مهّوس ..

في مكاني وأحسّ إني ماني في مكاني ..

[مهّوس .. @c_2f]

ربي إني لما أنزلت إلي من خير فقير ..

[مهّوس .. @c_2f]

الله اكبر لا دنى الليل وتمادى ياجميله
بين طيات الخيال وبين طيات اغترابي

كل ماحل الظلام وضاقت النفس الجليله
اشمختبي عزتي واخفت عن العالم عذابي

والشعور الي تهبّه نسمة النود العليله
فيه شيٍ من هناي وفيه شيٍ من صوابي

عاد انا من ماضي الايام وافراحي مليله
ذنبي ان الحلم ضيفٍ كل يوم يطق بابي

حلمي الي لاسبيل ولا نجاه إلا سبيله
انتظر منه الجواب وينتظر مني جوابي

ملْ قلبي والهقاوي من وسيله في وسيله
مرتٍ تبني طموح ، ومرتٍ تفني زهابي

ليت هقوات الليالي تقبل بشوق المخيله
واكحل عيون الزمان الي يبا كسرة جنابي

ياجميله طال صبري وابتدى ينفذ حصيله
جعل مال الياس شبرٍ في ثراي وفي رحابي

من يلوم معرب الجدين في بنت الاصيله
ان رسمني مع سرابه مارسمته في سرابي

شاعرٍ ماقد طرقت الا الطواريق الثقيله
اقطف من الشعر اعزه واتعزز في شبابي

اقبل ان شفت الحرار تحوم في راس الطويله
واطرب لخوة شجيعٍ مايذل ولا يحابي

التجارب وجهتني واعبرت بي كل ميله
علمتني وش خطاي وعلمتني وش صوابي

لو مشاريهي تعن خيولها في كل ليله
مادعيت الا سماي ولا رجيت الا سحابي ..

[مهّوس .. @c_2f]

اللهُم صلِ وسلم على نبينا محمد، سورة الكهف نور مابين الجُمعتين، وادعوا لأنفسكم ولمن تحبون 🤍 ..

[مهّوس .. @c_2f]

من البارحه والنوم ماهو بصوب العين ..

[مهّوس .. @c_2f]

تغانم من سنين السعة مايسّر العين
قبل لا تعيش فـ مرحله شبه حسّاسه

تمر الظروف اللي ماتدري تجي من وين
تحد السعيد يضيق و يصد عن ناسه

الايام سستمها كذا بين زين و شين
ليا شفت لك مجروح : لا تجرح احساسه

من يشوف نفسه فوق خلق الله الباقين
يجي يوم وتشوفه محوّل على راسه ..

[مهّوس .. @c_2f]

انا مابين الذنوب وغلطة الشاطر
مثل السحا لا اكتسى به وجه راعيّه

معاد لي قلب من كثر الطرب باطر
واغلى الحبايب معاد يهز طاريه

تميل الاغصان وانا صابر وناطر
ويميل قلبي ليا من ميّلت ليّه

اللّٰه يستر علي من ضيقة الخاطر
قد لي اسبوعين واخلاقي تجاريّه ..

[مهّوس .. @c_2f]

يارب انا اخطي بعض الاحيان واتوب
واذكر ذنوبي واتقلب على جنب

خلقتني عبدك ولا عندي ذنوب
ودي اموت ولا عليه ولا ذنب ..

[مهّوس .. @c_2f]

يا ما نشدت من العرب من لقاني ؟ ..

[مهّوس .. @c_2f]

الحياة لا تقف على أحد ، ولكن القلوب تقف على من تحب ..

[مهّوس .. @c_2f]

مافيه احد قد ذاق لذة الانتصار
ويخاف من ويش الليالي جايبه؟

غامر ترا الايام تعطيك اختبار
ماهو بشرط كل طلقة صايبه

يقوم حظك مع طويلين الأعمار
لا طاح حظ اللي ما سد النايبه

الحظ في الدنيا مثل شمس النهار
تشرق عليك وعند غيرك غايبه ..

[مهّوس .. @c_2f]

صباح الخير، ينبغي عليك أن تتكيف أحيانًا مع حقيقة، أنك لا تشكل أهمية عُظمى لأحد ..

