كل فزة شمس أهدي لك قصيدة
خايف إنك عن حياتي تغربين
ولو تغيب الشمس تبقين الوحيدة
مشرقة تسطع على روحي وتبين
ما أبي في دنيتي شمس جديدة
بس أبيك أنت بعمري تشرقين
مشرقك يمحي مواجيع .. شديدة
ومغربك جرحي وآلام السنين .
أكرهك وأحبك ولا أبيك وأغير
وأشتاق وأدور على البعد زله
زحمة مشاعر مالها أي تفسير
يالغزي .. اللي عاجز أني أحله
مرات أشوف ان ماورا محبتك خير
ومرات أشوفك مصدر الخير كله
ومرات أبشكر فيك حتى المقادير
ومرات اسب وقتٍ جمعنا بظله.
إن رموني ب التهايم وفضّلت السكوت
أضعف الإيمان في وسط قلبك برني
لك عليّ إني ما أحطك على لسان الشموت
ولي عليك إن كان صدرك تضايق مرني
مستعد أموت ل أجلك و لكن قبل أموت
كان عندك شي يثبت غلاتي ورّني.