ما جبرتك للحب ياللي تغليت
الله يسهل دربك اللي مشيته
ياما على شانك من القلب لبيت
وياما على شانك قلوب جفيته
ياما لاجلك يالغلا جد ضحيت
وياما لاجلك بعت أنا اللي شريته
أن كان مالك نفس قلي ومسموح
ولا تكرهني بنفسك وانا اغليك
الروح ما تجبر على معرفة الروح
فكر وعطني صامل العلم واعطيك
إن ما حصل مابيننا ضحك ومزوح
بالغصب ماني يا أريش العين باغيك
كلامك البارد ،، وإندفاعي الحار
وأغنياتي وشعري وصمتك الحاسم
تلاقوا في درب ،، تملأه الأسوار
مصدودٍ عن هوى غيرك وأنا هايم
أنا لي فؤادٍ ،، ما يعرف للغلا أعذار
وأنت لك فؤادٍ ،، عن الهوى صايم
ما بين الصعب و بين الخوف والتجريب
أحاول ما أميل بيوم ولا تتشرد أفكاري
أمرّ بمرحلة صح أو خطأ صدق أو تكذيب
كأني تايهٍ في شيء ولاني عارف أقداري
أنا يارب ما أدري وش الي ينكتب بـ الغيب
ولكن رحمتك أكبر من اللي فيه أنا داري
دخيل الجرح وظروف الحياة وبسمة الموجوع
غرقت وما لقيت إلا شواطي ضحكتك مرسى
عيوني بعد ماشافت رحيلك ليه ماتت جوع ؟
وشفاهي بعد ماقالت هويتك عادها خرسى
أنا جروحي على حطّة يدك من ثلاث شهور وأسبوع
لعلّ العمر مايذكر دموعي وإن كبرت، أنسى
لا تحسب إني بكرهك عقب فرقاك
لا والذي سواك مهوب طبعي
يا كم خذلت القلب وهميت بنساك
وأقسمت ما يجري على الخد دمعي
كانت عليك الروح توله لذكراك
وكنت أجمل أيامي وشوفي وسمعي
لا يتخطى المرء مشاعر مرت عليه يوما , قد يتناسى مؤقتا او يتغافل عنها قليلا ولكنه يحفظها جيدا , ذاك الجزء الذي بالداخل لا يمحو من مر عليه هو فقط يحاول ان يخلق الاسباب حتى يقنع نفسه انه تعافى ..
أعاتب من؟ والدنيا بخطاها ما عليها عتاب
مثل ما جابني درب الزعل، لهناك ودّاني
هناك لوين؟ مدري بس أعرف إن الطريق غياب
غيابٍ كل ما طال الطريق تخف نيراني
فمان الله، واللي بيننا يبقى ليوم حساب
أخاف أسامحك يوم الحساب وأنجرح ثاني