحل ، ومتبقّى

أنت حقٍ دونه الرجّال . . ما يذخر عتاده
واعتقد ما جيتك آطالب ب شي الا بـ حقي

[A @c6xs1]

"ودعاً وإلى عدم اللقاء"