جواد بھائی میں پہلی فرصت میں لاہور آ کر آپ کا چیک اپ کرواتا ہوں۔حیرت ہے اتنا بڑا شہر اتنی بڑی فلم انڈسٹری اور ابھی تک کسی نے آپ کے علاج پر توجہ نہ دی۔میں معذرت خواہ ہوں کہ میں بھی انہی میں شامل ہوں۔اللہ آپ کو صحت دے۔پاگل پن نفرت نہیں ہمدردی کا متقاضی ہے۔
Get well soon bro
بسم اللہ الرحمن الرحیم
آیت اللہ سید مجتبیٰ حسینی خامنہ ای نئے رہبر مقرر۔۔۔۔
اسلامی ایران کی آزاد قوم، آپ پر اللہ کی سلامتی اور رحمت نازل ہو۔
مجلسِ خبرگانِ رہبری عظیم رہبر، حضرت آیت اللہ العظمیٰ امام خامنہ ای (قدس سرہ الشریف) کی شہادت، اور دیگر معزز شہداء خصوصاً مسلح افواج کے اعلیٰ اور مخلص کمانڈروں اور میناب کاؤنٹی کے مدرسۂ شجرۂ طیبہ کے طلبہ کی شہادت پر تعزیت پیش کرتے ہوئے، اور مجرم امریکہ اور شریر صہیونی حکومت کی وحشیانہ جارحیت کی سخت مذمت کرتے ہوئے قوم کو آگاہ کرتی ہے:
رہبرِ معظم انقلابِ اسلامی کی شہادت اور عروجِ ملکوتی کی خبر جاری ہوتے ہی—اگرچہ ملک شدید جنگی حالات میں تھا، دشمن اس عوامی ادارے کو براہِ راست دھمکیاں دے رہے تھے، اور مجلسِ خبرگان کے سیکریٹریٹ کے دفاتر پر بمباری کے نتیجے میں کئی عملہ اور سکیورٹی ٹیم کے افراد شہید ہو گئے تھے—مجلس نے نظامِ اسلامی کے نئے رہبر کے انتخاب اور تعارف کے عمل میں ایک لمحہ بھی تاخیر نہیں کی۔
آئین اور مجلس خبرگان کے داخلی ضوابط میں متعین ذمہ داریوں کے مطابق، غیر معمولی اجلاس کے انعقاد اور نئے رہبر کے اعلان کے لیے ضروری اقدامات اور انتظامات کو فوری طور پر اپنے ایجنڈے میں شامل کیا گیا۔ چنانچہ پورے ملک سے مجلس کے معزز نمائندوں کو جمع کرنے کے لیے مناسب منصوبہ بندی اور ہم آہنگی کی گئی تاکہ آئین کے آرٹیکل 111 میں عارضی کونسل کی تشکیل کے لیے موجود تدابیر کے باوجود ملک کو قیادت کے خلا کا سامنا نہ کرنا پڑے۔
دورِ غیبت میں ولایتِ فقیہ کے بلند مقام اور اسلامی جمہوریہ کے نظام میں قیادت کی اہمیت کو مدنظر رکھتے ہوئے، مجلس خبرگان انقلاب کے دونوں ائمہ کی 47 سالہ بصیرت افروز قیادت—جو عزت، استقلال اور اقتدار کے اصولوں پر مبنی رہی—کو قدر کی نگاہ سے دیکھتی ہے۔ ان عوامی رہنماؤں کی یاد کو خراجِ عقیدت پیش کرتے ہوئے مجلس اعلان کرتی ہے کہ آئین کے آرٹیکل 108 سے استفادہ کرتے ہوئے، اور اپنے دینی فریضے اور خداوندِ متعال کی حضوری پر یقین کے ساتھ، آج کے غیر معمولی اجلاس میں مجلس کے معزز اراکین کے فیصلہ کن ووٹ سے آیت اللہ سید مجتبیٰ حسینی خامنہ ای (دامت برکاتہ) کو اسلامی جمہوریہ ایران کے مقدس نظام کا تیسرا رہبر مقرر اور متعارف کرایا گیا ہے۔
آخر میں، آئین کے آرٹیکل 111 کے تحت قائم عارضی کونسل کے اراکین کا شکریہ ادا کرتے ہوئے ہم ایران کی معزز قوم، خصوصاً حوزہ ہائے علمیہ اور جامعات کے اہلِ علم اور دانشوروں کو دعوت دیتے ہیں کہ وہ قیادت کے ساتھ بیعت کریں اور محورِ ولایت کے گرد اتحاد و ہم آہنگی کو برقرار رکھیں۔ ہم دعا کرتے ہیں کہ اللہ تعالیٰ کی رحمت اور عنایت اس ملک اور اس کی عظیم قوم پر ہمیشہ قائم رہے۔
والسلام علیکم ورحمۃ اللہ وبرکاتہ۔
— مجلسِ خبرگانِ رہبری
وہ جو کہہ رہی تھی کہ ”شعور سے پیٹ نہیں بھرتا“ اُس کیا معلوم کے شعور دُنیا کو ہلانے کی طاقت رکھتا ہے۔
یہ وڈیو اس شعور کی چھوٹی سی مثال ہے۔ گریٹ ورک بلال ✌🏻