Fahad - Al-Ruwaili

محدٍ على النفس العزيزه مبدّى .

[Fahad - Al-Ruwaili @c77loo]

يّـاااارب
عندما إموت
اجعّل ذنوبي تموت معي
ولاتجعّل لي ذنباً يبقى جارياً
وأنا تحتُ التراب
اللهم إن نامت عيني بأمرك
ولم تستيقظ، فأيقظني
على نوُر جنتك
اللهم ارحمِني اذا بُل جسمي
وإنقطِع عملي
وسخر لي من لايملُ من الدعاء

[Fahad - Al-Ruwaili @c77loo]

حبيبي والهوى غربة ، وهجرك لي عنا وسهاد
تعبت أهرب من الفرقا ، وأهدّ من اللقى حيلك

غريب في بلاد اللّٰه وفي قربك ، لقيت بلاد تغرّبت وتركت أهلي ، وجيت اليوم أوي لك

حرام إنك تخليني ، عقب نار الغياب رماد وأنا اللي كل ما هبّ الحنين أحطب وأضوي لك

[Fahad - Al-Ruwaili @c77loo]

ياشين غربة غريب الدار في داره
اي والله الكيّه اللي نارها حيه

اللي يسافر من بلاده وهو كاره
يشعر بغربه لكن يشعر بـ حُريه

والشوق .. ياشوق مايقضي حطب ناره
لاجمّرت ذيك .. قام وحط هاذيه

حطيت قلبي نظرات الغلا شاره
وشرّتني .. كن ماني في السعوديه

[Fahad - Al-Ruwaili @c77loo]

حنا شبعنا من كثير الحسافات
على القلوب اللي ملاها السوادي

خلك بنفسك لا تزيد الملامات
غادي ومن يتبع هوى الناس غادي

الناس بين الناس فيها اختلافات
مثل الاصابع تختلف بالايادي

واللي تحسبه سابع المستحيلات
إلا يجي لك يوم ويصير عادي

[Fahad - Al-Ruwaili @c77loo]

وين التراحيب القديمة والهلا
وين العيون اللي تغورق وتهمل ؟

وين الشغف والمرحبا والمسهلا
والخاطر اللي لا يكل ولا يمل !

يعني معرّضني .. لواهيب الخلا
يعني ما عاد أرسم على لاماك أمل ؟

[Fahad - Al-Ruwaili @c77loo]

تسير الحياه الفانيه بين نضج وطيش
وانا الهادي اللي يشحنه نايح القُمري

أشوف البشر غالب تفاصيلها تغبيش
انا المختلف ؟ ولا البشر وضعها مُزري ؟

ياليت المَعرْفه قبلها نقطه وتفتيش
على شان أميّز طعمها المُر من بدري

عزمت أبتعد عن كلّ شيء وقدرت أعيش
معا عزلتي لو مابها ، واقعٍ مُغري

[Fahad - Al-Ruwaili @c77loo]

الطيب ياراعي المشارية مافاد
بعض الوصل والودّ والجود تبذير

من لايقدّرني على روس الأشهاد
لا ينتظر منّي حشيمه وتقدير

اللي قطع لي درب بقطع له بلاد
واللي بدا الجفوه عليه المعاذير

السالفه ماهيب منّات وعناد
الطيب رده الطيب والكير بالكير

[Fahad - Al-Ruwaili @c77loo]

ليت النوايا مالها ستر ولباس
تَظهر من صدور المخاليق جَردى

اللي تظنّه غير عن كل هالنّاس
بكره تشوفه مثل هالنّاس وأردى

[Fahad - Al-Ruwaili @c77loo]

ماتوسلت السعادة من أحد
ولا لأحد منّة على بسمة شفاي

إن تعبت السبت بطيب الأحد
وإن بكيت اليوم يوم السعد الجاي

ماكرهت إنسان لو جار وجحد
هقوتي ما تبعد أكثر من غطاي

ولا رجيت إلا رضا الفرد الأحد
في رضاه إليا رضى عني رضاي .

[Fahad - Al-Ruwaili @c77loo]

شيخة القلب شوق القلب زاد احتدامه
و الحصون المنيعه تحت ،هيبة ملكها

عودك اللي على طارف غصونه حمامه
ودي أصيدها و أخاف أطيح بـ شبكها

ف أسفله نقص حال و في علّوه فخامه
حرمةٍ مقدر أرخي هامتي …و أنتهكها

افزعي .لي تراك آخر .. دورب السلامه
من سنينٍ تعبت الخوض في معركتها

[Fahad - Al-Ruwaili @c77loo]

01:00 AM
تمرّ السنين و كل حاجه على المعتاد
هذا دربك أدلّه .. و ذا بيتك أدلّه

توّقف ملذات العمر ما بين شرب و زاد
و لا ألذ من صوتك إلا جاء على حلّه

جعل كل يومٍ مضى لي معاك .. ينعاد
أنا ما يكفّيني معك ما مضى كلّه

[عَهد @T88ll_]

حتى لو انه من يكون ومن سلالات وعروق
اللي ماقدّر خاطري ماني بقدّر خاطره

[المغاوير 🇸🇦 @Army_SA1]

يالله أرزقنا القبول ويالله أقبل منا
سجدةٍ فيها خشوع ودعوةٍ ندعيها

أعفنا وأنت الكريم بـ رحمتك وأعنّا
قبل تاخذنا المنايا في كفوف إيديها

[مُ @cvv5o]

مابين الصعب ، وبين الخوف ، والتجريب
أحاول ما أميل بيوم ولا تتشرد افكاري

أمرّ بمرحلة صح ، أو خطا ، صدق ، أو تكذيب
كأني تايهٍ في شي ولاني عارف أقداري

أنا يارب ما أدري وش اللي ينكتب بـ الغيب
ولكن رحمتك اكبر من الي فيه أنا داري

[Fahad - Al-Ruwaili @c77loo]

لو صدق لو وفى لو ماخذلتني ؟

لو وفيت و جيت يومٍ زرتني
لو صدقت ،أفنيت روحي في هواك

لو نظرت بعين قلبك شفتني
ما معي مخلوق يستاهل غلاك

ليتك من الحب ما خوفتني
كان أعيش ألفين عمرٍ في رِجاك ..

[Fahad - Al-Ruwaili @c77loo]

أنا لي ورا نجد العذيه حشاشه جوف
لاهب الهوى من صوبها جيتها كلي❣️

[Fahad - Al-Ruwaili @c77loo]

09:00 AM
يذبل الإنسان مابين حرص وبين خوف
يبحث بـ ماضيه ، ويفكر بـ مستقبله

خلّني سهران بين الدفاتر والرفوف
لي سنة والصبح بيني وبينه مشكله

ما يعدّل جدوله واحدٍ عنده ظروف
خلّه.. إن عدّل ظروفه.. يعدّل جدوله

[Fahad - Al-Ruwaili @c77loo]

01:00 AM
تمرّ السنين و كل حاجه على المعتاد
هذا دربك أدلّه .. و ذا بيتك أدلّه

توّقف ملذات العمر ما بين شرب و زاد
و لا ألذ من صوتك إلا جاء على حلّه

جعل كل يومٍ مضى لي معاك .. ينعاد
أنا ما يكفّيني معك ما مضى كلّه