[مهّوس .. @c_2f]

الليله المسرا على خف وجناح
عندي شعورٍ ماتضمه قصيده

دام القمر في عالية نجد وضاح
خل النسيم يمر قلب الوليده

قلبٍ لو الظلما تغشاه مصباح
واليا بغيته من حديده حديده

حتى لو انه من عنا الوقت نزاح
دايم على جاله تشب الوقيده

لو حن للميراد ماطاح وان طاح
طيحة شجيعٍ بين غي ومكيده

عاد الهوا بتر المشاعر والارواح
لاجيت ازيده قل عندي رصيده

احفيت رجلي لين قفيت مرتاح
حتى لو ان الدرب ماكان سيده ..

[مهّوس .. @c_2f]

يا رفيقي لو تروح بعيد صرت قريب
عند نفسً تغلي الطيب لياء رافقها

لا تسيّب فـ الزمن وتخاوي المتسيّب
ولا تهاوي نفسك ان هاوت ولا ترهقها

يندمح طول الغياب اللي من المتغيب
لا طلع مثل طلوع الشمس من مشرقها

الشباب ان مرّته سود الليالي شيب
والرجال اعزومها طول المدى يفرقها

والكلام يبين اللي ماش واللي طيب
انتبه من كل كلمه قبل لا تنطقها ..

[مهّوس .. @c_2f]

أول مره أحس بشعور أن القلب ينعصر ..

[مهّوس .. @c_2f]

هل القلب ينعصر؟

[مهّوس .. @c_2f]

طارت بي افكاري ولجلج قريني
الطيش يدعيني وانا اقول لبّيه

لو ما اتعوّذ من بليس اللعيني
خاويت فكري للمتاهات والتيه

صبري قضا والصعلكه تحتريني
لكن حرام الحر يخلف مباديه

حرٍ طليق وفي شعوري سجيني
سجنٍ بلا حارس همومي مبانيه

كني رهين وعايش المحبسيني
يبخل عليه اللي بدربه يقدّيه

اكتب روايات العذاب بيديني
وارسم متاهات السراب ومظاميه

واقرا قصيد السامري والهجيني
والحّنه لحن التعاسه واغنّيه

عاقل واجاري كل عقلٍ فـطيني
مجنون جاهل يطفي الشمع بايديه

مات الطموح اهمال قدام عيني
مات الطموح العام واحاول احييه

سكرت والسكره خذت بي سنيني
صحيت لكن ضيّع الركب حاديه

مضمون همس الروح للاصغريني
همٍ بقلبي ينعش الروح طاريه

اشري بعمري رفقة الطيبيني
اللي لهم بطيور سنجار تشبيه

واقدّم الطيّب على القادميني
واللاش اورّيه الجفا خاب راجيه

بلسان حال فلان لا تـطـعنيني
اشوي رحمه يا سيوف المشاريه

شرهة عزيز الناس فوق الجبيني
تـاجٍ تشـرّفـنـي مشاريه راعيـه

والشرهه اللي من لئيمٍ تجيني
والله يبطي عظم ما جيت ارضّيه

من يبذل المجهود عذره سميني
هذا هو المعروف بأسما معانيه

لوم وعتاب ولا تزحزح يقيني
ماني مسوّي شي ماالله مسويه

ما ني نبي الله عصاي بيميني
اهش به على الثعابين وارميه

عانيت هـمٍ بـاح منه الكنيني
و ان راح جا الثاني و رديت اعانيه ..

[مهّوس .. @c_2f]

فاقدٍ لي شعور وفاقدٍ لي سنافي
واحدٍ ما يحب أبليس، لكن يطيعه ..

[مهّوس .. @c_2f]

الشقيان كسبان ..

[مهّوس .. @c_2f]

يامل قلبً لا ذكر بعض الاحوال
يدوي به الهاجوس مع كل نيه ..

[مهّوس .. @c_2f]

يوم في نجد كان الموت يختال كنّا
أنتمثنى فيافي نجد مثل الضواري

مال دهم الجموع ان حوّلت غير حنّا
لا وقفنا وجا للعمر بايع وشاري

أنتواعد لامن الموت هجرس وغنّا
عند زرق الرماح وعند ضرب الشباري ..

[مهّوس .. @c_2f]

أعظم نعمة هي نعمة الأمن والأمان، اللهُم لك الحمدلله على كلشي، شعب مطمئن وواثقه ثقه عمياء بالله سبحانه ومن ثم حكومته وجنوده، اللهُم لا تغيرها علينا من نعمه واحفظها، وأكفنا شر من اراد بها سوء، ملوكنا أعظم ملوك وشعبنا أعظم شعوب 🇸🇦 🤍..