هِـيـام

كُـل عـيـبٍ أحِـبـه فـيـكَ إلا غـيـابـك! 🖐🏽

[هِـيـام @cfrcx1]

ما يطاوعني سكاتي من جنون شعافي
وسط صدري ( عقدةٍ ) في كل يومٍ تلوى

[هِـيـام @cfrcx1]

تعلمت السهر بعدك وانا قبلك رفيق النوم
ولاجـاب السهر طيفك ولا عـود علي نومي

[هِـيـام @cfrcx1]

الجيه اللي تبيها طاب منها الفواد
لو حللوها شيـوخ الديـن حرمتها .

[هِـيـام @cfrcx1]

جروح قلبي مايعالجها طبيب
وعيوني من البكى عيت تنام

وراسي من التفكير بادي يشيب
والجسم ناحلن راس العظام

والنفس تزداد عيت تودي وتجيب
اصبحت صايم ولاني بشهر صيام

من يوم ماقفى الزين سيد الرعابيب
وانا طول عمري عايش بدنيا الظلام

[هِـيـام @cfrcx1]

شلون انا بنساك واستقبل الغير
ووسوم حبك واضحه وسط وجهي؟

لاا تقولي خيره والقدر لازم يصير
الخيره الي عقب فرقاك وش هي

[هِـيـام @cfrcx1]

وش حـيله الـمشتاق لا حـن و اشـتاق
و مـاله فـي درب الـمواصيل حـيله ؟

[هِـيـام @cfrcx1]

البارحه والصدر رتب قوافيه
طرالي اللي يتعب الحال فرقاه

العام نشفق شوف زوله ونغليه
واليوم قفا واليالي !! توطاه

لي عام همي داخل الصدر مخفيه
مانملك الا ذكر زوله وطرياه

والله لو يدري عن الحال وشفيه
ماكان صد وترك غير ذكراه

٢٠٢٦/٨/٢٤

[هِـيـام @cfrcx1]

انتهت ايام المحبه كنها حلمٍ قصير
ولا بقى غير صورتك وحلو الذكريات .

[هِـيـام @cfrcx1]

عنك ابتعدت وتردني ذكرياتك
ليا متا والذكره تحتفظ فيك

[هِـيـام @cfrcx1]

أصحى على طاريه وأمسي بذكراه
ولا زال فكري بالغياب مرهون

أحسب مع الأيام أقدر أنساه
وأثر الغلا بالقلب ثابت ومصون

يمرني طيفه وأردد: يا حلاَه
ياليت وقت مضى ويرجع ويهون

[هِـيـام @cfrcx1]

امد لك حبل الوصل وانت ترخيه
الفرق واضح بين هاوي وعايف

[هِـيـام @cfrcx1]

لو كَنت أنا بالهند والاورى الصين
وأنت بضواحي نجد والا وراها

ولو نفترق عامين أو عدة سنين
لكَ منزله لو غبت محدن خذاها

معروف دور الدم يسقي الشرايين
والعين تظما وأنت تسقي ظماها

[هِـيـام @cfrcx1]

طحت من عيني وفيك الظن خاب
يا غرام كنت احسبه لي يدوم

كم تلاشت ضحكتي بين الصحاب
وسال دمعي من عذابي والهموم

انطفت روحي وشمع الحب ذاب
ومعك حظي بالهوى عيا يقوم !

الخطا واضح ولو مات الصواب
لا يغرك قلب ما يعرف يلوم

أنت قاسي ماتعرف ألا الغياب
والغياب أول معاذير الرخوم

[هِـيـام @cfrcx1]

الطواري كريمه، وإنت وصلك بخيل
والزمن دار بي والحال بعدك نحل

لا تسيّر علي مسيار " عابر سبيل "
وأنت بين الضلوع العوج راعي محل

[هِـيـام @cfrcx1]

مانيب متولع لكن ميتٍ فيك
في ذمتي ذمه وذمه وذمه

لوأن حبك سم وتمده إيديك
علي الحرام أني تقهويت سمك

[هِـيـام @cfrcx1]

فديت روحك كانك متابع بصمت ؟
وان كنت نايم ، جعل نومك عواافي

انا على حالي من اليوم ، مانمت
عقبك هجرت وسادتي مع لحافي"

[هِـيـام @cfrcx1]

فـي شـوفـهم كـل الـطـرايـق تـهـون
اسـعالـهـم لـو كـنـت طـايـحً ومـنـصاب

[هِـيـام @cfrcx1]

من بعد حبك ماعاد احس بالناس
ولا عاد ابي بالدنيا شخص سواك

مشغل فكري لو حولي ألفين جلاس
ولا ادري وش يقولون همي طرياك

ليا قالوا بس اسمك فز قلبي واحتاس
كن مقصدهم يشوفون بعيوني غلاك

اشوف طيفك يمر واجي بلا احساس
كني سقيم من مبطي مابي غير دواك

[هِـيـام @cfrcx1]

شارد الذهن وأفكاري تعيد المشاهد
في هذاك المكان اللي تمره وأمره

جالس أجاهد الدنيا وأهلها وأجاهد
وصلك المنقطع وطيوفك المستمره"

[هِـيـام @cfrcx1]

أشوف السفر مابين فتره وفتره زين
أنا بحاجه غياب أتفحص به أشواقي
..
تراودني الضيقه لها حروة أسبوعين
وتأثيرها واضح علي و على أخلاقي
..
ولا يجبر خاطري سوى كسرة الروتين
حسب خبرتي في معرفه حالة إرهاقي
..
يامحتاج من شعر العتب والحزن بيتين
انا والله المحتاج ضحكة من اعماقي!!